رواية حورية حمزة الفصل الأول 1 - بقلم الكاتبة الصغيرة

حور بفرحة: يا جماعة أنا نزلت مصر أخيرًا. حور كانت فاتحة لايف، ياتي لها تعليقات: نسيت أعرفكم بنفسي، أنا حور لسه جاية من السفر النهارده، أنا يوتيوبر ونزلت مصر عشان هستقر هنا. حور بتفكير: ممم مش عارفة، أنا نفسي أزور مناطق كتيرة أوي. حور خبطت في شخص. حور بعصبية: ثواني كده أما أشوف المتخلف اللي خبط فيا. وقفت اللايف وبصت للشخص بعصبية: مش تبص قدامك، إنت مبتشوفش. حمزة ببرود: إنتي اللي ماشية تتكلمي ومش شايفة قدامك.

حور بنرفزة: أي الأشكال دي يا ربي. ومشت وسابته. *** في مكان تاني. نيرة: عرفتي إن حور هتيجي النهاردة. إسراء: أيوا يا اختي عرفت، ومظبطة كل حاجة قبل ما تيجي. نيرة: جاية تاكل الجو مننا ولا إيه. إسراء: ده بعينها. *** حمزة: إيه يا ابني... لأ دي باين عليها مجنونة... المهم البنت اللي اتفقت معاها تيجي تعمل إعلان لمنتج عندنا، هتيجي امتى... خلاص ماشي، هستنى بليل تجيبها وتيجي. الباب خبط.

حمزة قفل الخط وسند ضهره على الكرسي باسترخاء. حمزة وهو مغمض العينين: اتفضل. السكرتيرة بدلع: أستاذ حمزة. حمزة لسه مغمض عينه مفتحهاش: في إيه. السكرتيرة: حضرتك في اجتماع مع شركة MB كمان نص ساعة. حمزة: تمام، روحي إنتي وخليهم يجهزوا قاعة الاجتماعات. بعد نص ساعة. حمزة بهدوء: اتفضل. ياسر باحترام: أستاذ حمزة، حضرتك طلبت عينات عشان تكشف عليها قبل ما نمضي العقد. حمزة بص له بتركيز: هات العينات.

ياسر اداله الشنطة اللي فيها العينات. حمزة: ممم، حابين ندمج منتج من شركتنا على منتج من عندكم، ولازم يبقى حاجة كويسة لما تنزل تعمل ضجة كبيرة. *** حور حضنت سارة: إزيك يا سو، وحشتيني. سارة بتصنع: وانتي كمان يا حبيبتي. سابتها وراحت حضنت نيرة. نيرة بابتسامة باردة: إزيك يا حبيبتي، تعالي ارتاحي. حور بسرعة: لأ، ده أنا هلحق أغير هدومي وأكل سندويتش بسرعة عشان عندي إعلان. نيرة في سرها: بالسرعة دي لحق يجيلها شغل. *** بعد ساعة.

حمزة وهو بيبص في ساعته: اتأخرت ليه دي كمان. ماجد: زمانها جاية، اهدا. حمزة بعصبية: إنت عارف إني مش بحب التأخير. ماجد بتوتر: طب ما إنت عارف إنها يوتيوبر ولسه جاية من السفر، أكيد لازم تتأخر... ا... أهي وصلت. حورية: معلش اتأخرت عليكوا، أنا آسفة. ماجد: لأ، ولا يهمك... أحب أعرفك أستاذ حمزة. حورية بابتسامة: إزيك... لتنطق هي وحمزة في صوت واحد: إيه دااا! هو إنت! حمزة بصدمة: هوا إنتي.