رواية هوس الفقدان الفصل العشرون بقلم شروق الحاوي

بدر: السر إن نجوى هانم هي أم نور مش أمي. خديجة هي أمي. درة بصدمة: إيه؟ يعني أنت كنت عارف إن أمها هي الرأس الكبيرة و؟ بدر: للأسف كنت عارف من أول ما بدأت شغل مع جاك، على أساس واحد منهم. ولما وثق فيا ودوني للزعيم، كملت بسخرية وعرفت إنها الست الوالدة وهي اللي قتلت أبويا. بعد ما كنت فاكر إنهم ماتوا هما الاتنين، بس للأسف الحقيقة طلعت أسوأ من الواقع بمراحل. خالد بحزن: نور لازم تعرف يابدر. صدقني ده هيكون أحسن ليك وليها.

بدر بحزن: مش هقدر. مش هقدر أدمرها بإيدي. سعد بحزن مغلف بجمود: هساعدك يابدر عشان تنهي حوار المافيا ده، ونور مش هتعرف الحقيقة. هي اللي شافته مش شوية، كفاية عليها تعب لحد كدا. خالد: سعد عنده حق. قبل ما تأخد أي خطوة مع نور لازم تنهي موضوع المافيا الأول.

بدر: تمام. سامر هيروح عند نور دلوقتي وهجيب نجوى هانم من هناك. هو بس هيلهي نور وأنا هدخل أجيبها وأخرج. وبالمعلومات اللي عندها هننيهم كلهم. يلا بينا، مفيش وقت. في عملية يوم 7/3، والنهاردة 5/3، يعني بعد يومين بالظبط. خالد بتشجيع: أنا واثق من اللي هتعمله. عندي ثقة كاملة فيك يا صاحبي.

بدر: أنا هكلم سامر دلوقتي. وأنت يا خالد هتتصرف عادي كأنك لسه ضدي ومعرفتش حاجة. وهتروح المرة دي هتتفق معاهم، وطبعًا مش محتاج أقولك إنك هتوصلهم إننا عرفنا بمعاد التسليم عشان يثقوا فيك. خالد باستغراب: بس كدا؟ إزاي هنقبض عليهم؟ هما هيغيروا الخطة وميعاد التسليم. بدر بخبث: كل حاجة هتم زي ما اتخططتلها بالظبط. اسمع بقا هيحصل إيه. قص عليه ما يجب فعله وجميع الخطة ووزع عليهم الأدوار. التسليم.

بالفعل حدث ما خطط له بدر وتم القبض عليهم بمساعدة خالد وسامر وسعد. وحكم على نجوى بإحالة أوراقها لفضيلة المفتي. وتم إخفاء هذه الأخبار عن نور ولم تعرف الحقيقة بتاتًا. وانتهت كل المشاكل بإنتهائهم. سافر خالد ودرة لتكمل علاجها في الخارج. وأيضًا سعد علموا أنه من أنقذ بدر من مكيدة خالد وتسامحوا. وعلم سامر بأن الفتاة التي معه ليست محبوبة، وقبض عليها وأقسم على أنه لن يتزوج حتى يلتقي بها في جنات الخلد.

بعد مرور 26 يوم تحديدًا يوم 31/3. بدر بحب: والله بحبك يانوري ومحبتش غيرك. أنا آسف، عارف إن ظلمتك كتير. وكمان خبر وفاتي، عارف قد إيه كان صعب عليكي. بس والله كنت بتقطع لما سمعتك وإنتي بتكلمي سامر. دموعك بتقتلني يانور حياتي ودنيتي. عشان خاطري وخاطر ابننا اللي جاي. وأكمل وهو يضع يده على بطنها: وحياتي يانور سامحيني. أوعدك هعوضك عن كل حاجة. وحياة ابننا يانور عشان خاطر بدورك طيب. نور بدموع: عارف المشكلة فين يابدر؟

إن أنا مش قادرة أكرهك. بالعكس كل يوم بحبك أكتر من اليوم اللي قبله. وبعدين أنا مش بس مسامحاك، لا أنا عايزك توعدني إنك مش هتخبي عني حاجة بعد كدا مهما كانت. قول لي وأوعدك إني هبقى جنبك وأساندك بروحي وحياتي. وعدين كل سنة وانت معايا ودنيتي. رمضان بعد بكرة وأنا مش عايزة أول رمضان لينا مع بعض يكون كله خناق. أنا بحبك بس اوعدني يابدر مش هتخبى عني حاجة بعد كدا. يلا يابدر اوعدني.

بدر بحب: أوعدك يانور حياتي. كل حاجة خاصة بيا مفيهاش أذى ليكِ هتكوني أول واحدة تعرفي. نور بتحذير: كل حاجة يابدر ها؟ بدر بحب: كل حاجة. نور حياتي تؤمر بيها تتنفذ. وأوعدك مش هسمح لأي حزن يدخل قلبك بعد النهاردة. أي حاجة ممكن توجعك همحيها من الوجود. كل سنة وانتِ حبيبتي وحياتي ومراتي وكل دنيتي. وأكمل بجرأة: وبعدين يعني كلها يومين وهنصوم. ورمضان كريم. أي مفيش حاجة كدا ولا كدا. أنهى حديثه بغمزة.

نور بخجل: على فكرة كدا عيب. وبعدين أنا حامل في الأول. بدر بحب: أهم حاجة إنك معايا. كل سنة وانتي معايا يا أحلى ما في دنيتي. رمضان كريم. وبالمناسبة دي عندي كلام كتيييير قوي مينفعش يتأجل. مليكتي ومملكتي وعذراء قلبي. أيتها الفتاة ذات العيون الساحرة وذات الشفايف المسكرة. سبحان من حلاكِ وصوركِ لي بشراً. وداخل القلب والفؤاد أرساكي. ومن الجمال أعطاكِ مالم يمن به على بشر سواكي. أسرتي القلب فكنت لكِ خير أسير.

وعلى درب الهوى إليكِ أسير.