رواية حور الفصل الثاني عشر 12 - بقلم شيماء محروس

سليم: انتي هتيجي معايا بالذوق ولا آخدك بالغصب؟ حور: بالغصب؟ انت اتجننت؟ سليم: آآآه اتجننت وهتيجي معايا. شدها، مسكها من إيدها. حور: (بعياط وعصبية) لا يا سليم، لا يا سليم. وأغمي عليها. سليم: حووووووووور! *** فؤاد: أنا خايف ع حور من ابنك. ليلى: متخافش، سليم دلوقتي عرف إنها حامل، مستحيل يأذيها. فؤاد: أيوه، بس ابنك متهور. ليلى: حتى ولو، دلوقتي الوضع اختلف. فؤاد: ياريتني ما كنت قلت له إنها حامل. ليلى: إزاي يعني؟

كنت عاوز تخبي عليه موضوع زي ده؟ فؤاد: ربنا يستر. *** في المستشفى. سليم: (بقلق) خير يا دكتور؟ الدكتور: صدمة عصبية، وده خطر على حملها، ياريت متتكررش تاني. سليم: حاضر يا دكتور. ممكن أدخلها؟ الدكتور: أيوه ممكن، اتفضل. في أوضة حور. سليم: احم احم. حور: عاوز مني إيه؟ سليم: عاوز نرجع لبعض، على الأقل عشان ابننا أو بنتنا. حور: أي ابننا؟ سليم: حور، مستهبلش، أنا عرفت إنك حامل، بابا قالي. حور: ... سليم: هااا، قولتي إيه؟

حور: سيبني أفكر. سليم: معاكي 24 ساعة، هسيبك تفكري وتقوليلي رأيك، مع إن مش هيغير حاجة، انتي هتيجي معايا البيت، انتي مراتي، مينفعش تفضلي بعيد عني. حور: اطلع بره. سليم: ماشي، طالع مؤقتاً. *** حازم: احم احم. مريم: إيه؟ هتغني ولا إيه؟ ههههههه. حازم: لو حابة أغنيلك عادي. مريم: لا شكراً، مش عاوزة. حازم: جربي بس، أنا صوتي حلو، أغنيلك لـ عمر دياب؟ "حبيبي ليلي نهاري، تعالي حبيبي". مريم: هو ده لـ عمر دياب؟

حازم: أيوه، ليه انبهرتي صح؟ مريم: انبهرت!!! هههههههه، ده لو كان سمعك كان انتحر. حازم: يساااتر، للدرجة دي صوتي وحش؟ مريم: لا لا، حلو، أنا بهزر معاك. حازم: طيب، إيه رأيك نعشى مع بعض النهارده؟ مريم: نعشى فين؟ هههههههه. حازم: في أي مكان انتي تحبيه. مريم: ماشي. *** محمود: وأخيراً بقينا على أرض مصر. فاتن: حور وحشتني أوي. محمود: وأنا أكتر. فاتن: عارف يا محمود، نفسي أعوضها عن اللي عملته فيها.

محمود: قلتلك من قبل ما تعملي اللي عملتيه، قوليلها ع حقيقة مرضك. فاتن: مكنتش هتستحمل. محمود: الحمد لله عدت على خير. *** ليلى: بقينا نص الليل ومافيش خبر عن حور ولا سليم. فؤاد: وتليفونه كمان مقفول. ليلى: هنعمل إيه دلوقتي؟ فؤاد: العمل عمل ربنا. *** حور: بصي، عاوزاكي في خدمة. الممرضة: خير؟ حور: شفتي الشاب اللي دخل لي من شوية؟ الممرضة: أيوه، قاعد بره الأوضة. حور: طيب، أنا عاوزة منك طلب. الممرضة: أؤمري.

حور: اديني لبسك أخرج بيه بره، وإنتي البسي لبسي ونامي مكاني. الممرضة: طيب، ليه؟ حور: أنا عاوزة أخرج من هنا من غير اللي بره الأوضة ده يشوفني، هااا، قولتي إيه؟ وهديكي اللي انتي عاوزاه. الممرضة: ماشي، موافقة. وبدلت حور مع الممرضة لبسها. وهي خارجة من الأوضة، فجأة...