رواية هوس مريض الفصل الرابع 4 - بقلم سمسمة

بعدما كمال نام، ماسة فتحت موبايله وشافت كل بلاويه اللي متفق مع هند عليها فيه وهيعملوا فيها إيه. نسخت كل ده على الفون وعلى فلاشه، ونزلت على موبايله برنامج تجسس مخفي يبعتلها كل تسجيل مكالماته وأي رسايله على الواتس أب. دخلت نامت. صحيت الصبح لقت كمال مجهز فطار. كمال قرب من دماغها وباسها وقعد يلعب في شعرها شوية. هي فتحت عيونها واتخضت أول ما شافته. كمال: في إيه يا ماسة؟ بقالك كام يوم متغيره وتشوفيني تتخضي جامد كده ليه؟

ماسة: مش قصدي يا حبيبي، بس حاسة إني تعبانة. كمال: حبيبتي أنا جهزتلك الفطار وعملتلك أحلى عصير. ماسة مش مصدقة: كمال، أنت عمرك ما كان لك علاقة بالمطبخ أبدًا وكنت بتكرهه حتى تدخل تجيب لنفسك ميه. كمال: وفيها إيه لما أدلع مراتي حبيبتي شوية؟ ثواني وهجيبلك صينية الأكل والعصير مهم جدًا تشربيه، مفيد جدًا ليكي. دي بصراحة الحاجة الوحيدة اللي عملتها بإيدي. ماسة: طيب، هقوم أغسل وشي وناكل على السفرة أحسن.

كمال: يا قلبي، متتحركيش من مكانك، انتي النهارده يوم دلع وبس. وراح جاب الأكل وكان مصر جدًا إن ماسة تشرب العصير، وهي عرفت إنه حاطط فيه الدوا. ماسة: هشرب لوحدي يا حبيبي، لا طبعًا فين الكوبايه بتاعتك؟ ثواني أجيبلك واحدة. كمال: اشربي انتي العصير كله وأنا هروح أجيب لنفسي وأجي، مش هتأخر. استغلت ماسة خروج كمال من الأوضة ودلقت العصير من البلكونة في الجنينة ورجعت مكانها بسرعة. كمال: أنا رجعت يا قلبي، ها شربتي العصير؟

ماسة: آه يا حبيبي، ده جميل جدًا، أبقي اعمل انت العصير دايمًا. كمال في نفسه: خلاص يا ماستي، فاضل شوية وتبقي ملكي للأبد ومش هيكون عندك خيار تسيبيني أبدًا. ماسة: كمال، كمال، بقالي شوية بكلمك، روحت فين؟ كمال فاق: سوري يا حبيبتي، بس سرحت في شعرك الطويل اللي بعشقه ده، انتي بتحلوي كل يوم أكتر. ماسة: بكسوف، خلاص بقي عشان بتكسف. صحيح، أنت مش هتروح الشغل؟ كمال: زهقتي مني يا حبيبتي؟

ماسة: لا مش قصدي، بس أنت عمرك ما غبت عنه أبدًا. كمال: النهارده ليكي وبس. وماسة قامت أخدت دوش وغيرت هدومها وجهزت نفسها. وكمال كل شوية يبص في ساعته وبدأ يتضايق. كمال خرج يكلم أخته. ماسة بسرعة فتحت موبايلها عشان تسمع كلامه. كمال: انتي يا ست هند، مفيش حاجة حصلت لها لحد دلوقتي، زي القرد أهي عمالة تتنطط. هند: أنت حطيت الدوا في العصير زي ما قولتلك؟ كمال: أيوه، ومحصلش حاجة لحد دلوقتي.

هند: خلاص يا كمال، هاتها بحجة الفحص وأنا هدخلها عمليات على طول. كمال: عارفه يا هند، أنا نفسي اقتلك. جهزي الحاجة وأنا مسافة السكة واكون عندك أنا وهي. ماسة فضلت تبكي ومش عارفة تعمل إيه ولا تهرب إزاي. دخل كمال لقاها في الحمام. خبط عليها: ماستي، تعالي اخرجي. ماسة: ثواني. وغسلت وشها كويس وخرجت له. كمال: مش كنتي بتقولي تعبانة الصبح؟ تعالي نروح سوا لهند نطمن.

ماسة بخضة: لا لا، أنا بقيت كويسة، شايف زي القرده أهو وبتنطط، مش عايزة أروح لهند. وبعدين دي أول مرة تطلب مني نروح لها، أنت اللي كنت دايمًا بترفض. كمال: أنا قولت هنروح يا ماستي، ومفيش نقاش. يلا اجهزي، عايز أطمن عليكي. وخرج، وماسة فتحت في العياط ومش عارفة تعمل إيه. وأخدها ونزل. وهي طول الطريق بتفكر تهرب إزاي من اللي هيعمله فيها كمال وهند. كمال: انزلي يا ماسة، يالا. ماسة: لا يا كمال، مش عايزة، مش بالغصب هو.

كمال بنرفزة: إحنا وصلنا يا ماسة، متفرجيش علينا الناس. ماسة: أنت مش هتعمل فيا كده يا كمال، أنا مش هسمحلك تعمل فيا اللي عايزه. ونزلت ماسة من العربية وفضلت تجري. وكمال حاول يلحقها ويجري وراها، بس هي كانت سريعة وضاعت منه وركبت تاكسي وراحت عند أهلها. هند: أيوه يا كمال، كل حاجة جاهزة. أنت فين؟ كمال: ماسة هربت يا هند. هلاقيه آخده وأجيبه. ماسة راحت عند أهلها. رنت الجرس، أختها فتحت. ماسة: أزيك يا ملك؟ عاملة إيه؟

ملك من غير نفس: أهلاً. ماسة: بابا هنا؟ ملك: جوه، ادخلي. ماسة دخلت وجريت اترمت في حضن باباها وفضلت تبكي. باباها: مالك يا ماسة؟ بتبكي ليه؟ ماسة: كمال يا بابا، كمال عايز يدمر حياتي. هنا اتدخلت مرات أبوها: هه، كمال اللي معيشك ملكه ونسيتينا خالص؟ ولا حتى بتفكري تبعتيلي فلوس عشان أخواتك الغلبانين دول ياكلوا ويلبسوا؟ ولا حتى تشغليهم في شركة جوزك؟ حتى طول عمرك ناكرة للجميل وبياعة. باباها: خلاص يا هناء، اسكتي.

هناء: أنا برضه اللي اسكت؟ هو إحنا ناقصين يا راجل؟ شايف الفلوس معانا مش عارفين نوديها فين ولا فين عشان الهانم تسيب جوزها وتيجي تقعد معانا. ماسة: حرام عليكي بقي، انتي بتعملي معايا كده ليه؟ انتي عارفة كمال عايز إيه؟ عايز يشيل لي الرحم، مش عايز يخليني أخلف في حياتي، انتي فاهمة؟ ملك: وانتي عايزة تخلفي ليه يا أختي؟ خليكي استمتعي بالعز اللي انتي فيه. ماسة: أنا غلطانة إني جيت هنا من الأساس. جت تمشي، فتحت الباب لقت....