رواية حور الفصل الخامس عشر 15 - بقلم شيماء محروس

سليم: أنا شوفتك وأنتي واقفة مع واحد قدام الشركة، مين هو يا حور؟ حور: بتوتر، ده... سليم: ده مين يا حور؟ وإياكي تكذبي، أنا لسه صابر عليكي ومش متعصب، يا ريت تقولي الحقيقة ومتحاوليش تخبي عني حاجة عشان مش هرحمك. حور: سليم، أنا خايفة منك. سليم: عشان كده عملتي اللي عملتيه في المستشفى؟ حور: عملت إيه؟ سليم: مريم حكتلي على كل حاجة. Flash back: حور: مريم، شوفي كده وصل ولا لسه؟ مريم: حور يا حبيبتي، ليه هتهدمي حياتك بإيدك؟

حور: بعياط، عشان بحبه وهو مش لازم يتعلق بيا عشان أنا هموت قريب. مريم: بس يا حور، ممكن سليم يسفرك بره مصر وتتعالجي من الورم ده. حور: لا يا مريم، أرجوكي ساعديني واعملي اللي هقولك عليه، واللي لازم يسمعه هو. مريم: بس يا حور... حور: مفيش بس، أنتي جهزتي ورق الملكية؟ مريم: أهو، وربنا يستر. حور: طيب روحي شوفي وصل ولا لسه كده. مريم: وصل يا حور. حور: طيب خلي الباب موارب كده. مريم: ماشي. Back:

سليم: بعياط، ليه عملتي كده ومقولتيش الحقيقة ليه؟ خليتيني آذيتك، ده أنا كنت هموتك وجرحك اتفتح وكنتي هتضحي بحياتك، وأخدتي الرصاصة مكان ماما، مع إنها اتفقت مع علا عشان تأذيكي، ده كله ومحاولتيش تقوليلي اللي بيحصل معاكي ليه؟ أنتي مش واثقة فيا؟ حور: بعياط، أنا بثق فيك أكتر من نفسي، بس مكنش ينفع أقولك على اللي حصل، كنت خايفة عليك. أنا هقولك على اللي حصل.

يوم ما أخدت الرصاصة، بعد ما طلعولي الرصاصة، أول ما فوقت من البنج كنت حاسة بصداع رهيب. عملولي تحاليل، والدكتور قال لمريم إن نتيجة التحاليل أظهرت إن عندي ورم في المخ والحالة متأخرة. وبعدين اشتغلت مع دكتور خالد، كان زميل ليا في الكلية، ولما شاف ظروفي وقف جنبي واشتغلت معاه في المستشفى. عملت تحاليل من أسبوع، حبيت أتأكد من الورم بعد ما عرفت إني حامل. وعملت تحاليل والدكتور قالي إن مفيش أي ورم. رجعت للدكتور تاني. Flash back:

الدكتور: أنا آسف جداً يا مدام على المعلومات الغلط اللي انتي أخدتيها، أنا دورت عليكي كتير بس معرفتش أوصلك. حور: يعني إيه معلومات غلط؟ الدكتور: يعني التقارير مكانتش ليكي، كانت لواحدة تانية واتوفت. حور: يعني أنا معنديش ورم؟ الدكتور: لأ، أنتي سليمة، والصداع كان سببه نسبة أنيميا في الدم. حور: بفرحة، بجد؟ الدكتور: بجد، وأسف مرة تانية على اللي حصل. Back: سليم: وليه مجتيش قولتلي على الحقيقة لما عرفتي؟

حور: ما وثقتش فيا من الأول، وأنا حسيت إني ماليش لازمة في حياتك. سليم: إزاي مالكيش لازمة، وإنتي كل حياتي أصلاً. حور: ده اللي حصل يا سليم. سليم: ومين اللي كنتي واقفة معاه تحت الشركة؟

حور: ده كان معايا في الكلية وكنا بنحب بعض، واتقدملي لما كنا آخر سنة في الكلية، بس بابا رفض. اتقدملي كذا مرة وبابا رفض، وعرض عليا إني أهرب معاه ونتجوز، وأنا رفضت. وبعدين لما جيت أقوله إن بابا وافق إننا نتجوز، حدد معاد وقالي أنا هاجي بكرة الساعة 6، مجاش، وعرفت بعد كده إنه سافر وسابني. سليم: وكان جاي يعمل إيه تحت الشركة؟ حور: كان جاي عاوز يتكلم معايا. سليم: في إيه بالظبط؟ حور: معرفش، بس صاحبتي عزمتني على فرحهم.

سليم: مش هتروحي؟ حور: نروح أنا وأنت، إيه رأيك؟ سليم: بغضب، عاوزة تروحي ليه؟ إيه قلبك حن؟ حور: بعد كل اللي حكيته ليك، لسه بتشك فيا؟ سليم: أنا مش بشك فيكي يا حور، افهمي، أنا بعشقك وبغير عليكي. حور: وأنا بحبك وعمري ما أقدر أستغنى عنك. سليم: يعني هتباتي معايا هنا بقا صح؟ حور: هههههههههه، صح. تانى يوم في الفرح. دخل سليم وإيد حور في إيده. حور: ألف مبروك يا عروسة. وائل: أنا آسف يا حور على كل اللي حصل، أتمنى إنك تسامحيني.

حور: حصل خير، مفيش حاجة، ألف مبروك. وائل: يعني إنتي مسامحاني؟ حور: لو مكنش اللي حصل ده كله حصل، مكنتش قابلت سليم حب حياتي. وائل: ربنا يسعدكم. حور: اللهم آمين. بعد شهر. كان فرح حازم ومريم. حور: ألف مبروك يا زومي، خلي بالك من الواد يابت يا مريم. مريم: ما توصيه عليا شوية، هو مش أنا أختك برضوا؟ حور: طبعاً وأحلى أخت كمان، خلي بالك منها يا زومي. حازم: في قلبي، وغمزلها. وبعد مرور 3 سنين.

حور: جنة، استني يابت، هديني وأنا بجري وراكي. جنة: مش هتقدري تمسكيني يا مامي. سليم: أنا مسكتك، هههههههه. جنة: أنت بتغش يا بابا. سليم: اسمها بغش يا أم نص لسان، هههههههه. جنة: كده يابابا، أنا زعلانة منك. سليم: يا قلبي، متزعليش. حور: يا سلام، الحب كله لـ جنة بس؟ سليم: الحب كله إنتي يا قلبي. جنة: بابا، أنت اتجوزت أنت وماما إزاي؟ سليم: يااااه، حكاية طويلة أوي، تعالي أما أحكيلك.