رواية حورية الجاسر الفصل السادس عشر 16 - بقلم ملكة القلم

حوريه بحب: حبيب مامي بيعمل إيه؟ آدم: بذاكر يا مامي، في حاجة؟ حوريه: لا يا حبيبي، كمل مذاكرتك. أومال فين توتا؟ تيا ببرائة: أنا هنا يا مامي. حوريه: حبيبة مامي، صباح الخير يا روحي. تيا: صباح الخير يا مامي. حوريه: يلا يا قلبي مامي علشان تجهزي، الباص قرب يوصل. وأنت يا آدم يا روحي، أنت منمتش خالص؟ يلا يا حبيبي اغسل وشك علشان تفطر وتروح الامتحان فايق.

آدم بحب: حاضر يا مامي. وبعدين بابا قعد معايا لحد الفجر ما أذن وصلينا، وهو راح نام. حوريه بحب: خير يا قلبي، يلا. وبعدين دي مش امتحانات آخر السنة يا روحي، ده امتحان عادي. آدم: بس أنا لازم أكون الأول دايمًا يا مامي. حوريه باست رأسه: طيب يلا علشان تلحق تفطر. وأنتي يا توتا يلا علشان تلبسي. تيا: حاضر يا مامي. حوريه: يلا يا قلبي، أنا هروح أشوف إيان ونوران. تيا: ماشي يا مامي. حوريه خرجت راحت لأوضة إيان ونوران.

دخلت لقيت نوران بتحاول تطلع على السرير بتاع إيان ومش عارفة. نوران ببكاء: إيان إيان بيبي. حوريه ابتسمت وقربت منها: حبيبة مامي مالك يا روحي؟ نوران حطت إيدها على وش حوريه: إيان بيبي إيان. حوريه شالتها: عايزة إيان يصحى. نوران هزت راسها وحوريه طلّعتها جمب إيان. نوران قربت منه وباسته من خده: إيان بيبي. قعدت تهز فيه، إيان فتح عينيه وابتسم وباسها من خدها: صباح الخير يا مامي، صباح الخير ناري. نوران: باح الخير يان.

حوريه بإبتسامة: صباح الخير يا حلوين، يلا علشان تفطروا. نوران حضنت حوريه: جاسر بيبي باح الخير. حوريه ضحكت: عايزة تقولي لجاسر حبيبك صباح الخير؟ نوران هزت راسها وضحكت. حوريه: يلا نقول له سوا يا روحي. حوريه: يلا يا إيان اغسل وشك وتعالى يا حبيبي. إيان: حاضر. حوريه أخدت نوران وراحت الجناح الخاص بيهم. دخلت، جاسر كان نايم. نوران بضحك: جاسر بيبي نام. حوريه قربت من جاسر: جاسر حبيبي. جاسر فتح عينيه على إيد رقيقة بتمشي على وشه.

ابتسم لنوران واتعدل وخدها في حضنه: حبيبة بابي، صباح الخير يا عمري. نوران بابتسامة: باح الخير بابي. جاسر باسها من خدها: يا صباح الحلويات. حوريه ابتسمت، وجاسر لسه هيقرب منها، نوران زعقت: جاسر لااا. بابي أنا وبس. حوريه بضحك: بس جوزي أنا. نوران لفت إيديها حوالين رقبته: لا بيبي أنا وبس، بيب ناري وبس. جاسر حضنها جامد وباس خدها: قلب وعقل بابي أنتِ يا روح بابي. حوريه بضجر: وأنا إيه بقا؟ جاسر بغزل: أنتِ المراد يا قلب جاسر.

