رواية هوسي الفصل السادس 6 - بقلم امنية ايمن

يزن صحى من النوم بيدور على تقى ملقهاش فى الاوضه. نزل دور عليها فى الفيلا كلها ملقهاش. يزن بصراخ: تقى انتى فين؟ سيبتينى وروحتى فين؟ وكمل بغضب ووعيد: هجيبك لو تحت الأرض هجيبك. ونزل جرى على فوزيه ماسكها من زورها وبيخنقها. يزن بغضب: وودتيها فين؟ انطقي. فوزيه بخنقة: م.معرفش.. معرفش. يزن بغل: هقتلك وربى لقتلك لو ما قولتى هى فين. فوزيه ووشها بدأ يزرق: والله ما خطفتها والله.

فريد دخل لاقى يزن بيموت فوزيه. جرى عليه وبيحاول يبعده عنها. فريد بيزق يزن: اوعى يا يزن سيبها هتموت فى ايديك. يزن: مش هسيبها. هى اللي خطفت حبيبتي. مش بعد ما لقيتها تاخدها منها. فريد شده جامد بعده عنها. فوزيه وقعت على الأرض قعدت تكح جامد وتاخد نفسها. فريد بعصبية: كنت هتستفيد إيه لما تقتلها؟ فاهمني؟ يزن: هبقى شفيت غليلي منها. فريد: يسلام! تشفي غليلك ومتعرفش مكان تقى صح؟ اهدى واستهدى بالله كده. يزن: لا إله إلا الله.

فوزيه بعد ما هديت والروح ردت فيها، قامت وقفت بكل ثقة واتكلمت بشماتة. فوزيه: إيه معقول تكون هربت وسابتك؟ تؤ تؤ يا حرام ضحكت عليك وانت زي المغفل. غفلتك وهربت. لا بس بجد بجد. وكملت وهي بتسقف: شابو ليها. عرفت تكسرك إزاي. يزن بص لها بكل وجع وحرقة وقام مشى بسرعة من قدامها. بعد ما مشى، فوزيه قعدت باستغراب. إزاي تقى عرفت تهرب وهي ما خطفتهاش ولا كان في دماغها تخطفها؟ دا ما كانش من مخططها. وبعدين

كملت وهي بتكلم نفسها: بس اللي حصل جه في صالحي وهعرف استغله كويس. عند يزن. عمال يدور عليها وبيقلب الدنيا عليها. وفجأة جه في دماغه إن ممكن يكون عمها هو اللي خطفها. فجأة غير مسار عربيته وراح لبيت عمها. راح البيت وقعد يرزع جامد. الهام مرات حسين: يا ساتر يارب مين اللي بيخبط كده؟ طيب ياللي على الباب أنا جاية اهو. بتفتح لاقت يزن واقف وعيونه حمرا وعروقه بارزة. بصت له بخوف: ا. أنت مين؟ يزن بعصبية: هو فين؟ الهام: مين ده؟

يزن: جوزك اللي هيكون قتلته على إيدي. الهام شهقت ولطمت على وشها. الهام: ليه يا بيه؟ هو عمل إيه؟ أبوس إيدك كله إلا القتل. حسين طلع وكان أثر النوم عليه. حسين: إيه يا ولية الزعيق ده؟ يزن جرى عليه: هي فين؟ حسين: هي مين؟ يزن: تقى. ودتها فين؟ حسين ببرود: معرفش. يزن طلع مسدسه وحطه على دماغه. يزن: انطق لكون قتلتك. حسين اترعب من المسدس ومن منظر يزن. حسين برعب: والله ما أعرف. والله ما أعرف. يزن لسه هيضربه بالنار جاله تليفون.

يزن: أنت بتقول إيييييييييييييييييييييييييييييه؟