رواية حورية الأحمد الفصل الثالث عشر 13 - بقلم سارة مازن

ملك و ميمي وهما طالعين ميمي حطت شوية زيت على السلم اللي حور بتنزل منه. ميمي بصوت منخفض: يارب تقع تنكسر رقبتها وتموت. ملك: يارب. وراحوا على غرفة ملك. بعد فترة أحمد طلع من غرفته ورايح على غرفة حور. أحمد: حبيبتي يلا. حور: يلا يا كوكي أنا خلصت وطلعت. أحمد: آه من الجمال ده آه. حور: والله إنك أنت الجميل. وبتمشي قدامه بكسوف. أحمد بجري: حوووووووووووور! ومسكها من إيديها قبل ما تقع. حور بخوف: يا لهوي إيه ده؟

أنا كنت هقع أنكسر على طول. أحمد أخدها في حضنه: حصل خير يا حبيبتي متخافيش أنا جنبك. حور اتشدت على حضنه أكتر: ربنا يديمك في حياتي يا كوكي. وكل ده تحت أنظار ميمي وملك وهما هيولعوا إن خططهم فشلت. ملك: شفتي يا ماما أنا زعلانة أوي بجد. ميمي طلعت لأحمد وحور: يا لهوي إيه اللي انتوا بتعملوه ده! أحمد وهو لسه واخد حور في حضنه: إيه يا مرات عمي فيكي إيه؟ حور: خلاص يا أحمد أنا بقيت كويسة.

أحمد شدها تاني لحضنه: لأ انتي مش كويسة وجسمك بيرتعش. حور اتكسفت وخبّت وشها في صدره. ميمي بصوت عالي: مش عيب اللي انتوا بتعملوه ده؟ مش أما تكتبوا الكتاب الأول؟ هاني جه: في إيه يا مرات أخويا متزعقيش ليه؟ حور راحت لباباها وحضنته. ميمي: مفيش، لقيت أحمد وحور بيحضنوا بعض بطريقة ومش كويسة وهما لسه مكتبوش كتابهم عشان يعملوا كده. أنا خايفة على حور وبس. هاني: ليه يا أحمد كده؟

حور: والله يا بابا كنا رايحين على الشغل وأنا ماشية لقيت زيت على السلم وكنت هقع أتكسر وأحمد مسكني قبل ما أقع، ده حتى جسمي كله من ساعتها وهو بيرتعش. هاني: ومنين الزيت ده؟ أحمد: مهو ده اللي أنا عايز أعرفه وهعرف. وبص في عين ميمي. ميمي: يا حبيبتي معلش، الحمد لله إنك مسكتها. وراحت تحضن حور. حور: شكراً يا مرات عمو، يلا يا أحمد. هاني: انتي كويسة دلوقتي هتقدري تروحي؟ حور: أيوه أنا كويسة يا حبيبي الحمد لله. وباسته من خده.

أحمد: طب يلا يا حور. حور وأحمد مشيوا وركبوا العربية. حور قاعدة في العربية وساكتة. أحمد بعصبية: حور! حور بشهقة: إيه يا أحمد في إيه؟ خضتني. أحمد بغيرة واضحة: التوب بينزل يا آنسة ونص جسمك برا. حور: آه معلش والله، هو اللي بينزل، طب أعمل إيه يعني؟ أحمد: ما عدش يتلبس تاني، انتي فاهمة؟ حور: أنت غيران يا بيضة. أحمد: بقولك إيه متنرفزنيش. حور مسكت دقنه بحب: أحبك وأنت غيران كده. أحمد داب فيها: بقولك إيه متيجي أخطفك.

حور بدلع: ما أنت خاطفني أهو، عايز إيه أكتر من كده؟ أحمد: بقولك إيه بلاش الطريقة بدل والله ما أعمل حاجة هنندم عليها إحنا الاتنين. حور: طيب يلا وصلنا. حور وأحمد نزلوا. أحمد دخل الشركة بشموخ وحور جنبه. ودخلوا مكتب أحمد. أحمد: خدي الورق ده ظبطيه بسرعة قبل ما العميل يجي. حور: حاضر، في حاجة تانية أعملها؟ ولقت الباب بيخبط. أحمد: اتفضل يا هيثم. هيثم وعينه هتطلع على حور: صباح الجمال يا أستاذ أحمد.

أحمد بغيرة: روحي انتي يا حور. حور: اوكي يا أحمد. هيثم كل ده عمال يبص على حور. أحمد: عايز إيه يا هيثم؟ وفين مديرك؟ هيثم: مديري بيعتذر النهاردة وبيقولك المعاد اتأجل لأن فيه ظرف حصل مش هيعرف يجي. أحمد: تمام، بتمنى بكرة تيجوا في الميعاد لأن أنا مش فاضي بعدها. هيثم: تمام، بعد إذنك. هيثم وهو طالع غمزلها لحور. حور بصتله بقرف. حور طلعت من مكتبها ودخلت مكتب أحمد. أحمد: إيه يا حبيبتي مالك؟ حور: مفيش يا حبيبي، بس مين ده؟

أحمد: ده سكرتير العميل اللي كان هيجي النهاردة. حور: وجاي ليه؟ أحمد: عشان بيعتذر لأنه مش هيعرف يجي النهاردة. فأنا بقول إن نروح نتغدى في أي مطعم حلو كده، إيه رأيك؟ حور: اوكي يا كوكي، يلا عشان أنا واقعة من الجوع. أحمد: طب يلا يا حبيبتي. نزلوا عشان يركبوا العربية. بعد ما ركبوا ومشوا بيهزروا من بعض وبيضحكوا. أحمد: أنا بحبك يا حور عيني. حور: أنا أكتر يا كوكي، بحبك أوي. حور: بس بقي يا أحمد. وبص قدامك. حاسب شوية.

أحمد بفزع: إيه ده؟ مفيش فرامل! حور بخوف: حااااااسب ي أحمدددد…