رواية هوس مريض الفصل الثالث 3 - بقلم سمسمة

كمال بعدما أخته مشيت رجع تاني لماسه وقعد جنبها على السرير وحط إيديه على شعرها. كمال: حبيبي ماله زعلان. ماسه: مش زعلانه أبدا. كمال: بس مش واضح كده مين ضايقك مرات أبوكي مرة تانية الست دي عايز أقتلها. ماسه: لا بس أنت أدتني حقنة وأنا بخاف منها. كمال: غصب عني يا قلبي بس كان لازم تاخديها علشان تخفي. ماسه: بتحبني يا كمال. كمال: بموت في التراب اللي بتمشي عليه. ماسه: هو اللي بيحب حد ممكن في يوم يأذيه.

كمال: ليه بتقولي كده بس هجاوبك ممكن الأذية دي تبقى مؤقتة علشان اللي بنحبهم يبقوا كويسين ويفضلوا معانا على طول وميبعدوش عنا. ماسه: بس في حاجة اسمها حق الاختيار. كمال: وفي حد ميقدرش يعيش من غير حد ف بيعمل كل اللي يقدر عليه علشان يضمن وجوده. ماسه بضحك: إيه كل العمق ده كفاية جد خلينا هزار أحسن. كمال: هقوم أجهزلك الأكل. ماسه: أنت عمرك دخلت مطبخ. كمال: علشان خاطر عيونك أدخل. ماسه: لا مليش نفس تعال نطلع ناكل بره.

كمال: بس أنا مش بحب أكل الشارع. ماسه بقمصة: حتى وأنا تعبانة مش عايز تسمع كلامي شكراً يا مصر. كمال بضحك: يابنتي أنتِ مش تعبانة. قامت ماسه وقفت على السرير وقالت أنا بقيت زي الفل بس عايزة أخرج. كمال: تمام يا ستي البسي ويلا بينا. ماسه: بتحمد ربنا من جواها كانت خايفة يحطلها حاجة في الأكل. وخرجوا وأكلوا بره وراح يجيب لها عصير وهو راجع حطلها فيه الدوا. كمال: اتفضلي يا حبيبتي المانجة اللي بتحبيها. ماسه: وأنت جبت إيه.

كمال: برتقال. ماسه: ياااه أنا نفسي في البرتقال ممكن نبدل. كمال بتوتر: ليه بس أنتِ مش بتحبي المانجة. ماسه: تغيير علشان زهقت. كمال: طيب هروح أجيب لك وأجي. ماسه: ما بتاعك حلو يا كيمو. كمال أدالها العصير غصب عنه وهي بتقوله يشرب المانجة حاول يتهرب بس خدتها منه وشربتهاله غصب عنه. ماسه بعدما روحوا البيت لاحظت على كمال التعب. ماسه: مالك يا كيمو في إيه. كمال: حاسس بمغص فظيع ودخل الحمام وكانت بطنه بتتقطع.

وجابوله دكتور وبقي كويس نوعاً ما. كمال: كويس يا حبيبتي إنك مأخدتيش المانجة وأنا اللي شربتها. ماسه: أنا آسفة يا حبيبي أنا اللي غصبت عليك تشربها. هند: المهم إنه بخير. كمال: ممكن تجيبلي مايه يا ماسه معلش. ماسه: حاضر يا حبيبي. وطلعت ماسه. هند: إزاي أنت اللي تشرب العصير يا كمال. كمال: شربتهولي غصب عني أعمل إيه لو كنت أعرف إنها هتختار البرتقال مكنتش حطيت حاجة وخوفت لحسن تحس إن في حاجة لو مشربتش المانجة.

هند: تقوم تموت نفسك. كمال: هو الزفت ده بيموت هتموتي ماسه يا هند ده أنا أشرب من دمك. هند: لا يا حبيبي ده بس بيتعب الرحم عندها وأنت معندكش فكان ممكن يقتلك فاهم. ماسه رجعت: اتفضل يا حبيبي. هند: طيب أنا همشي بقي خلي بالك منه يا ماسه. ماسه: في عيوني يا هند طبعاً من غير كلام. ومشيت هند وماسه أدت كمال الدواء ومعاه برشام منوم علشان تبتدي الخطه بتاعتها.