رواية حورية الاسد الفصل السابع عشر 17 - بقلم رحمة هاني

وفجأة انطلقت رصاصة واستقرت في ذراع حلمي. نظر حلمي وراءه وجد الرائد إياد. إياد: حلمي... سلم نفسك مطلوب القبض عليك. حلمي: بس أنا ما عملتش حاجة. ثم أكمل بخبث: وطبعًا القانون ما يقبلش بالظلم. إياد بسخرية: الظلم ها؟ لا واللهي ضحكتني. مكنش ليا نفس أضحك. حلمي: انت تقصد إيه؟ إياد: على أساس انت مش عارف أنا أقصد إيه. يلا يا با قدامي على القسم. حلمي بضحك هستيري: تصدق ضحكتني. وهتاخدني بتهمة إيه إن شاء الله؟

إياد: على أساس المسدس اللي في إيدك؟ ولا الجرائم اللي لسه معترف بيها ها؟ لسه عايزني أكمل؟ ولا دراعك اليمين حمزة اللي قتلته؟ الجميع بصدمة: إيه؟ حلمي بصدمة: انت عرفت منين؟ إياد: إيه هو انت مش بتشتغل في أعمال مشبوهة ولا إيه؟ والقتل والسلاح ده كله وعايزين ما نقبضش عليك؟ أنا مراقبك من بدري بس كنت عايز أمسك دليل عليك وأمسكك. حلمي: بس برضه مش هسيبك. أسد باستغراب: طب أنا عملت إيه عشان عايز تنتقم مني كده؟

حلمي بحقد: عشان انت شبه أبوك في كل حاجة وأنا مبكرهوش ده. فا أنا مستحيل أخليك عايش. شخص: وأنا مستحيل أخليك تقرب له. حلمي بصدمة: بابا؟ أسد بصدمة: أبوك؟ يعني هو جدي؟ الشخص: أيوا أنا جدك. أسد بجمود: وإيه يخليني أضمن إنك جدي وده مش خطة بينكم؟ إياد: لا يا أسد ده بيكون جدك واسمه محمد. محمد: تعالوا في حضني يا ولاد. سامحوني مقدرتش أحميكم منه. جري أسد وعشق وحضنه محمد.

عشق بدموع: أنا أنا مبسوطة أوي. أنا فكرت ماليش ضهر ومليش أهل بس ربنا عوضني بيكوا وطلع ليا أهل وليا جد. أنا مش مصدقة وفرحانة أوي. أسد: أنا حاسس إني لسه مصدوم ومش قادر أصدق. محمد بدموع: هعوضكم عن كل العذاب اللي شفتوه صدقوني. أما أحمد فكان يشعر بالغيرة وذهب وجذب عشق إليه. أحمد: انتي استأذنتيني إنك هتحضنيه؟ محمد: وانت مالك؟ أنا جدها. أحمد: وأنا خطيبها. وبعدين إيه جو الحزن والنكد ده؟

دا أنا وحور كنا فرفوشين. إيه الاكتئاب ده؟ أسر: وأنا ماتنسنيش. أنا حاسس إني هموت. أنا معرفش أنا بفكر أرجع سنجل. ده السنجلة جمال. نور: نعم يا خويا بتقول إيه؟ أسر بخوف: أنا أقصد أحمد. إنما انتي روحي وحياتي كلها. نور بكسوف: وانت كمان. إياد بعد ما قبض على حلمي ورجع له. إياد بضحك: لا مسيطر. أسد: لا ده بيسيطر خالص. دا بيخاف من الصرصار. فاكر يا أسر ساعتها؟ أسر

وهو يضع يده على فم أسد: اسكت الله يخليك. هو انت عايز تضيع بريستيجي؟ وكمان وامه لا إله إلا الله والله. أسد بضحك: دا أنا كنت عرفت من بريستيجك. أسر: دا انت هتمسح بيه الأرض. الله يهديك يا أسد. حط لسانك جوه بوقك. أسد بردح: نعم يا خويا؟ كنت شايفني سايبه وأنا مش واخد بالي؟ أسر بصدمة: لا. بقولك إيه؟ رجعولي أسد القديم. أنا بدأت أخاف منك. منك لله يا حور يا بنت أم حور. بدل ما ترجعلي الواد بوظتيه. حور بردح: نعم نعم يا عنيا؟

