رواية هوس الفقدان الفصل السادس عشر 16 - بقلم شروق الحاوي

نور بصدمة: بدر مستحيل، لا لا بدر مامتش. أنا لازم أكلم سامر. أخذت هاتفها وحادثته. نور بلهفة: الو سامر، بدر بدر، إيه اللي حصل له؟ سامر بحزن: أنا آسف يا نور، بس مقدرتش أعمل له حاجة. أنا... قاطعته نور بصراخ: أنت مجنون! بدر عايش، بدر مش هيسبني. سامر بحزن: بدر بيحبك أوي يا نور، عمل كل ده عشانك. نور: بدر عايش صح؟ قول لي. سامر بحزن: أوعدك هرجع اسمه تاني. بدر هيفضل عايش جوانا، بدر بطل صدقيني، عمل اللي محدش قدر يعمله.

نور: سامر، أنت عارف حاجة أنا معرفهاش؟ سامر بتوتر ملحوظ في صوته: ها؟ لأ، لأ، معرفش حاجة. نور بجمود: وحياة ربنا يا سامر، لو عرفت إنك مخبي عني حاجة مش هسامحك، لا أنت ولا بدر. طول عمري. سامر بحزن: أنا بس عايزك تتأكدي إن بدر بيحبك أوي. نور بجمود: طيب يا سامر، أنا عايزة أقول لبدر: أنا مش عايزة أشوفه في حياتي مرة تانية. سامر بتوتر: لـ لية بتقولي كده يا نور؟ أنتِ لية مش مصدقة إن بدر مبقاش موجود؟

نور بثقة: لأن قلبي لسه بيدق يا سامر، قلبي حاسس بيه. أنا مش بس بحب بدر، كلمة حب دي متوصفش حاجة من اللي جوايا. لية؟ سامر بصدق: وهو والله ما حب ولا هيحب قدك. نور بجمود: أنا استحملت غموض كتير، كل يوم سر شكل وأنا مستحملاه، بس المرة دي لأ، مش هستحمل. أنت مش متخيل أنا حسيت بإيه أول ما سمعت الخبر، وكمان مبيردش عليا، مهنش عليه يطمني، أول ما يقول الجارية اللي بتحبني دي عاملة إيه، ولا الخبر ده هيكون عليها إزاي.

سامر: نور، بدر خلاص راح. نور بصراخ: متكذبش! بدررررر عايش! عااااايش! بس واللللله المرررررررة ديييييي مش هساااامحهههه بسهولهههه ابدااااا. هو لو سااامعنييييي دلوقتيييي قولههه مش هساااامحه، مش هساااامحك ياااابدر. وأغلقت الهاتف وألقته أرضاً بكل قوتها، وأخذت تبكي بهستيريا. *** سامر بحزن: ليه يا بدر عملت كده؟

بدر بحزن: صدقني دموعها دي بتحرق قلبي، بس أنت عارف ده شغلي. أنا لازم أخلص منهم بجد. عايز أنضف البلد من الناس دول كلهم، خطر علينا وعلي أمان بلدنا. مش عايز أبقى أناني وأفكر في نفسي وبس. أنا عايز أعمل حاجة لبلدي يا سامر، صدقني بعدي عن نور ده على عيني والله. سامر وهو يربت على كتفه: هتتعدل يا صاحبي، هتتعدل. لما تعرف غرضك هتسامحك نور، قلبها طيب. بدر بحزن: أتمنى. سامر: آه صحيح، يا بدر أنت ليه خليتهم يقولوا كده؟

مش فاهم. أنت كده بتشوه صورتك من ظابط لزعيم مافيا، لا ومش أي مافيا. بدر: عشان أقدر أحاربهم صح، لازم أوصلهم صح. ومتنساش إن جاك عارف كل حاجة، ولو فضلت معاهم على الأكيد هتتصفي. سامر بتفكير: بس موضوع فرامل العربية ده، أكيد مش هما الناس دول. بتلعب في الوش. بدر: أنا عارف إن مش هما، هما ميعملوش حركة رخيصة زي دي. سامر: تفتكر مين؟ بدر: اللي عمل كدا عايز ينبهني من حاجة، مش قاصد أذيتي. وده اللي مش عارف إيه هو.

العربية مكنش فيها فرامل، ومكملتش حوالي عشر دقايق وعطلت، واكتشف مفيهاش بنزين، وأنا متأكد إن العربية متمولة كويس. سامر: موضوع ده غريب. نور عرفت سر الأوضة ولا لسة؟ بدر: نور مش لازم تعرف يا سامر، فاهمني؟ مش كدا؟ سامر بحزن: فاهمك يا صاحبي. بدر: سما عملت إيه؟ قدرت توصل لمكانهم ولا لسة؟ سامر: أيوه، وفعلاً قدرنا نعرف مين هو الشخص التاني اللي بيمشي مع سعد. بدر بإهتمام: مين؟ سامر بتوتر: خالد. بدر: