رواية هوسي الفصل الرابع 4 - بقلم امنية ايمن

يزن بصوت عالٍ: تقى! تقى من الخضة وقعت الحاجة اللي في إيديها على الأرض. يزن راح لها ومسكها من دراعها واتكلم بكل نرفزة وعصبية: انتي بتعملي إيه؟ تقى بصتله وخايفة وبتترعش. يزن بزعيق: ردي عليا! تقى بعياط: أنا بنظف الفيلا. وبعدين بصتله بوجع وكملت: مش ده اللي أمرت بيه يا بيه؟ يزن: إيه الكلام الفاضي ده؟ تقى: ده مش كلام فاضي، دي الحقيقة. ولو ما كنتيش مصدقني اسألي فوزية هانم. فوزية بصت بخوف بس دارت خوفها.

يزن بص لها وعيونه كلها شر: الكلام ده صحيح؟ فوزية: لأ طبعاً، دي واحدة كذابة. تقى بصت لها بصدمة. فوزية ردت لها البصة بتحدي وشماتة. يزن سحب تقى من دراعها وطلع الأوضة ورزع الباب وراه. تقى عمالة تعيط من كل اللي بيحصل فيها، ويزن قلبه بيتقطع عليها. متحملش منظرها، خدها في حضنه. تقى بعياط: اوعى، اوعى. سيبني، ابعد عني. يزن: مستحيل هبعدك. أنا قدرك وانتي قدري. تقى بانهيار: انت إيه يا أخي؟ انت إزاي كده؟

إزاي بالليل ضرب وشتيمة، والصبح حنية وخوف عليا؟ انت مين فيهم؟ فاهماني؟ أنا قربت أتجنن من معاملتك ليا. سيبني وماشيني، خليني أروح بيتي، أرجوك. يزن: لا لا لا لا يا تقى، مقدرش أبعد عنك. لا، اوعي تعملي فيا كده. أموت لو بعدت عنك. متسبينيش. أنا بحبك. تقى: وأنا بكرهك. سامعني؟ بكرهك. يزن حط إيده على بقها. يزن وهو مقرب منها وهي شبه في حضنه، بهمس وحنية: اوعي تقوليها تاني. تقى قلبها بيدق جامد ومش فاهمة إحساسها ولا فاهمة حاجة.

يزن خدها وقعدوا على السرير ونزل قعد قدامها ومسك إيديها وحطها في إيده. يزن بجدية: ممكن تقوليلي كل حاجة أنا عملتها فيكي؟ تقى بصتله باستغراب وغضب في نفس الوقت: على أساس إنك مش فاكر يعني؟ يزن: والله العظيم ما فاكر أي حاجة. تقى حست بصدقه وفعلاً حكتله كل حاجة كان بيعملها فيها. وقعدت تعيط جامد. خدها في حضنه وقعد يطبطب عليها لحد ما نامت. يزن في نفسه: نهايتك قربت يا مرات أبويا. فريد اتصل بيزن. يزن: أيوا يا فريد، عاملت إيه؟

فريد: زي ما توقعت يا يزن. يزن: يا بنت***. طب اسمع يا فريد، اللي هقوله ونفذه بالحرف. فريد: حاضر. يزن... عند فوزية. فوزية قاعدة بكل برود: نهايتك قربت يا يزن. وأول ضربة هي تقى. وقعدت تضحك. فوزية: ابتدا العد التنازلي لقتلك يا تقى. ويزن وتقى نايمين، فجأة سمعوا صوت زعيق جامد جاي من برة وناس بتنادي على تقى. عم تقى: انزلي يا فاجرة، انزلي بقولك. هقتلك، وربنا لقتلك. تقى بتعيط: عمي، عمي هيموتني. أنا خايفة.

يزن: متخفيش، طول ما أنا معاكي. يزن سابها ونزل يشوف عمامها. يزن: انتوا مين وعايزين إيه؟ حسين: أنا أبقى عمها وهقتلها وأغسل عاري بإيدي. يزن: ومين اللي هيسمحلك تعمل فيها؟ حسين: انت مين عشان تمنعني آخد بنت أخويا؟ يزن: أنا جوزها. الكل بصدمة: إيه ده؟