رواية حورية الصعيد الفصل الثاني 2 - بقلم يارا عبد السلام

انتي مين؟ همست: انا لله وانا اليه راجعون، روحت في داهية. سمعت صوته تاني: بقولك انتي مين وبتعملي اي هنا؟ حورية: واحد، اتنين، تلاتة. خدت نفسها ولفّت له. آدم بص لها من فوق لتحت وهو بيتفحصها: انتي بتعملي اي هنا في وقت زي ده؟ حور خافت من نبرته وهو قرب منها: انطقي بدل ما اخدك واوديكي للعمده يتصرف معاكي.

حور بدموع: لا وحياة الغاليين عندك، أنا كنت هنا مع اللي بينضفوا وقفلوا الباب عليا ومعرفتش اخرج. ارجوك خرجني من هنا. أنا مش حرامية. قربت منه ومسكت ايده: خرجني من هنا الاهي تكسب. آدم حس برعشة في جسمه غريبة اول مرة يحس الاحساس ده. غمض عينيه بعصبية وفتحها وبعد عنها. ولسه هيتكلم لقى نور القصر بيتفتح. وعايدة بتتكلم: آدم انت جيت يا حبيبي. آدم خد ايد حور ودخل بيها المطبخ.

كانت واقفة قدامه وهو حاطط ايده على بقها علشان متتكلمش. هي كانت خايفة ومتوترة وحاسة ان قلبها هيقف من الخضة. آدم كان باصص في عينيها اللي سرح فيهم للحظة وسمع صوت عايدة. "شكله لسه مجاش معرفش الولد دا طالع عنيد لمين.. اوووف" وطلعت. حورية فجأة عضت ايده. آدم بألم: آه ياعضاضة. حورية: انت بقى العنيد اللي بيقولوا عليه والصعب على المنال. والبت المسهوكة اللي اسمها نسرين جاية تتمسح فيك. آدم: أي دا انتي عرفتي كل دا ازاي؟

حورية: انت ناسي اني كنت مستخبية وسمعت كل حاجة. آدم: اممم. طلعتي بتلمعي أوكار كمان. حورية: لا والله الكلام اللي جالي لحد عندي. آدم: طيب يلا علشان اخرجك. جاي يمسك ايدها زقته: ايدك لاقطعهالك. انت هتستحلها ولا ايه؟ احنا اه خدامين بس بشرفنا. آدم بص لها بذهول كل دا علشان مسك ايديها. وسع ومشي هو الاول وهي وراه لحد ما خرجت من القصر. حورية: تسلم يا باشا. ربنا ما يجعلها عودة تاني ولا ادخل القصر النحس دا.

آدم كتم ضحكته ودخل وهي مشيت. دخلت البيت وهي بتتسحب بتدعي جواها ان اخوها ميكونش صاحي. "كنتي فين؟ همست: أنا كل شوية حد يخضني كدا هقطع الخلف. عمار بعصبية: بجولك كنتي فين ردي عليا. حورية بتمثيل: البت فاطمة كانت تعبانة وكنت معاها. غلطانة يعني أنا؟ انت عارف البت يتيمة عاوزاها تقول عليا ايه؟ غدارة ومش صحبتها. عمار حس انها صادقة قرب منها وحضنها: انتي عارفة اني بخاف عليكي من الهوا الطاير. متزعليش من اخوكي يا حوريتي.

حورية: خلاص مسامحاك. هدخل انام بقى. تاني يوم كانت حورية قاعدة في مكانها المعتاد. فاطمة جت: حورية أنا آسفة. كانت زعلانة منها على اللي حصل وانها سابتها ومشيت. مردتش عليها. فاطمة: والله الغفير جه وانا خفت منه ومشيت. وحاولت ارجعلك تاني لقيت الباب مقفول. بحسبك خرجتي. معلش سامحيني. حورية: متكلمنيش علشان أنا مقموصة منك. أنا كنت هروح في داهية امبارح. فاطمة: آسفة يا حور سامحيني. بصي حتى جايبالك ايه.

حور بصت لقت معاها عودين قصب. حور: لي كدا جيتي عالجرح. خدتهم منها وبدأت تاكل. فاطمة: خلاص سامحتيني؟ حورية: يابت أنا مقدرش ازعل منك انتي اختي. في الوقت دا كانت مي ونسرين بيتمشوا وشافوا حورية وفاطمة وهما بياكلوا قصب. نسرين باشمئزاز: هما بياكلوا ايه؟ اي اللي بيعملوه ده؟ مي: نسرين انتي مش في القاهرة. الناس اللي هنا فلاحين وكل واحد ليه طريقته. فاطمة شافتهم. فاطمة: شوفي يا حور بنات البندر عاملين ازاي. حلوين قوي.

حورية: يحبيبتي دا كله صناعي. أما احنا طبيعي والطبيعي يكسب. يابت انتي شايفة البت الطويلة الهايفة دي حاطة منافيخ علشان تبقى بالجسم دا. فاطمة: تؤ. معتقدش دي البت فرسة. حورية بصت لها بغيظ: هاتي يابت الحتة اللي انتي قشرتيها دي علشان مزعلكيش. فاطمة: لا أنا اللي قشرتها وانا اللي هاكلها. حورية: متعصبنييييش. نسرين كانت قريبة منهم وحورية وفاطمة بيتخانقوا. نسرين: شايفة بتتكلم ازاي. سوفاج. حورية سمعتها: بت يا بطة يعني ايه سوفاج؟

فاطمة: يمكن بتشتمك بامك. حورية بزعيق وهي بتقف: لااااا الا امي. وقربت من نسرين بغضب وجابتها من شعرها. و...