رواية هوس العشق الفصل الثالث 3 - بقلم عائشة الكيلاني

دلقت الجاز حواليها على شكل دايرة وولعت الكبريت. اشتعلت النار ومسكت في المكان. وقعت بضعف وغمضت عيونها، وشريط حياتها اتعاد قدام عينيها. "كح كح، مش هتخلي عنك مهما حصل. انت اللي مخليني مستحملة وعايشة، بس تعبت. هنموت مع بعض لأن محدش عايزنا. سامحني." فقدت وعيها والنار حرفياً اتمكنت من المكان. عند أسر، كان بيدور عليها زي المجنون. ضرب ايديه على الدركسيون بغضب. "راحت فين دي؟ ملهاش غيري. راحت فين؟

لو مش عند ابوها هى.. ملهاش صحاب ولا أي حد تروحله." قال بدموع وضعف: "طب ترجع ومش هقسى عليها تاني، بس ترجع. أنا مقدرش أعيش من غيرها. هي روحي والسبب اللي مخليني مكمل في الدنيا. يارب يارب." فضل ماشي بالعربية وصورتها ما راحتش من دماغه. ضحكتها، صوتها، جنانها. غمض عيونه... أكيد في المكان اللي أول مرة شفنا بعض فيه. بعد شوية راح للمكان. شاف دخان طالع من البيت. خرج من عربيته وفضل يجري ودخل البيت. بص له باستغراب.

"إيه اللي عمل في البيت كدا؟ أسر بص بتركيز. شاف جزمة فتون والشال بتاعها. "فتون.. دي حاجاتها. أيوه دا شال فتون. أنا مش تايه عنه." بص جانبه شاف جثة محروقة تمامًا. قرب منها بعدم تصديق. "لا لا، دي مش فتون. فتون عايشة، أنا متأكد." وقع على الأرض وصرخ بالعالي بصوته المقهور والوجع: "فتووووون! في مكان تاني وأوضة شيك جداً. فتحت عيونها بالبطيء وهي بتردد اسمه: "اسر.. اسر." "حمد الله على السلامة." فتون اتعدلت بانهيار: "انتِ مين؟

أنا بعمل إيه هنا؟ أنا المفروض كنت بدفنا دلوقتي. ليه أنقذتني؟ الست قربت منها وضربتها بالقلم. مسكتها من دراعها. "انتي مجنونة؟ ها؟ مجنونة؟ عايزة تموتي؟ كافرة؟ وعشان مين؟ عشان دا؟ انتي إزاي كدا؟ إزاي مستحملة الذل دا؟ انتي أم! إزاي، إزاي يا فتون؟ فهميني ليه ضعيفة كدا؟ كل دا عشان ابني؟ فتون بوجع سحبت دراعها منها: "انتِ مين وعايزة إيه مني؟ جميلة قفلت الباب وقعدت بهدوء وقلة حيلة:

"صحيح إنه بيكرهني ومعتبرني ميتة، بس دا ابني ومستحيل اسمح له يتوجع ولا اسمح له إنه يدوس على بنات الناس. صحيح تربية سماح، بس أنا ما متتش عشان أسيبه يضيع مني لمرة المليون." فتون بعدم فهم: "أم مين معلش؟ جميلة: "أنا أم أسر. جوزك. أسر سامر عكاشة. أنا أم أسر اللي اللي شيلته في بطني شهور وأنا اللي تعبت فيه وأنا اللي بعدت عشان يفضل بخير. شوفتي بقا الألم؟

ابني قدامي ومش عارفة ألمسه ولا أتكلم معاه. فاكرني زي أبوه، خاينة. بس مستحيل أسيبك بتتعذبي. أسر نسى نفسه ولازم يتربى. وتربيته على إيدي. هو دلوقتي هيفتكر إنك ميتة بسبب الجثة اللي حطيته مكانك." فتون بجنون: "انتي إزاي كدا؟ حرام عليكي يا شيخة. دا ابنك. إزاي تستحملي تشوفيه بيتعذب؟ جميلة: "أومال أسيبك ترجعي تحت رحمته ويذلك فيه؟

اللي حصل معايا مستحيل يحصلك. أنا مقدرتش أنقذ واحدة بس. دلوقتي مستحيل أسيبك بتتعذبي، حتى لو كان اللي بيعذبك دا هو ابني. عايزة ترجعي؟ انتي حرة. بس كدا يبقى خسارة فيكي ابنك." فتون... عند سماح، قاعدة ببرود. "أومال أخليه يخلف وياخد كل حاجة؟ طب وطب وعيالي أنا؟ بقول أزود الجرعة شوية. أسر مستحيل يطلع من تحت تأثيري عليه." سماح بصت لتحليل الدم وولعت فيه: "وبعدين مش عيب يا أسر؟ لما أختك تكون متعذبة في بيتها ومراتك مرتاحة؟

دا حتى ظلم. فتون تتعذب أضعاف. عذب بنتي. أسر بكرة يموت وولادي هما اللي هياخدوا كل حاجة. حتى فتون......