رواية حورية الفهد الفصل الثاني عشر 12 - بقلم نورهان عادل

استيقظت حورية على صوت والدتها. "يلا يا حورية، هنتأخر على خالتك." "حاضر يا ماما، صحيت أهو. هصلي وألبس وأمشي." "طب يلا بسرعة، مش عايزين نتأخر." "حاضر يا ماما، أنا داخلة أهو." ونسيب حورية ونروح عند فهد. في الفيلا، عند فهد، استيقظ وبدل ملابسه وفرض. ونزل لوالدته. "إيه يا ماما، خالتي اللي مشفتهاش ولا مرة جاية إمتى؟ "إنت عارف يا فهد إن كان فيه مشاكل، وخالتك ربع ساعة وهتيجي."

"تمام يا ماما، هروح أخلص شوية شغل في المكتب لما تيجي." "ماشي يا حبيبي." يذهب فهد إلى المكتب. نزلت حور إلى والدتها. "إيه يا حور، لبستي وخلصتي؟ "آه يا ماما، خلصت. إنتِ مش عارفة أنا مبسوطة قد إيه إني هشوف خالتي وكمان بنتها. إنتِ عارفة إني كان نفسي يكون عندي بنت خالة." "أهو يا حبيبتي، هتشوفيها وتبقوا أصحاب كمان، ولا إيه؟ "أكيد يا ماما، هنبقى أصحاب." عند حورية، بعد ما جهزت، طلعت بره عند والدتها. "يلا يا ماما، أنا خلصت."

"طب يلا، والدك مستنيني تحت." نزلت حورية ووالدتها إلى والدها، اللي كان واقف تحت عند العربية. وركبوا العربية وبدأوا يتحركوا إلى فيلا المنشاوي. وبعد وقت، وصلت السيارة إلى الفيلا. وكان في استقبالهم خديجة، والدة فهد، وأحمد، والد فهد، وحور، وأسر. وفهد كان لسه في المكتب. خديجة ببكاء: "وحشتيني يا فاطمة أوي." فاطمة ببكاء وهي بتحضنها: "وإنتي كمان يا خديجة، والله وحشتيني أوي. مش بتيجي تزوريني؟

خديجة: "إنتِ عارفة يا فاطمة، أبويا لما عرف إني بزورك زعقلي وحبسني في البيت. وبعد ما اتجوزت اتشغلت بالولاد والبيت. وكمان خلاص إنتِ معايا أهو، مش هنبعد عن بعض أبداً." حورية بمرح عشان تخفف الجو: "إيه يا جماعة النكد ده؟ وبعدين ابعدي يا ماما عشان أسلم على خالتو." حورية لخديجة: "أنا بقى حورية." خديجة: "إزيك يا حورية؟ كبرتي وبقيتي قمر." حورية بغرور مصطنع: "أنا طول عمري أصلاً قمر."

الكل ضحكوا عليها. وبعدها حورية اتعرفت على حور وأسر وحبتهم جداً وبقوا أصحاب. أحمد: "فين فهد يا خديجة؟ قبل ما ترد خديجة، قاطعها فهد. فهد: "أنا أهو يا بابا، كنت بخلص شوية شغل في المكتب." وبعدها اتصدم لما شاف حورية. فهد: "حورية." حورية: "فهد."