رواية هوس الفقدان الفصل الثاني عشر 12 - بقلم شروق الحاوي

بدر ببرود: انتي مراتي يانور ودا كل اللي يهمني دلوقتي. نور بعصبية: انت مجنون يابدر واييية البرود اللي عندك دا يابني ادم انت. بدر وهو علي نفس الوتيرة من البرود: اللي سمعتيه يازوجتي المصون. نور بهدوء: بدر انا مبهزرش احنا متجوزين بجد. بدر: هجاوبك بس لو وافقتي نكتب الكتاب الاول ومتقلقيش انا مش جاهل اووي كدا علشان اتجوز واحدة متجوزة يانوري. ...... : بس هي فعلاً متجوزة ياسيادة الرائد. بدر ببرود: كنت عارف انك جاي ياخالد بيه.

خالد بسخرية: كويس انك عارف ان انا بيه. بدر لم يعره انتباه. وتطلع لتلك التي تقف لم تفهم شيئًا. ماذا يحدث؟ لما كل تلك الألغاز؟ ماذا يخبئون؟ ألم يحن الوقت لانتهاء كل تلك الألغاز المتعلقة بي؟ لما حياتي أصبحت هاكذا؟ أشعر وكأنني أعيش بلغز كبير يصعب حله. ولكن ليس بعد الآن. يجب أن أعرف ما هي تلك الحياة. وأن أعرف كل تلك الألاعيب التي يدمرون حياتي بها. فاقت من حديثها مع نفسها على صوت بدر. بدر بقلق: نور حببتي في اية مالك.

نور بتوهان: في ايه تاني متخبي ياترا كل الالغاز دي هتتحل امتي. لية كل لغز يتحل ألاقي لغز جديد أصعب من الأول. حياتي بقت عبارة عن متاهة. مبقتش فاهمة حاجة. في الأول أبويا اللي مش أبويا. سما اللي مطلعتش ميتة. أخويا اللي اغتصبني. خالد اللي اتجوزته ومطلعش جوزي. في ايه تاني مستخبي يابدر. في اية انا تعبت اووي تعبت. بدر: صدقيني كل حاجة هتبقي كويسة وهتبقي أحسن من الأول. بس انتي وافقي تتجوزيني.

خالد بتوضيح: أنا آسف يانور بس كان لازم نعمل كدا علشان نقدر نحميكي. الناس دول مش سهلين. أنا وبدر صحاب جدا. ولما بدر كان عند المافيا وسامر اتدخل وكان هيكشف كل حاجة. وبدر اتدخل وقتها. هما كانوا شاكين في بدر. وطبعاً كانوا عايزين يقتلوا سامر وعيلتة. وعلشان نخلص من المشكلة دي. بدر طلب المساعدة وكلفني بحماية عيلتك انتي ومدام خديجة. أنا وقتها مكنش قدامي حل أقدر أظهر بيه قدامكم غير إني أتجوزك.

بدر مكنش يعرف أنا اللي جبت مأذون مزيف وكل حاجة كانت مزيفة. ولما بدر عرف. فلاش باك. كان جالسًا يضع يده على عينيه. يتذكر تلك الطفلة الشقية التي عشقها. ويتمنى لو يستطيع أن يذهب إليها ويدخلها داخل أضلاعه. قاطع تفكيره مع نفسه رنين هاتفه. ولم يكن سوى أحد رجاله الموكلين بحماية نور. ولم يعرف أحد بهم. بدر: الو. في جديد؟ الرجل بتوتر: يابيه في مأذون لسه طالع عندهم دلوقتي. بدر بصدمة: إيه مأذون؟

الرجل بخوف: أنا آسف يابيه بس مقدرتش أمنعه يوصل للبيت لأن خالد بيه هو اللي جايبه. بدر بستغراب: خالد. ركز كويس عايزك تعرفلي كل حاجة دلوقتي والمأذون دا جاي يعمل إيه. فاهم؟ يلا بسرعة. وأغلق الخط. بدر بحيرة: ياترى المأذون دا جاي لمين؟ معقول يكون خا..... لا لا. خالد صاحبي مستحيل يعمل كدا. اكيد ميعملهاش. ولم يفت سوى بضع دقائق ورن هاتفه مجددًا بنفس الرقم. بدر: عملت إيه؟

الرجل بخوف: المأذون كان بيكتب كتاب خالد بيه والآنسة نور. بدر بغضب: نعممممم يابن ال******* انت بتقول ايييييية؟ أنا جااااي فوراً. وأغلق الهاتف. ولكن رن مجددًا ولم يكن المتصل سوى خالد. بدر بغضب: وحياة أمي لو اللي عرفته دا حقيقة لاقتلك ياخااالد فاااهم. خالد بغيظ: متهدي ياعم الله. مفيش حاجة. اللي حصل دا مفيش حاجة حقيقية. دا بس علشان ميشكوش في وجودي مش أكتر. المأذون واحد من رجالتنا. باك. نور بسخرية: وادي كذبة تانية.

في إيه تاني؟ حياتي كلها بقت كذبة. خايفة أنا وأصحى أعرف إني مش أنا. أو في مني نسخ تانية. مهي هيصة بقا. خالد بتوتر: في حاجة تانية متعرفيهاش. بدر بستغراب: حاجة إيه؟ خالد بتوتر: نور لسه بنت. نور بصدمة: ازاي.