رواية حور الفصل التاسع 9 - بقلم شيماء محروس

حور: انتي عارفة انتي عملتي إيه؟ وفجأة جه صوت: زي ما قتلتِ ندى، أنا هقتلك. حور: لا يا نادر. وأخدت الطلقة بدل ليلى. ليلى: بصدمة وشايفة دم حور في إيدها. ليلى: حور، لا، ما تموتيش. نادر: المفروض كانت جت الطلقة فيكي انتي مش حور. وجيه الحرس ومسكوا نادر. سليم: بخضة. سليم: حور، حور حبيبتي. محمود: يا عم مش وقت نحْنِحَة، البت هتموت. *** في المستشفى. محمود: بعياط.

محمود: يا حبيبتي، يا بنتي، أنا جوزتك عشان أحميكي من شر الدنيا، أتريني برميكي في النار بإيدي. فاتن: من كتر العياط أغمى عليها. محمود: بخضة. محمود: فاتن، فاتن، الحقوني. اتلموا عليها كلهم ودخلوها أوضة وعلقوا ليها المحاليل. الدكتور: أول ما طلع من أوضة العمليات، كلهم جريوا عليه. سليم: بخضة. سليم: خير يا دكتور؟ طمني. الدكتور: المدام نزفت دم كتير وفصيلة دمها مافيش غير كيس، محتاجين كيس تاني. مريم: بزعيق.

مريم: إزاي مستشفى كبيرة زي دي مفهاش كيسين دم لكل فصيلة على الأقل؟ الدكتور: حضرتك اتكلمي معايا بأسلوب أحسن من كده. سليم: آسفين يا دكتور، خد مني أنا. الدكتور: فصيلة دمك زيها؟ سليم: خد مني أنا يا دكتور، فصيلتي زي فصيلتها. الدكتور: سليم؟ سليم: حازم. الدكتور: اتفضل معايا. وبعد ما أخدوا منه كيس دم. سليم: أنا مش عارف أقولك إيه يا حازم. حازم: متقولش، وأنا مش بعمل كده عشانك، كله عشان حور. الدكتور طلع بعد ساعة.

ليلى: طمنا يا دكتور. الدكتور: الحالة دخلت في غيبوبة للأسف. كلهم بصدمة: غيبوبة؟ ليلى: والغيبوبة دي هتطول؟ الدكتور: الغيبوبة مالهاش مدة محددة، بس هي سامعاكم وحاسة بيكم، ادعولها. *** عند نادر في القسم. المحامي: ساعدني يا أستاذ نادر عشان أعرف أساعدك. نادر: ليلى هانم قتلت ندى حبيبتي، وأنا كان لازم أموتها زي ما موتتها، بس للأسف أخدتها مكاني، حور. المحامي: ده آخر كلام؟ نادر: أيوه. *** في المستشفى.

نقلوا حور في أوضة عادية ومعلقة المحاليل. وكل يوم سليم وليلى ومحمود وفؤاد ومريم معاها. وبعد أسبوع كان مهند وأروى ومريم وحازم عندها. مهند: حور، قومي بقا عشان نلعب مع بعض ونروح الملاهي، انتي نايمة بقالك كتير، اصحي بقا. مريم: بعياط. مريم: تعالي نروح أنا وانت. مهند: لا، أنا عايز حور، يلا يا حور. وفجأة حور بدأت تحرك إيدها. مهند: بصوا، حور بتحرك إيدها. مريم: أنا هروح أنادي الدكتور. *** في حتة تانية.

كان سليم قدم التسجيل للنيابة. سليم: ازيك يا لولو؟ علا: بتوتر. علا: سسسليم. سليم: آه، سليم اللي كنتي بتتآمري عليه. علا: سليم، أنا... سليم: حضرت الظابط. علا: لا يا سليم، متعملش فيا كده. الظابط: اتفضلي معانا من غير شوشرة. *** مازن: لو سليم عرف باللي عملناه، مش هيسيبنا. محمد: وهتبقى كل حاجة ضاعت. سليم: كنت فاكركم صحابي وأمنتكم على أسراري، هو ده جزاتي؟ آخرتها كده؟ عاوزين تموتوني. محمد: سليم، اسمعني. سليم: حضرت الظابط.

الظابط: اتفضلوا من غير شوشرة. *** عند حور. الدكتور: الحمد لله، الحالة بدأت تفوق. حور: بدأت تفتح عينيها. حور: آآآه، أنا فين؟ الدكتور: حمد الله على السلامة. مريم: بفرحة. مريم: حمد الله على السلامة يا حور. محمود: انتي كويسة يا بنتي؟ حور: متخافوش، أنا كويسة. وهي بتدور بعنيها بينهم. مريم: احم احم، إحنا هنا، بتدوري على سليم؟ حور: لا، بس هو فين؟ مريم: هو في مشوار وجاي. *** في الفندق بقا. عند سليم بعد ما عرف إن حور فاقت.

سليم: عاوز الأوضة كلها ورد. الموظف: حاضر يا أفندم. سليم: وعد يا حور، هسعدك وأعوضك عن كل اللي فات. *** عند حور في المستشفى. بعد ما كلهم مشيوا وفضلت هي ومريم. مريم: حور، سليم لو عرف إنك كنتي على علم باللي عملته علا ومحمد ومازن، وبالخطه إنهم ياخدوا فلوسه، مش هيسامحك. انتي لازم تقولي له. حور: أنا كنت فاكرة إنه هيزهق مني ويطلقني، وإن الموضوع ما يوصلش لكده. وبعدين أنا كان لازم آمن نفسي، ويكون فيه حاجة من ممتلكاته باسمي.

مريم: بس هو بيحبك يا حور. حور: مريم، أنا اتجبرت إنه اتجوزه، والكل اتخلى عني، وشك في شرفي، كان لازم انتقم منه.