رواية حورائي الفصل الثالث 3 - بقلم رويدا محمد الكاتبة الغامضة

أسر: أيوه يا ابني زي ما قولتلك هضحك عليها بكلمتين بعدين أطردها. لا هو أنا أهبل عشان أبصلها؟ مش أسر اللي يبص للأشكال دي. لا هي مجرد شفقة بس عليها و... أسر بصدمة: حوراء اسمعيني بس. حوراء وهي بتلبس الإسدال بسرعة وبتجري على السلم، وأسر بيجري وراها. أسر: يا حوراء استني يا مجنونة بس. حوراء بتجري وهي بتعيط وبتفكر في كل لحظة بينهم، وفجأة بتظهر قدامها عربية. أسر بصريخ: حوراء! ويجري عليها أسر بسرعة. أسر: حوراء حبيبتي فوقي.

حوراء وهي بين الغيبوبة والواقع: أسر أنا... أنا... أسر شالها ووقف تاكسي، وراح بيها على المستشفى بسرعة. أسر: دكتور بسرعة بسرعة. وجه الدكتور وخد حوراء. أسر واقف ودموعه على خده، بيفتكر كل لحظة بينهم. بعد شوية خرج الدكتور. أسر: خير يا دكتور؟ الدكتور: لا كلها جروح سطحية ربنا ستر. أسر: طب هتطلع إمتى؟ الدكتور: تقدر تاخدها معاك لما تفوق. أسر: ممكن أدخلها؟ الدكتور: اه اتفضل ادخل.

أسر دخل الأوضة ومسك إيد حوراء وفضل يعيط، هو خلاص ما يتخيلش حياته من غيرها. ******** بعد شوية حوراء فاقت وروحوا البيت. أسر: اسندي عليا، طب بطلي عند. حوراء: لو سمحت ابعد، أنا بكرة هروح عند بابا وتبعتلي ورقة طلاقي. أسر: حوراء أنا بحبك أنتِ. حوراء بتعب: لو سمحت كفاية كذب. ولسه هتمشي تدخل الأوضة، أسر شالها. أسر: بطلي عند، أنتِ مش قادرة تمشي. هروح أحضرلك حاجة تاكليها. حوراء: مش عايزة حاجة منك.

أسر: طب أنا محتاج أتكلم معاكي. حوراء: مفيش كلام بينا، لو سمحت اطلع برا. أسر: تمام هطلع، بس أنتِ مش هتمشي من البيت غير لما تبقي كويسة، ودا آخر كلام عندي. ********** عدى أسبوع على حالهم ومفيش أي كلام بينهم غير مواعيد دوا حوراء، واهتمام أسر بيها. أسر: اسمعيني بقى يا حوراء. حوراء: أسمع إيه؟ أسمع الشخص الوحيد اللي حبيته وحسيت معاه بالأمان بيضحك عليا؟ أنت عارف ساعتها أنا حسيت كأن سكينة في قلبي.

أسر: أنا آسف بس حقيقي الكلام مش عليكِ، دي السكرتيرة بتاعت صاحبي أحمد حاولت تقرب مني كتير بس أنا كنت رافض عشان كدا كنت بقول لصاحبي إني لا يمكن أبصلها. صدقيني يا حورائي أنا بحبك والله أنتِ، ولو مصممة على الطلاق هعمل اللي يريحك. سابها ومشي. حوراء وهي بتعيط، هي شايفة نفسها ظلمته وإنه ما كانش يستاهل كدا منها، وإن وقف جنبها وقت تعبها وكان خايف عليها بجد، بس هي عرفت هتعمل إيه.

حوراء اتصلت بأسر بس ما ردش عليها فقررت تعمله مفاجأة. وحضرت عشا ليهم وجهزت نفسها. أسر بحزن: حوراء أنتِ فين، هي مشيت ولا إيه؟ حوراء: بخخ! أسر: حوراء، إيه القمر دا؟ حوراء بكسوف: شكرًا. أسر بحزن مصطنع: أنا زعلان منك. حوراء بحنية: حبيبي خلاص بقى، إيه رأيك نبدأ صفحة جديدة مع بعض؟ أنا... أنا بحبك يا أسر. أسر بحب: وأنا بعشقك يا عيون أسر، يلا بقى الأكل هيبرد. ********** "بعد مرور سنة" حوراء: أسر. أسر وهو نايم: أي؟

حوراء بصراخ: الحقني بولد. أسر: نامي يا حوراء أنتِ بتعملي دا كل يوم. حوراء: آآآآه. أسر يفزع: يلهوي أنتِ بتولدي بجد، طب طب أعمل أي بس؟ حوراء: يلا نروح المستشفى بسرعة. أسر شالها وراح بيها على المستشفى. "بعد مرور وقت" الدكتور: مبروك بنوتة زي القمر. أسر بفرحة: أقدر أشوفها؟ الدكتور: اه طبعًا اتفضل. ******* أسر: حمد الله على السلامة يا حورائي. حوراء بتعب: الله يسلمك يا حبيبي، هنسميها إيه؟ أسر: نورسين. حوراء: إشمعنا؟

أسر: عشان هي ضوء حياتنا، وحتة منك، وأنتِ قمر حياتي كلها. حوراء: أنا بحبك. أسر: وأنا بحبك يا حورائي. والعيلة واقفة معاهم وفرحانين بحفيدتهم الأولى وحياة أولادهم. ********* "أصدق حب عندما تحب إنسانًا ولا تعرف لماذا أحببته، فقد كنتِ أنتِ ضوء حياتي وفرحة حياتي أحبك يا رفيقة دربي. دمتِ لي شيء جميل لا ينتهي" تمت.