رواية هوس الفقدان الفصل الأول 1 - بقلم شروق الحاوي

أنا مش مجنونة والله مش مجنونة صدقني أنا مش مجنونة يا خالد. خالد بعصبية: انتي مجنونة يانور، مجنونة اللي بتتهميه دا أخوكي. نور برجاء: يا خالد ارجوك صدقني، والله هو اللي عمل فيا كدا. وأكملت بإنهيار: ليه مفيش حد عايز يسمعني، أنا والله مش مجنونة. خالد بحنية: ياحبيبتي اهدي بس، اللي بتقوليه دا مش مبرر، إزاي حصل؟ وبعدين سامر أخوكي، متنسيش. نور بغضب: متقولش أخويا دا واحد حقير وحيوان. اغتصبني بدون رحمة، عارف يعني إيه؟

خالد: طيب اهدي يانور، اهدي، أنا مصدقك. نور بفرحة: بجد يا خالد مصدقني بجد؟ وهتخدني أعيش معاك صح؟ خالد بهدوء: حاضر يانوري، بس انتي اهدي. نور بحماس: طب يلا يلا نمشي. خالد بحزن: هتمشي من هنا، بس مش هينفع تيجي معايا يانور، انتي لازم تتعالجي. نور بصدمة: انت مصدق إن أنا مجنونة صح يا خالد؟ مصدق؟ أنا نور، نور حبيبتك ومراتك. خالد بحنية: ياحبيبتي أنا مصدق، بس انتي نفسيتك تعبانة وعايزة تتعالجي.

نور بإنهيار: ليه كلكم بتعملوا فيا كدااا؟ ليييييه؟ ااااه، سبوني في حالي بقا وارحمونييي. والدها بعصبية: في إيه؟ بتصرخي لييية؟ هو الجنان بتاعك مبيطلعش غير واحنا مخمودين؟ بطلي جنانك دا. خالد: عمي اهدي، هي بس... قاطعه والدها. والدها بغضب: بلا اهدي بلا زفت، البت دي لازم تروح مستشفى المجانين، مستحيل تقعد معانا دقيقة كمان، أنا كلمتهم وهما على وصول. نور بصدمة: انت بتقول إيه يا بابا؟ معقول؟ والدها

بقسوة ونادى على زوجته: يا أم سامر، يا أم سامر، يا خديجة انتي فين؟ خديجة: أنا هنا ياسعد، في إيه؟ سعد بقسوة: خدي البت دي لميلها هدومها، هتروح تعيش مع المجانين اللي زيها، يلااا. خديجة بصدمة: يلهوووي ياراجل! هتبعت بنتك مستشفى مجانين؟ سعد بعصبية: جرا إيه يا ولية ياخرفانة؟ انتي انتي اتجننتي انتي كمان ولا إيه؟ غورري شوفي قلتلك إيه. نور بدموع: عمري مهسامحك يابابا، عمري، وانت يا خالد مش المفروض انت جوزي؟

خالد بحنية: ياحبيبتي دا في صالحك، أوعدك لما تبقي كويسة هنعمل فرح كبير أووي، بس انتي تبقي كويسة. من وقت موت سما وانتي بقت حالتك غريبة. نور بصراخ: انتوو إيه؟ لييية مش عايزين تصدقوني؟ بقولكم اغتصبتني، اغتصبتني! أنا مش مجنونة والله دا حقيقة. سعد بعصبية: ولما قولتي إن بنتك ماتت كان إيه؟ انتي لسه كتب كتابك، جالك بنت منين هااا؟ نور بضياع: بنت؟ بنت مين؟ أنا... أه أنا بنتي، هي فين؟ انت شفتها يا خالد؟ إحنا عندنا بنت جميلة صح؟

عايزة أشوفها. خالد بحزن: بس إحنا لسه معملناش الفرح ومعندناش بنات ياروحي. نور بغضب مبالغ فيه: ااانت قولت إيييييية؟ أنا عندي بنت؟ أيوااااا سما! هههه. وظلت تضحك بهستريا: أيوا أنا عندي بنت، بنتي أنا وخالد، أيوا هو خالد راح فين؟ انت شوفتة يا بابا؟ سعد بصدمة: هااا؟