رواية حور الفصل الحادي عشر 11 - بقلم شيماء محروس

سليم: انتي طالق يا حور. حور: وأنا مش عاوزة أشوفك تاني. ليلى: بعصبية، سليم! إيه اللي أنتم بتعملوه ده؟ سليم: ده الصح. ليلى: أنا كنت فاكراكم أعقل من كده، والحب اللي بينكم كفيل إنه يصلح أي حاجة حصلت بينكم. حور: لو سمحتي يا ماما، مفيش حاجة هتصلح اللي حصل. عن إذنكم، أنا طالعة ألم هدومي. محمود: اسمعيني يا مريم، أنا عارف إن بنتي غلطت وعملت كده عشان أنا غصبت عليها جوازها من سليم، بس ارجوكِ اقفي جنبها.

مريم: متقلقش يا عمي، أنا مش هسيب حور لوحدها. محمود: أنا مسافر أنا وفاتن، هنعمل عملية. جايز ربنا يشفينا. فاتن: لو حصل حاجة لينا يا مريم، وصلي لها الجواب ده. مريم: متخافيش، إن شاء الله هترجعوا بألف خير. بعد مرور شهرين. حور: أنا مش عارفة أشكرك إزاي يا خالد على وقفتك جنبي. خالد: متقوليش كده يا حور، أنا عملت اللي كان لازم يتعمل، وإنتي تستحقي أكتر من كده. حور: وقفت جنبي وقت الكل اتخلى عني.

خالد: طيب يلا يا دكتورة، شوفي المريضة اللي في أوضة 6. حور: حاضر يا دكتور. في الشركة. سليم: أنا رجعتك للشغل عشان إنتي مالكيش ذنب في اللي حصل، لكن لو لقيت أي غلط حصل منك تاني، متتورنيش وشك تاني. مريم: طيب حضرتك ممكن تسمعني بس. سليم: مش عاوز أسمع حاجة. وفيه حد هييجي يشتغل مكان حور. مريم: حد؟ حد مين؟ سليم: ادخل يا حازم. حازم: إزيك يا أستاذ سليم. سليم: أهلاً يا حازم. اتفضل مع مريم وهي هتفهمك طريقة شغلك إيه.

حازم: ماشي، شكراً لحضرتك. في المستشفى عند حور. خالد: إنتي ليه محاولتيش توضحي لسليم اللي حصل؟ حور: بدموع، موثقش فيا. خالد: بس ده غصبن عنه، يعني أي حد هيسمع كده طبيعي دي تكون ردة فعله. حور: بدموع، مش مهم. اللي حصل حصل. خالد: وإنتي ناوية تعملي إيه؟ حور: عادي، هعيش حياتي وهحاول أنسى الماضي. عند حازم في الشركة. حازم: متعرفيش حاجة عن حور؟ مريم: بتنهيدة، أنا غلطت في حق حور، مكنتش الصديقة اللي وقفت جنب صحبتها.

حازم: إنتي تعرفي عنوانها؟ مريم: آآآه أعرف. حازم: طيب إيه رأيك نخلص شغل ونروحلها؟ مريم: ماشي، موافقة. بالليل في فيلا سليم. ليلى: بتحبها؟ سليم: بعشقها، لولا كده مكنتش سبتها تعيش لحظة تاني. فؤاد: يابني، إنت لازم ترجعها عشان خاطر ابنك. سليم: إيه ابني؟ فؤاد: أيوه يابني، حور حامل. نجوى: الو، حور! الحقّي سليم هنا وماسك المسدس ورافعه على أروى. حور: بصدمة، إيه؟ أنا جاية حالا. سليم: متخافيش يا حبيبتي، ده مسدس صوت بس، حتى شوفي.

أروى: إنت بتتكلم بجد؟ يعني إنت مش هتموتني؟ سليم: لا يا حبيبتي، أنا مش هموتك. حور: إنت إزاي يا أستاذ يا محترم ترفع المسدس على بنت صغيرة؟ إنت اتجننت؟ سليم: أهلاً بقمرى. حور: بعصبية، إنت عاوز مني إيه تاني؟ سليم: تروحي معايا البيت. حور: نعم! إنت نسيت ولا إيه؟ إحنا اتطلقنا. سليم: وأنا رديتك. حور: إزاي ده؟ سليم: شغل محاماة بقا، مالكيش فيه. إنتي دلوقتي مراتي وهتيجي معايا بالذوق أو بالغصب. ومسك من دراعها وشدها جامد وفجأة.