رواية حورائي الفصل الأول 1 - بقلم رويدا محمد الكاتبة الغامضة

محمود: أي يا أسر يا ابني اللي انت بتعمله ده ومأذون إيه؟ أسر: أنا عايز أكتب الكتاب خلال أسبوع، طب. محمود: يا أسر مينفعش كده، طب استنى تعرفوا بعض. أسر: يا عمي ما هو. محمود: هاخد رأي حوراء وأبلغكم. والدة حوراء: في إيه يا محمود؟ محمود: أسر عايز يكتب الكتاب على آخر الأسبوع. حوراء: أنا مش موافقة يا بابا، مش قولتلك هيتجوزني شفقة. محمود: بصي يا حوراء، هو شاب كويس وشريكي يا بنتي، وأنا من رأيي إنه محترم.

حوراء: هفكر يا بابا وأرد عليكم. محمود: يلا يا حبيبتي، أنا هنزل أصلي المغرب. حوراء وباباها خارجين: بابا أنا موافقة. محمود حضنها: مبروك يا حبيبتي، وخليكي عارفة إني هكون عايز مصلحتك دايمًا. بعد ما محمود خرج، حوراء فضلت تعيط على حالها، إنها شايفة إنه متجوزها شفقة. أنا وافقت من الفرحة اللي في عيون أهلي. يارب دبرلي أموري، يارب. ونامت. *** تاني يوم الصبح. أسر: بابا أنا هتجوز حوراء آخر الأسبوع. والد أسر: بجد يا أسر؟

ربنا يتمملك على خير يا ابني وربنا يصلح حالك. محمود بيرن على أسر. محمود: السلام عليكم. أسر: وعليكم السلام، خير يا عمي. محمود: إحنا موافقين يا ابني، تقدر تيجي على آخر الأسبوع كتب الكتاب. أسر بفرحة: يعني حوراء وافقت بجد؟ محمود بضحك: آه وافقت يا ابني، ادعي بس متتغيرش رأيها على آخر الأسبوع. أسر: وأنا هستنى آخر الأسبوع، أنا هاجي بكرة. محمود: بس يا أسر. أسر: يا عمي مش هتفرق يومين. محمود: تمام يا ابني، هستناك. ***

أسر: بابا بابا. والد أسر: إيه يا أسر. أسر بفرحة: وافقت يا بابا، وافقت. والد أسر: ربنا يتمملك على خير. أسر، أنت بتحبها بجد صح؟ أسر: بص أنا جوايا حاجة غريبة، بس أنا فرحان. والد أسر: طب يلا بقا عشان نجهز كل حاجة. *** في اليوم التاني. حوراء بتعيط وبتمسح دموعها لما بتحس بالباب بيتفتح. ميار: إيه القمر ده بس. حوراء بإبتسامة: شكلي حلو بجد. والدة حوراء وهي تبكي: قمر يا قلب أمك، ربنا يسعدك.

حوراء أكتفت إنها تحط روج بس عشان هي مش بتحط مكياج. مش بتداري البهاق. كانت لابسة فستان أوف وايت وخمار أوف وايت، كانت شبه الملاك. وصل أسر وأهله. محمود بابتسامة: أهلاً، نورتونا. بعد الترحيب والسلام بينهم. حوراء خرجت وكانت ملاك بمعنى الكلمة. أسر: بسم الله ما شاء الله، قمر. حوراء بابتسامة: شكراً. "بارك الله لكما وبارك عليكما وجمع بينكما في خير" أسر قرب منها وباس جبينها: مبروك يا حورائي.

حوراء بابتسامة: الله يبارك فيك يا أسر. حوراء سلمت على باباها ومامتها وصاحبتها ومشيت هي وأسر. *** أسر أخد حوراء وطلع على الشقة وفتح الباب. حوراء بصدمة: إيه كل الورد والبلالين دي، تحفة. أسر: حلوة المفاجأة يا حبيبتي. حوراء: جميلة بجد أوي. أسر: حوراء.

حوراء: عارفة هتقول إيه، أنت اتجوزتني بس شفقة. أنا آسفة في اللي أنا هقوله، بس أنا اتجوزتك عشان فرحة أهلي بس. بس أنا عارفة إنك مش بتحبني. أنا مقبلش إن حد يشفق عليا. أحب أطمنك، كلها 3 شهور ونطلق. أنا هنام في الأوضة التانية بتاعت الأطفال. أسر بحزن: اللي انتي عايزاه. نامي انتي في الأوضة التانية وأنا هنام في بتاعت الأطفال، تصبحي على خير. أسر بحزن، عندها حق، بس أنا فعلاً حبيتها. هي فاهمة غلط. وقام يصلي ركعتين بعدين نام.

حوراء بتبكي، هو مش ذنبه إنه يعيش معايا وأنا بالشكل ده. يستاهل واحدة أحسن مني، مش كل جسمها بقع. بعدين قامت تصلي وتدعي كتير لحد ما نامت على سجادة الصلاة. *** تاني يوم الصبح. الجرس بيرن، قام أسر وحوراء وفتحوا الباب بعد ما جهزوا بسرعة. محمود: مبروك يا حبايبي. أسر: الله يبارك فيك يا عمي. حوراء: وحشتوني أوي يا بابا انت وماما، عاملين إيه؟ والدة حوراء: إحنا كويسين يا حبيبتي طول ما انت كويسة.

والد أسر: مبروك يا أولاد. حوراء تعالي أعرفك على عم أسر. حوراء سلمت على عمه ومراته وابنه وبنتهم. مرات عمه: إيه ده اللي في إيدك ووشك ده؟ مرض جلدي؟ أوعي يكون مُعدي. ابنها بضحك: لا يا ماما، ده مرض جلدي اسمه البهاق. يعيني يا أسر. أسر: ...