بقا أنا؟ في حد في رقتي وجمالي أصلاً؟ اللي يغير مننا يجي ويعمل زينا. روح العب بعيد يا شاطر. أسر: بقا كده؟ طيب إن ما وريتك ياحورو. وكان ذاهب ليها بس وقفه أسد. أسد: رايح فين يا ض؟ أسر: لدراما. أنا رايح فين؟ أنا راجع تاني. الكل ضحك عليه. الشرقاوي: اتشرفت بيك يا حج. أنا أكون أبو أحمد وحور وده زي ولادي بالظبط. صح يا ولاد؟ محمد: وأنا اتشرفت بيك وفرحان إنك رجعتلهم الفرح. وبسببك هما رجعوا لبعض وعرفوا إنهم أخوات.

الشرقاوي: مش بسبب. دي تدابير ربنا. هو مرتب كل حاجة وهو اللي جامعهم وجمعكم كلكم. حور بوجع: آآآآه. أسد بخوف وقلق عليها: مالك يا قلبي؟ مالك يا حوريتي؟ فيكي إيه؟ حور: لا مفيش حاجة. أنا بس الجرح شَد عليا. أسد وهو يحتضنها: حقك عليا. ياريتني كنت بدالك. حور: بعد الشر عليك يا حبيبي. أسد: انتي قولتي إيه؟ حور بكسوف: لا مقلتش حاجة. أسد: لا قولتي. قوليلي تاني. نفسي أسمعها. حور بكسوف: أنا قلت بعد الشر عليك. أسد: الي بعدها.

حور بكسوف شديد وخجلاً: يا حبيبي. أسد: وأخيراً. ثم قام باحتضانها. أحمد بغيرة شديدة على أخته: إيه؟ رايح فين؟ إزاي تتجرأ وتحضنها؟ هي وكالة من غير بواب؟ أسد: إيه؟ يا بني الغيرة دي كلها؟ وبعدين مانت حضنت أختي وما تكلمتش. أحمد: ولو. برضو ماتقربش من أختي. أسد وهو يحتضن عشق: وانت كمان ماتقربش من أختي. أحمد: نعم يا عنيا؟ وكمان بتحضنها؟ أسد: أعمل إيه؟ دي حتى أختي. أحمد: لا عشق بتاعتي أنا وبس. حور: هو إحنا هنقضيها خناق ولا إيه؟

أنا زهقت. طلعوني من المستشفى. أسد: مستحيل. لما تتحسني الأول وتبقي كويسة. حور: أنا كويسة. بس مابحبش القعدة دي. أسر: أنا هسأل الدكتور. أو ينفع بمواكيلك خروج؟ حور: هو ميعرفش إني الدكتورة حور الجراحة. لإنوا مش عرف شكلي. بس طول ما يعرف إني الدكتورة هيمضيلي على خروج. أسر: إيه يا بنتي الغرور ده كله؟ حور: اومال هو حد قدنا؟ أسر: انتي هتقوليلي؟ ذهب أسر ومضى لها خروج وخرجت. بدأ الجميع يجهز ليوم الخطوبة. أسد: أيوه يا حبيبتي.

حور: نعم يا حبيبي. أسد: مجهزة لك مفاجأة هتعجبك أوي. حور بفضول: إيه هي؟ أسد: منا لو قولتهالك مش هتبقى مفاجأة. بكره هوريهالك. وقفل معاها. عند عشق وأحمد. أحمد: عاملة إيه يا روحي قلبي؟ عشق بكسوف: كويسة يا قُرة عيني. أحمد: اللي يشوفنا دلوقتي ما يشوفناش واحنا ناقر ونقير. عشق: عندك حق. أحمد: بقولك مجهزة لك مفاجأة بكرة. إنما إيه؟ عشق: إيه هي؟ أحمد: بكرة هقولك. ونامي كويس. بكرة يوم طويل. سلام. وقفل. عند نور وأسر.

أسر: إزيك يا قلبي وحياتي كلها؟ نور: كويسة يا نور عيني. أسر: تصدقي وحشتيني أوي. نور: وانت كمان. أسر: وأنا مجهزة لك مفاجأة. إنما إيه؟ جنان. نور: بجد بحبك أوي. إيه هيا؟ أسر: ياه. كان نفسي أسمعها منك من زمان. بحبك. بس المفاجأة بكرة. لإن لو قلتلك عليها مش هتبقى مفاجأة. وقفل معاها. وجاء ثاني يوم وهو يوم الخطوبة.