رواية حورائي الفصل الثاني 2 - بقلم رويدا محمد الكاتبة الغامضة

همسة بضحك: بنت عمه، ده مرض اسمه بوهاق، مرض جلدي. أسر بعصبية: همسة، مسمحلكيش تقولي على مراتي كده، احترمي نفسك. عم أسر: خلاص يا ابني، حقك علينا. حمزة (ابن عمه) : إيه يا بابا، ما هي مقلتش حاجة غلط. أسر: اتفضلوا اطلعوا بره بيتي. والد أسر: خلاص يا أسر، حصل خير، عمك برضه. مرات عمه: يلا، دي آخرة الناس اللي تيجي لناس متستهلش. حوراء كانت واقفة بتعيط. أسر قرب منها: آسف يا حوراء، متزعليش منهم. حوراء: تمام، حصل خير.

محمود بحنية: خلاص يا حوراء، وجوزك أخدلك حقك أهو. والد أسر: متزعلش يا ابني منهم، انت عارفهم وعارف كلامهم. أسر: مكنش ينفع كده يا بابا، وانت عارف إنه ممكن يعملوا كده، ومهما كان دي مراتي، واللي يضايقها يضايقني. والد أسر: حقكم عليا، وأنا هتكلم مع أخويا. والدة حوراء: راضيها بقى يا أسر يا ابني، هي شافت كتير. أسر: حاضر يا أمي. *** بعد شوية. أسر خبط على الباب. حوراء فتحت. أسر: حوراء، انتي صاحية؟ كنت عايز أتكلم معاكي شوية.

حوراء: ماشي. أسر: متزعليش من اللي حصل، يعني و... حوراء: لا، أنا متعودة على كده من أيام المدرسة، كان كل صحابي بيتريقوا عليا، وبعدين في الجامعة، يعني عادي، مش فارقة. أسر: من النهاردة مش هخلي حد يقولك كلمة وحشة ولا يزعلك، بس أنا كان عندي سؤال، انتي مولودة كده ولا إيه اللي حصلك؟ حوراء بصت له وعيطت. أسر: خلاص، أنا آسف، متحكيش، هروح أجيبلك ميه وجاي. حوراء: لا خليك، هحكي.

حوراء: أنا كنت مولودة طبيعي عادي، وأنا عندي 6 سنين بدأت تظهر عليا الأعراض، بقع بيضاء بسيطة، بعدين البقع بدأت تكبر، فروحنا للدكتور وشخصني إنه بوهاق، مرض جلدي ملوش علاج، والحالة اللي عندي اسمها "Generalized"، ودي بتبقى عبارة إن البوهاق هينتشر في أجزاء متفرقة من جسمي، في الأول كنت مش برضى أنزل وخايفة من كل الناس، ومكنش عندي صحاب خالص، كانوا بيخافوا مني، غير ميار يعني، الوحيدة اللي وقفت جنبي ودعمتني. ماما كانت عايزاني أحط ميكب أداري بيه البوهاق وأقفل لبسي، لكن بابا رفض نهائي وحبني أبقى بطبيعتي، وأنا مرة في مرة رجعتلي ثقتي بنفسي، ومبقاش يفرق معايا كلام حد.

أسر: أوعدك مفيش حزن من النهاردة يا حوراء، يلا نتفرج على فيلم سوا. قعدوا يتفرجوا على فيلم سوا. *** حياتهم بقت أحسن نوعاً ما، أسر اتغير تماماً وبقى بيصلي وبيروح شغله كل يوم، ومش بيسهر، بيهتم بحوراء جداً، وعدى شهرين وهما على الحال ده. أسر: حوراء، أنا جيت يا حبيبتي، انتي فين؟ حوراء: أنا أهو يا حبيبي، في حاجة؟ أسر مسك إيديها وباسها: وحشتيني أوي. حوراء: وانت يا حبيبي، بس إيه الشنط دي كلها؟

أسر طلع برواز عليه صورتهم وسلسلة فضة مكتوب عليها "حورائي". حوراء بفرحة: الله، حلوين أوي يا حبيبي، ربنا يخليك ليا. أسر: ويخليكي ليا، هروح أغير عقبال ما تخلصي الأكل. حوراء حضرت الغداء وراحت عشان تنادي أسر بس سمعت... أسر: أيوه يا بني، زي ما قولتلك، هضحك عليها بكلمتين بعدين أطردها. لا، هو أنا أهبل عشان أبصلها، مش أسر اللي يبص للأشكال دي، لا، هي مجرد شفقة و... يلف وشه: حوراء.