رواية هوسي الفصل الثاني عشر 12 - بقلم امنية ايمن

اتعمل العزا بتاع يزن والكل مش مصدق إن يزن انتهى ومات. فريد مش مستوعب ومش قادر يصدق صاحب عمره راح خلاص، هيشكى لمين؟ هير*خم على مين؟ كل حاجة اسودت قصاد عينه. الحياة فى نظره من بعد يزن ملهاش طعم ولا لون. فوزيه طبعًا السعادة مالية حياتها خلاص، هتورث كل حاجة وهتاخد حقها وهتبقى مالكة كل حاجة. في العزا، فريد واقف بياخد عزا صديق عمره. المحامي: البقاء لله يا فريد. فريد: ونعمة بالله.

المحامي: فريد، كنت عاوزك في حاجة مهمة جداً، وياريت تكون فوزيه هانم موجودة. فريد: حاضر يا أستاذ سعيد. العزا خلص وفريد خده ودخله الفيلا، وكانت فوزيه جوة. سعيد: البقاء لله يا فوزيه هانم. فوزيه بحزن مصطنع: نعمة بالله يا أستاذ سعيد، اتفضل. سعيد قعد. سعيد: إحنا لازم نفتح الوصية. فوزيه وفريد: وصية إيه؟ سعيد: دي وصية يزن باشا الله يرحمه، كان كاتبها قبل ما يموت. فريد: طب اتفضل يا سعيد باشا، افتحها.

سعيد فتح الوصية وقرأها قدامهم. فوزيه بصدمة: يعني إيه الكلام ده؟ سعيد: يعني يزن باشا كتب ربع أملاكه لفريد باشا، وباقي أملاكه للجمعيات الخيرية. فوزيه بزعيق: جمعيات إيه؟ سعيد ببرود: جمعيات خيرية يا فوزيه هانم. فوزيه قامت بكل نرفزة. فوزيه بزعيق وصوت عالي: أنا هخر*ب بيتك، أنا هو*ريك، أنا هخليك متشتغلش، أنا هشرد*ك، وربنا لشردك. سعيد: فوزيه هانم، أنا مقدر حالتك، بس ارجوكِ اهدى.

فوزيه بجنون: أهدى إيه ونيلة إيه، كل حاجة راحت من بين إيديا خلاص، كل حاجة خسرتها للمرة التانية. وبعدين وجهت كلامها لفريد. فوزيه بصويت: إيه، لافيت عليه لحد ما كتبلك ربع أملاكه؟ يا نصاب، اتاريك كنت لازق فيه في الرايحة والجاية، بس أنا مش هسيبكوا وهاخد حقي، سامعين. وطلعت على أوضتها. فريد: أنا بعتذر جداً يا أستاذ سعيد على الكلام اللي قالته. سعيد: متعتذرش يا فريد، أنا مقدر حالتها، ربنا يهديها. أنا لازم أستأذن دلوقتي.

فريد: اتفضل. فريد وصل سعيد لحد عربيته، وبعدين ركب عربيته وراح عند اللي حس معاها بالراحة والسكينة اللي كان بيدور عليها. راح عند جميلة، جميلته اللي حلت حياته وخلت ليها طعم مختلف. فريد دخل الشقة، لاقاها عاملة شعرها ضفيرتين وقاعدة بتتفرج على الكرتون وبتضحك. بص لمنظرها وقعد يضحك على منظرها الطفولي. فريد: جميلتي، أنا جيت. جميلة نطت من على الكنبة وجريت عليه حض*نته. جميلة بطفولة: وحشتيني أوي.

فريد كان محتاج الحضن ده، فضل حا*ضنها جامد وكأنه بيرمي حمله عليها. جميلة سابت حضنه: عمو، مالك؟ فريد بضحك: عمو إيه بس يا بت، بطلي الكلمة دي. جميلة: لا يا عمو، عيب. دادة قالت لي عيب نقول للكبار مننا بأسمائهم. فريد: شطورتي اللي بتسمع الكلام، هجبلك شوكولاتة كتير. جميلة سقفت بإيديها وقعدت تتنطط. جميلة بعفوية: بح*بك أوي. فريد انصدم. فريد بحدة: انتي قولتي إيه؟ جميلة ببراءة: قولت بحب*ك. فريد: عرفتيها منين الكلمة دي؟ انطقي.

جميلة خافت منه. جميلة بخوف: من التليفزيون. فريد بزعيق: مش أي حاجة تسمعيها تقوليها، فاهمة. جميلة بدموع: حاضر. وجريت على أوضتها تعيط. فريد واقف مضايق من نفسه عشان زعلها، بس هي الكلمة اللي قالتها حركت مشاعره جامد وخلت قلبه بيدق بطريقة غريبة، وهو مش حابب الشعور ده، لأنه عارف إنها لا تفقه شيئاً عن الزواج ولا عن أي حاجة. في مكان تاني، بعيد كل البعد عن الناس والمدينة، في أوضة ضلمة. الشخص: مش هتقومي بقى يا مرام؟

انتي وحشتيني أوي. أنا مصدقت لقيتك وخدتك وبقيتي م*لكي. بحبك يا أغلى ما في حياتي.