رواية هوسي الفصل الثاني 2 - بقلم امنية ايمن

يزن بصدمة: أنا اللي عملت كده؟ إزاي؟ أنا مش فاكر حاجة. تقى بصراخ: ابعد عني بقى وسيبني. أنا تعبت منك. رجعني لحياتي اللي كانت هادية. دخلت حياتي ودمرتها. منك لله. وقعدت تعيط بانهيار. كل ده ويزن واقف مش فاهم حاجة، ولا فاكر هو عمل إيه، إزاي يعمل كده في حبيبته، واللي سكنت قلبه من أول نظرة. يزن قرب من تقى وحضنها وغمض عينه. تقى زقته وبصتله بكل كره وغل. يزن مستحملش بصتها، ساب الأوضة وخرج. تقى قعدت تعيط ونامت من كتر العياط.

يزن راح عند ملجأه الوحيد، صاحبه عمره فريد. فريد أول ما شافه اتخض من منظره. فريد: يزن مالك؟ يزن بتعب: تعبان يا فريد، تعبان أوي. فريد: ادخل واحكيلي مالك. يزن دخل وحكى لفريد كل حاجة، من أول فوقانه وتقى والدكتور والكلام اللي قالته. يزن: أنا مبقتش فاهم حاجة. فريد: اهدى بس وكل حاجة هتتحل. قوم خد شور ونام شوية. يزن: لا، أنا هروح أقعد على البحر شوية، وهروح أبص على المصنع بتاعي والعمال، وهرجع أشوف تقى.

فريد: خد بالك من نفسك ومن تقى. يزن: حاضر. يزن نزل من عند فريد، فعلاً راح قعد على البحر، وراح المصنع. لاقى شغل كتير، قعد لحد بالليل. وبعدين خد بعضه وراح الفيلا بتاعته. وهو داخل سمع حد بينادي عليه. فوزية بكل صرامة: يزن استنى عندك. يزن أدبر بصلها بكل ضيقة وخنقة. يزن: نعم يا مرات أبويا، خير؟ فوزية بصرامة: البنت اللي فوق دي هتفضل هنا لحد إمتى؟

يزن بعصبية: أولاً مسمهاش بنت، اسمها تقى. ثانياً البيت ده بيتي، أنا أقعد فيه اللي يعجبني واللي ميعجبنيش أطرده برة. طبعاً فاهماني يا فوزية هانم؟ فوزية: فاهماك يا يزن. يزن سابها ودخل مكتبه وقفل عليه. فوزية: حسابك تقل أوي أوي يا يزن، بس أوعدك إنه مش هيتقل أكتر من كده. في المكتب عند يزن، دخلت الخادمة وهي جايباله قهوة. بسنت: القهوة يا يزن بيه. يزن: بس أنا مطلبتش قهوة.

بسنت اتوترت: إني جايباها لحضرتك عشان حضرتك متعود أول ما تيجي تشرب قهوة. يزن: حطيها واخرجي. بسنت: حاضر. خرجت بسنت، ويزن شرب القهوة وطلع ورق من الدرج وراح لتقى. دخل لاقاها مأكلتش حاجة، وأثر الدموع على عينيها. يزن: امضي هنا. تقى بعناد: لا، مش همضي. يزن: وأنا بقولك امضي. تقى: ولو ممضتش هتعمل إيه؟ يزن بصوت عالي: امضيييييييييييييييي. تقى مضت وهي مش فاهمة هي مضت على إيه.

يزن سابها ودخل الحمام. تقى ساندت راسها ولسة هتنام، لاقت اللي بيشدها من شعرها. تقى بدموع: سيب شعري! ااااه! يزن بعصبية وهيجان: إنتي إيه اللي جابك هنا يا بنت الـ***؟ إزاي طلعتي؟ فاهماني؟ أنا هموتك عشان بتعصي كلامي. تقى بوجع: إن إنت اللي جبتني. يزن ضربها قلم: وكمان كذابة! أنا هربيكي من أول وجديد. ومسك تقى ضربها وهي بتصوت. فوزية قاعدة تحت سامعة كل حاجة وبتضحك.

فوزية بضحك: مبروك عليكي الجنان يا يزن. أول خطوة عدت بنجاح. بتدمر حبيبتك بنفسك. تؤ تؤ. صعبانة عليا تقى أوي. لسة يا يزن، اصبر عليا. فوزية تليفونها رن. فوزية: كله تمام وزي ما أنت أمرت يا باشا.