رواية حور الفصل الثامن 8 - بقلم شيماء محروس

حور بصدمة: نادر! نادر: تعالي معايا يا حور. حور: على فين؟ نادر: متخافيش، بس ندى عاوزاكي. حور: طيب، ماشي. بعد ما وصلوا عند ندى: ندى: الحمد لله إنك جيتي. حور: خير؟ ندى: أنا كنت عاوزة أقولك على حاجات كتير لازم تعرفيها. حور: ها، سمعاكي. ندى: أنا وعلا اتفقنا نوقع بينك إنتي وسليم. حور: ....... ندى: أنا وعلا اللي بعتنا الصور لسليم، وإحنا كمان اللي ضربناكي على راسك إنتي وحازم، واتصلنا بسليم. حور بصدمة: طيب ليه؟

أنا عملت لكم إيه عشان تعملوا فيا كده؟ ندى: وكمان مكناش لوحدينا. حور: قصدك إيه؟ ندى: مدام ليلى اتفقت معانا على كده عشان ماكنتش عاوزاكي تبقي مرات ابنها. حور بصدمة: إنتي كدابة! ندى: دي التسجيلات باللي حصل بينا، أنا كنت مديها خزينة من علا عشان كده سجلت كل اللي حصل، ياريت تسامحيني. حور: مستحيل. ندى: أرجوكي يا حور سامحيني. حور مشيت من غير ما تسمع حاجة تاني. سليم: الو، إنتي فين يا حور وليه مش بتردي عليا؟ حور: إنت فين؟

سليم: أنا في الشقة. حور: طيب تعالي، أنا مستنياك في الكافيه. *** علا: الو. شخص: أيوة يا أنسة. علا: نفذ يلا، مش عاوزها تعيش ثانية تاني. شخص: اقري عليها الفاتحة. *** سليم: كنتي فين يا حور؟ حور: ممكن منتكلمش دلوقتي؟ سليم: طيب تعالي معايا. *** محمد: أنا ماليش دخل بيكي ومش مشترك معاكي في جريمة القتل دي. علا: كلنا في الهوا سوا يا حبيبي. مازن: لالا يا قطة، مش كلنا. محمد: يعني إيه؟ مازن: يعني كل واحد يشوف طريقه، بقا سلام. ***

ليلى: إيه اللي جاب الجربوعة دي بيتي؟ سليم: ماما لو سمحتي، دي مراتي. ليلى: مستحيل أقبل بكده يا سليم. سليم: يلا يا روحي نطلع على أوضتنا. ليلى: بقا كده يا سليم، ماشي. في الأوضة: سليم: مش هتقوليلي كنتي فين؟ حور: هتعرف كل حاجة في وقتها. سليم: لا، أنا لازم أعرف كل حاجة دلوقتي. حور: صدقني هقولك على كل حاجة بس مش دلوقتي. وفجأة رن فون سليم. سليم بص لحور وقالها: ندى اتقتلت. حور بصدمة: إنت بتقول إيه؟ سليم: أهدي.

حور: سليم، مامتك فين؟ سليم: في النادي، ليه؟ حور: طيب وديني النادي. سليم: في إيه يا حور؟ حور: مافيش يا حبيبي، بس عاوزة أ صالح حماتي. سليم: متأكدة؟ حور: اااه. سليم: طيب يلا. في النادي: ليلى: إنتي إيه اللي جابك هنا؟ حور: أهدي بس، سليم ممكن تجبلنا حاجة نشربها. سليم: ماشي، أسيبكم أنا. ليلى بعد ما سليم مشي: ليلى: نعم، عاوزة إيه؟ حور: ندى اتقتلت. ليلى: وأنا إيه دخلي في كده؟ حور: لا، إنتي عارفة كويس إيه دخلك في كده.

وقبل ما تكمل كلامها فجأة.