رواية حورية الأحمد الفصل الثامن عشر 18 - بقلم سارة مازن

حور و احمد طلعوا على غرفة حور. احمد: افتحي يلا البوكس ده. حور بحب وهي لسه بتفتحه: إيه ده، الله! احمد: بصراحة لقيت التاني مفتوح شوية، وأنا مردتش أزعلك، قولت أغيرهولك، وأنا بحب اللون الأحمر عليكي. حور بدموع فرح: بجد؟ أنت أجمل شخص في الدنيا كلها، ربنا يديمك في حياتي. احمد شدها ليه: أنا على قلبك، عمري ما أبعد عنك أبداً، إلا على موتي. حور: بعد الشر عنك يا كوكي، أوعى تقول كدا تاني.

احمد: طب يلا أسيبك أنا بقى، ظبطي نفسك عشان أنا كمان هروح صالون الحلاقة وأظبط نفسي. حور: أوكي يا حبيبي، خلي بالك من نفسك. احمد: عيوني يا قلبي، وباسها من رأسها وطلع. بعد فترة قصيرة عند ملك وميمي... ملك: أنا متحمسة جداً يا ماما، عايزة أشوفها هتبقى عاملة إزاي كمان ساعات. ميمي: هتضحكي ضحك انهارده للركب. ملك: هههههه، عندك حق. عند سانيه وحماده... سانيه: يلا يا حاج، أنا طلعتلك الطقم اللي أنت هتلبسه اهو.

حماده: ربنا يخليكي ليا يا سوسو. سانيه بضحك: ويخليك ليا يا حبيبي، متحرمش منك أبداً، وبوست إيده. حماده: باس دماغها، ربنا يديمك سند ونعمة في حياتي يا كل حياتي. سانيه: تفتكر حور ممكن تقول إيه بعد المفاجأة بتاعة انهارده دي؟ حماده: والله مش عارف، بس أكيد هتتوتر في الأول، بس هتكون فرحانة أكيد. سانيه: ربنا يستر، هي متوترة خلقة.

حماده: بصي يا سانيه، أنتِ زي مامتها الله يرحمها، يعني تعرفيها كل حاجة في الحياة، أنتِ دلوقتي مش زي مامتها، أنتِ مامتها، فهماني؟ سانيه: أكيد يا حبيبي، بحاول والله، ربنا يعلم أنا بحب حور قد إيه. حماده: عارف يا حبيبتي، ربنا يصلح حالك يا رب، يلا روحي لها عشان متبقاش لوحدها. سانيه: خلاص ماشي، وأنت مش محتاج حاجة أعملهالك؟ حماده: لا يا حبيبتي، روحي أنتِ، وأنا هظبط الدنيا وهشوف احمد حالا يخلص ولا لسه بدري عليه.

سانيه: ماشي يا حبيبي، يلا بعد إذنك. سانيه مشيت راحت عند حور، وكانوا البنات اللي هيعملوا لها الميكب وصلوا عندها في الغرفة. سانيه خبطت على الباب. حور: مين؟ سانيه: أنا يا حبيبتي. حور: ادخلي يا ماما. سانيه دخلت: الله! إيه الفستان التحفة ده! حور: احمد جايبه بدل التاني، لأن التاني مفتوح شوية. سانيه: ده تحفة يا حور، هيبقى حلو جداً عليكي. حور: حبيبتي يا ماما. بتاعت الميكب: يلا يا عروسة عشان الوقت ميخدناش. حور: أوكي، يلااا.

بعد فترة من تحضيرات كتير. هاني: لا حط الورد ده هناك يا رايس. الراجل بتاع الزينة: حاضر يا أستاذ. حمدي: الله، المكان بقى حلو جداً. هاني: آه، ما شاء الله، بقى شكله يفرح بجد. حماده جه وكان بيتكلم في الفون. حماده: آه يا احمد، هاته في إيدك وانت جاي عشان ميأخرش علينا، وقفل معاه. حمدي: إيه الدنيا؟ حماده: الحمد لله، كله تمام. عند حور كانت خلصت ميكب وبتلبس الفستان، وكانت قطعة من القمر، بل القمر كله.

سانيه: إيه الجمال ده يا بنتي، الله أكبر عليكي، ربنا يحفظك. حور: حبيبتي يا ب سوسو، أنتِ فستانك قمر خالص. سانيه: طب يلااا، أنا هروح عشان أجهز الدبل. حور: أوكي يا حبيبتي. بعد فترة جه احمد وحازم من الصالون. حماده: فين اللي قلت عليه يا احمد؟ احمد: والله قلت له، بس هو قالي هاجي وراك. حور خلصت ولا لسه؟ هاني: هشوف اهو وأقولك. هاني طلع عند حور وكان بيخبط على الباب. حور: مين؟ هاني: أنا يا حبيبة بابا. حور: اتفضل يا بابا.

هاني دخل: يالهوي! إيه الجمال ده، الله أكبر، ربنا يحميك يا حبيبتي، وحضنها. حور: شكلي حلو بجد يا بابا؟ هاني: قمر يا روح بابا، طب إيه، خلصتي؟ أنادي لأحمد؟ حور بتوتر: أوكي يا بابا، أنا خلصت. هاني: أوكي يا حبيبتي، أنا نازل أنادي له اهو. هاني نزل لقى ميمي وملك تحت. احمد: إيه يا عمو، خلصت؟ هاني: آه يا حبيبي، خلصت، اطلع يلا. احمد بفرحة: طلع جري عشان يشوفها. احمد دخل الغرفة، كان الباب مفتوح.

احمد: آآآآخ يا قلبي على جمالك ده، وشدها لحضنه قدام الناس كلها اللي واقفة. حور: احمد، الناس. احمد: يلا يا روحي، الناس كلها جت تحت. حور: أنا متوترة جداً. احمد: يلا عشان أنا ماسك نفسي بالعافية. حور: طيب يلا. احمد مسك إيدها وهما نازلين من على السلم. احمد وحور نزلوا تحت وطلعوا للمعازيم. ملك بصت لميمي وعنيها هتطلع نار، وميمي واقفة مصدومة، وكأن اتكب عليها مايه متلجة. الأغاني اشتغلت، واحمد وحور وأصحابهم مولعين الفرح.

الدي جي: ودلوقتي معانا مفاجأة من العريس، إيه العروسة؟ وفجأة حماده ماسك إيد المأذون وراح لهم. حور بذهول: ...