نوران مفهمتش كلامه. الباب خبط. جاسر: مين؟ آدم: ده أنا يا بابا. جاسر: تعال يا حبيبي. آدم: صباح الخير. جاسر: صباح الخير يا حبيبي، ذاكرت؟ آدم: أيوه يا بابا، ادعيلي. جاسر بحب: بدعيلك يا قلب بابا. فين توتا وإيان؟ تيا: صباح الخير يا بابي. جاسر بحب: يا صباح الورد والياسمين. تيا ابتسمت بحب وقربت منه باستها بحب. نوران بصراخ: توتا وحشة. تيا بإبتسامة: أنتِ بتغيري على بابي مني؟

حوريه: خلاص يا ولاد بلاش مناقرة، يلا بقا علشان تفطروا وتلحقوا الباص، يلا. حوريه خدت نوران وتيا ونزلت، وآدم نزل هو وإيان، وجاسر غير هدومه ونزل وراهم. فايزة بحب: صباح الخير يا حبايب تيتا. آدم باس راسها: صباح الخير يا تيتا. تيا بحب باست راسها: صباح الخير يا أحلى تيتا في الدنيا. إيان: صباح الخير يا مزة. فايزة ضحكت عليه: آآه يا بكاش، طالع لخالك فهد. إيان: ما أنتي مزة بصراحة.

حوريه: إيان يلا يا حبيبي علشان تروح الحضانه يروحي. إيان قعد على السفرة وجمبه نوران، وجاسر اترأس السفرة، وفايزة قعدت على الناحية التانية، وحوريه جمب جاسر، وآدم وتيا جمب بعض. الولاد فطروا، وآدم وتيا ركبوا الباص، آدم في تانية ثانوي وتيا في أولى. وإيان ونوران تؤام في الحضانه. *** عند فهد وورد في الشقة. جميله: صباح الخير يا بابي. فهد بابتسامة: صباح الخير يا حبيبة قلب بابي. جميله قعدت على السفرة: أومال فين مامي ومراد؟

مراد وهو بيلبس الساعة: أنا هنا. جميله بهدوء: صباح الخير يا مراد. مراد بحب قرب منها وباس رأسها: صباح الخير يا حبيبتي. صباح الخير يا حج. فهد: صباح الخير يا حبيبي. مراد: يعني وردتي مش باينة؟ فهد بغيظ: استهدي بالله يا مراد على الصبح، ويلا افطر علشان تروح مدرستك، بذمتك ده منظر واحد عنده امتحان؟ مراد وهو بياكل: عادي يا حج، إيه يعني ده؟ يدوبك امتحان تجريبي. ورد: صباح الخير يا حلوين. جميله: صباح الخير يا مامي.

مراد: صباح الخير على أجمل ورد فيكي يا جمهورية. فهد: صباح الخير يا حبيبتي. يلا يا مراد، الباص وصل، وأكيد آدم مستنيك، يلا يا حبيبي. مراد ابتسم بخبث: يلا يا جميله علشان الباص بتاعك أكيد وصل. مراد قام وقرب من ورد باس إيدها، وجميله باست إيدها، وخرجوا. مراد في تانية ثانوي، أصغر من آدم بكام شهر. جميله في تالتة إعدادي. *** ريهام بزعيق: أهدي بقي الله يخليك، خليني أعرف أربط لك الكوتش، هتتأخر.

زين: لا أنا هعمله لوحدي، أنا مش صغير يا مامي. ريهام: معلش يا حبيبي، هتتأخر. زين بضجر: طيب يلا على السخان بقا. ريهام: على السخان؟ حد يقول لمامته على السخان؟ زين: يلا بقي علشان الباص قرب يوصل. ريهام: أنا خلصت، يلا. زين: فين جوري؟ جوري بابتسامة: أنا جاهزة، يلا. ريهام: حبيبة قلبي دي. يلا بقا، الباص على وصول، خلي بالك من اختك يا زين. زين: حاضر يا ماما. زين في أولى ثانوي وجوري في أولى ثانوي، تؤام.

جوري: مامي هو بابي جاي إمتى؟ ريهام بإبتسامة: بابي على وصول يا حبيبتي، يلا بقي هتتأخروا. زين مسك إيد جوري وخدها وخرجوا يستنوا الباص.