رواية حورية حمزة الفصل الثاني 2 - بقلم الكاتبة الصغيرة

حور بإصرار: أنا مش هعمل الإعلان ده. حمزة: عنك معملتيه، في غيرك يعمله. ماجد: اهدوا طيب، مينفعش كده. حمزة: لا يا ماجد. ماجد بهدوء: طب اتفضلي اقعدي يا أستاذة حور عشان نتفاهم. حور بابتسامة: شكراً. ماجد: اقعد يا حمزة. حمزة: بس... ماجد قاطعه: اقعد ونبي، إحنا ماسدقنا إنها توافق تيجي تعمل الإعلان.

ماجد: بصي يا أستاذة حور، حضرتك جاية تعملي إعلان بيدل على شراكة الشركة بتاعتنا وشركة MB، وبعد تفكير كتير قررنا إن حضرتك اللي تعمليه، لأنك هطلعي الإعلان كويس. حور بجدية: ماشي، مفيش مشكلة، وأنا مستعدة آخد عينة من المنتج وهطلع أجربه قدام المتابعين بتوعي.

حمزة ببرود: طبعًا زي ما حضرتك عارفة إن شركتنا أكبر شركة في مجال الـ makeup، وطبعًا إحنا مختفيين من فترة بسبب إننا بنحضر لحاجة لما نرجع نكسر بيها الدنيا، وطبعًا هندمج فيها حاجة مميزة عندنا وحاجة مميزة في شركة MB. حور: والمميز في شركتكم هو ثبات المنتجات، والمميز في شركة MB هو ألوان الـ makeup المميزة جدًا.

ماجد: بالظبط كده، وإحنا طبعًا عملنا منتجين كويسين جدًا، هو الروج جمعنا ما بين اللون المميز في شركة MB والثبات، وكريم ترطيب جودته عالية جدًا. *** سارة بصراخ: أسد يا جماعة، أسد! يلا! نيرة كانت قاعدة تتفرج على سارة وهي فاتحة لايف وبتعمل تحديات. سارة وهي بتكب ميه على نفسها: الدبل يا جماعة، الدبل، عايزين نحكم عليها! الباب خبط ونيرة راحت تفتح، لاقيتها حور. حور باستغراب: إيه اللي هي بتعمله ده؟ نيرة بتنهيدة: بتعمل تحدي.

حور: اقفلي كده يا سارة معلش. سارة بصتلها ومردتش عليها ورجعت تكمل اللي بتعمله. نيرة: ماتحاوليش توقفيها، كلها ربع ساعة وهتخلص. "عدا ربع ساعة" سارة قعدت بتعب. حور: إنتي إيه اللي كنتي بتعمليه ده؟ سارة بصتلها: كنت بعمل إيه يعني، فاتحة لايف. حور: على فكرة إنتي لو مسمية نفسك بلوجر يبقى بتضحكي على نفسك، إنتي طالعة تهيني نفسك قدام الناس، وتحديات وحطي ميه وغرقي نفسك قهوة وكده، دي طريقة غلط. سارة بزعيق: إنتي مفكرة نفسك حاجة؟

هوا عشان درستي بره هتكلمي وتقوليلي الصح والغلط؟ حور بهدوء: أنا بعرفك بس إنك بتهيني نفسك كده، مينفعش. فيها إيه لو فتحتي لايف واتكلمتي مع المتابعين، تعملي إعلانات معاهم وتقولي على الحاجات الكويسة اللي استخدمتيها والحاجات الوحشة عشان يتجنبوها. أنا مش جايه أقولك حاجة أكتر من كده، وأنا مش هقعد هنا عشان تفتحي لايف براحتك وتدلقي قهوة ودقيق براحتك. خلصت كلامها ودخلت أوضتها. نيرة: ممم، كلامها صح على فكرة.

سارة بعصبية: لا والله، مش كنتي بتتفرجي من شوية وعادي، إشمعنى اعترضتي لما هي اتكلمت؟ "في أوضة حور" كانت بتلم هدومها عشان تمشي. نيرة دخلت عليها. نيرة: رايحة فين يابنتي؟ حور: رايحة بيتي أحسن. نيرة: معلش... حور رفعت إيدها بمعنى اسكتي وخدت شنطتها ونزلت، ركبت العربية ومشيت. *** ماجد بسرعة: الحق ياحمزه، في مصيبة. حمزة: في إيه؟ ماجد مدله التليفون عشان يشوف. حمزة بصدمة: إيه ده!!! وو...