رواية حور الفصل الرابع عشر 14 - بقلم شيماء محروس

حور: بصدمة، أنت؟ لسه فاكرني ولا نسيتني؟ حور: بتوتر، أنت بتعمل إيه هنا؟ : ممكن نروح نقعد في حتة بعيد عن هنا. حور: لأ مش ممكن، واتفضل امشي من هنا بقى. : ماشي يا حور. *** في المستشفى. خالد: حبيبتي حور مش هتقدر تجيلك تاني. نور: ليه؟ هي زعلت مني؟ أنا عملت حاجة غلط؟ خالد: لأ يا حبيبتي معملتيش، بس حور تعبانة شوية ومش هتقدر تيجي المستشفى تاني. نور: بعياط، أنا عايزة حور. حور: أنا جيت يا قلب حور.

نور: وحشتيني أوي، وأونكل خالد قالي إنك مش هتيجي تاني. حور: وأنتي كمان وحشتيني يا حبيبتي. نور: متسبنيش، أنا بحبك أوي. حور: باست إيدها، مش هسيبك يا حبيبتي أبداً. خالد: ممكن نتكلم شوية بره؟ حور: حاضر. نور: أنتي هتمشي وتسبيني؟ حور: لأ يا حبيبتي مش هسيبك، بس هتكلم مع أونكل شوية وأجيلك. *** سليم: حور جت يا ماما. ليلى: لأ يا ابني مجتش، خير حصل حاجة؟ سليم: لأ محصلش، أنا طالع أوضتي، لما تيجي خليها تيجي أوضتي.

ليلى: ماشي يا ابني. *** خالد: أنتي صحيح هترجعي تشتغلي في المستشفى تاني؟ حور: أيوه، أنا اتكلمت مع سليم ومن بكرة هرجع، أنا جيت النهارده عشان نور كانت وحشاني. خالد: طيب مش ناوية تقوليله على الحقيقة؟ حور: لأ، لما أولد الأول. خالد: أنتي عنيدة كده ليه؟ حور: سيبك مني، المهم عملت إيه مع مراتك؟ هترجعوا ولا هتعمل إيه؟ خالد: أنا مش عارف، بس ابننا هيتظلم بينا في النص.

حور: وأنا بقول كده، ابنك ملوش ذنب في اللي حصل بينكم، لازم يتربى وسطكم. خالد: هحاول. حور: لو عايزة أي مساعدة أنا موجودة. خالد: شكراً يا حور. حور: طيب أنا ماشية، عايز حاجة؟ خالد: لأ، مع السلامة. : حور استني. حور: بصدمة، أنتي؟ : ازيك يا حور. حور: الحمد لله، ازيك أنتِ يا سها؟ سها: أنا الحمد لله. حور: خير يا سها، عايزة إيه؟ سها: أنا كنت جاية أعزمك على فرحي. حور: تعزميني أنا؟ سها: أيوه، فرحي على وائل.

حور: بصدمة، قولتي مين؟ سها: وائل. هتحضري صح؟ حور: بتوتر، آآآه طبعاً هحضر، محضرتش ليه؟ سها: مستنياكي. حور: ثانية بس، جاية تعزميني على فرحك وأنا كنت ألد أعدائك ليه؟ سها: عرفت بغلطي وعايزة نفتح صفحة جديدة أنا وأنتي. حور: ماشي يا سها. *** في الفيلا. حور: مساء الخير يا ماما. ليلى: مساء النور يا قلبي. حور: عاملة إيه؟ ليلى: كويسة، سليم جه وكان عايزك في أوضته. حور: خير، في إيه؟ ليلى: معرفش. حور: ماشي، هكلم مريم وأطلعله.

مريم: حور وحشتيني. حور: وأنتي كمان. مريم: أنا آسفة على كل اللي حصل. حور: مفيش أسف بين الأخوات. مريم: بجد؟ يعني أنتي مسامحاني؟ حور: طبعاً يا عبيطة، عارفة شفت مين النهارده؟ مريم: مين؟! حور: سها زميلتي في الكلية. مريم: البت الصفرة الغلوية؟ حور: ههههه، أيوه، وكانت جاية تعزمني على فرحها هي ووائل. مريم: بجد؟ حور: بجد. مريم: وأنتي هتروحي؟ حور: أيوه، وأنتي هتروحي معايا كمان. مريم: ماشي، يلا عشان زومي بيتصل.

حور: ماشي يا بتاع زومي، سلام. بعد ما خلصت المكالمة وطلعت أوضة سليم. حور: خير يا سليم، في إيه؟ سليم: ادخلي يا حور. حور: أهو، في إيه؟ سليم: أنا شفتك من شباك المكتب وأنتي واقفة مع واحد، مين هو؟ حور: بتوتر، ده، ده. سليم: بعصبية، ده إيه؟