رواية هوس مجهول الفصل الرابع 4 - بقلم فونا

أنتِ بتاعتي يا مريم! وفجأة رش في وشي حاجة. حسيت بدوخة وعيني تقلت. حاولت أقاوم بس للأسف مقدرتش وعيني بدأت تقفل. آخر حاجة قولتها قبل ما يغمى عليا: "يارب احميني." "فين مريم يا ماما؟ "نزلت تجيبلي حاجة من تحت يا يوسف بس اتأخرت، دي بقالها أكتر من ساعة." "هنزل أشوفها ولو رجعت كلميني." نزل يوسف وفضل يدور عليها بس ملقهاش. اتخض وفضل يدور في الشوارع اللي جنب البيت وبرضو ملقهاش. رن على مامته. "مرجعتش." "لأ يا ابني."

"وأنا مش لاقيها يا ماما." "يامصيبتي يا بنتي، دورلي على البت يا يوسف، أنا عايزة مريم." اتنهد يوسف وهو مش عارف يتصرف، مخه وقف. بدأت أفوق، دماغي تقيلة بس حاولت أقوم. فتحت عيوني وبدأت أبص حواليا. كنت في أوضة منورة. حاولت أتحرك بس كنت مربوطة على كرسي. حاولت أتحرك جامد بس للأسف مقدرتش. الباب اتفتح فجأة ودخل منه چون! بصيتله بخوف وهو كان باصصلي وعلى وشه ابتسامة غريبة. "صباح الخير يا مريومتي." مردتش عليه، صوته كان مخوفني أوي.

بدأ يقرب مني وأنا قلبي دقاته بتزيد من الخوف. شد كرسي وقعد قصادي على طول وهو مبتسم. "أنت عايز مني إيه؟ "عايزك." "ده في أحلامك! ضحك ضحكة غريبة. "أنتِ طول عمرك كنتي في أحلامي وجيه الوقت إنك تبقي بتاعتي ومعايا." هنا اتعصبت. "أنا عمري ما هكون مع شخص مريض زيك أنتَ فاهم!! أنتَ مجنون يا چون روح اتعالج! بصلي بصة، والغريب إن عيونه كانت بتلمع. "قولي اللي تقوليه يا مريم، أنتِ مش هتخرجي من هنا غير وإنتِ مراتي!

بصيتله بخوف حاولت أداره. "على جثتي إني أتجوز واحد مريض زيك." ابتسم ومردش. قام وطلع برا ودخل تاني وكان معاه أكل. قعد قدامي وبدأ يحط الأكل في المعلقة وقربه مني. "ابعد أنا مش هاكل." مكملتش كلامي لما لقيته حط الأكل في بقي. بصيتله بصدمة من اللي عمله، فلقيته ضحك. وكان هاين عليا أتف الأكل في وشه بس نعمة ربنا حرام. كنت بصاله بغضب وبعد ما بلعت الأكل صرخت في وشه. "ابعد عني أنتَ عايز مني إيه، سيبني بقى."

قرب ومسك خصلة من شعري بس أنا بعدت راسي. "بحبك يا مريم." اتعصبت. "واللي بيحب حد بيخطفه ويكتفه بالشكل المهين ده! اتنهد وقرب مني، فكني. مسكت إيدي بألم مكان الحبل. بصيتله، كان باصصلي وساكت. "أنا عايزة أروح." "إنسي يا مريم، مفيش خروج من هنا تاني." قال كلامه وقام واتجه ناحية الباب. بعصبية. "أنتَ شكلك مجنون، بقي عشان تحبسني وأنتَ ملكش علاقة بيا." وقف مكانه بعدين لف وابتسم ابتسامة سمجة. "بليل هتبقي مراتي بمزاجك أو غصب عنك!