رواية هوسي الفصل الثامن 8 - بقلم امنية ايمن

يزن غمض عينه بوجع: أنا أمي اتقت*لت. تقى بصدمة: إيه؟ إزاي؟ يزن وعيونه دمعت: فوزية اللي قتلت*ها. تقى بصتله ومصدومة، ودماغها مش قادرة تستوعب كم الأحداث.

يزن: إحنا كنا أسرة كويسة جدًا جدًا، قمة السعادة كانت في حياتنا، ما كانش ناقصنا حاجة لحد أما دخلت الحربا*ية فوزية حياتنا. جت سكنت في الفيلة اللي جنبنا وبدأت تتقرب مننا لحد أما كانت شبه قاعدة معانا طول النهار. وأمي عشان طيبة صدقتها وحبيتها جدًا واعتبرتها أختها. بس التانية عملت إيه؟

خدعت*ها وقتل*تها. كانت عينها من بابا أوي، شكله وفلوسه. استكترته على أمي. بدأت تقرب من أبويا وأبويا ما كانش حابب كده لأنه كان بيحب أمي أوي. لما صدها اتضايقت جدًا وغارت من أمي. اتفقت مع الشغالة إنها تحطلها سم عشان تموت، وبعد كده قالت للشغالة إنها هتخفيها بعد الجريمة عشان محدش يعرف طريقها. وفعلاً حطوا سم لأمي. غمض عيونه وبدأ يعيط.

يزن بعياط: ماتت أمي، ماتت قدام عيني وشوفتها بعيوني دول. أبويا بعد موتها اتعذب، بس فوزية بدأت تلف عليه تاني لحد أما بقى مهووس بيها. بقت تضربني وتعذبني وأبويا مبيعملش حاجة وأنا مستغرب إزاي مستسلم كده. لحد أما كبرت وأبويا مات فجأة، بس طلع أبويا كاتب كل حاجة باسمي. فوزية اتجننت إزاي ما ورثتش وأنا اللي خدت كل حاجة. وبدأت تحطلي حبوب هلوسة، وإنتي عارفة الباقي. آآآه، ونسيت أقولك أهم حاجة، كان عندي أخت توأم، بس للأسف اتخطفت ومعرفناش عنها حاجة. وبعد سنتين جالنا خبر إنها ماتت. دي كانت قاضية بالنسبالي واتعذبت كتير أوي على ما فقت من موت أمي وأختي.

تقى بعياط: أنت اتعذبت أوي. يزن: الحمد لله، أنا راضي، وراضي أكتر لأنه عوضني بيكي. أنا بحبك، بحبك أوي. تقى: بس أنا قلبي لسه زعلان منك. أيوه سامحتك بعد أما حكيتلي، بس هو زعلان شوية. يزن: هصالحه. هفضل ورا لحد أما أصالحه. بس إنتي سيبلي نفسك. تقى بكسوف: ماشي. يزن بضحك: حبيبي المكسوف وعامل شبه الطماطم. تقى: بس يا يزن. يزن: يا خرابيي على اسمي وهو خارج من شفا*يفك. تقى بكسوف كبير: يزن.

يزن: افضلي قولي اسمي كتير عشان آكلك دلوقتي. تقى: مش هتكلم خالص. يزن: يبقى أحسن برضه. تقى بصتله بعصبية وزعل. يزن بضحك: بهزر يا رمضان. تقى قعدت تضحك ويزن شاركها الضحك. عند فوزية. فوزية رايحة جاية مش عارفة إزاي حصل كل دا. اتصلت بحسين. فوزية بعصبية: حسين، أوعى تكون خطفت تقى. حسين: لا طبعًا، بحسبك إنتي اللي عملتي كده. فوزية: لا مش أنا، أنا ما كانش في دماغي خطفها، أنا كنت ناوية على حاجة تانية خالص، بس حصل اللي حصل.

حسين: تفتكري مين؟ فوزية: الله وأعلم، بس أوعدك لازم أعرف الحكاية كلها. قفلت فوزية مع حسين وقعدت دماغها هتتفجر من التفكير. جالها تليفون. فوزية: الو، مين؟ أميرة: أنا مدام أميرة يا فوزية هانم. فوزية: أهلاً مدام أميرة، خير. أميرة بتوتر: عايزة أقولك حاجة. فوزية: اخلصي وقولي. أميرة: البنت اللي كنتي جايباها. فوزية ببرود: مالها؟ أميرة بخوف: هربت. فوزية التليفون اترمي من إيديها من الصدمة.