رواية حرب العشق الفصل الخامس والعشرون 25 - بقلم هاله احمد

فجأه أسر رفع المسدس لفوق وقال بعصبيه: انت اتجننت يا حمزه. حمزه بزعيق وهو بيبعده عنه: لييييييه عملت كده ليييييييه. سيف بزعيق: حمزززززه مينفعش كده انت كنت هتضيع نفسك حرام عليك. امجد بتمثيل الحزن: شوف يا باشا شوف وبرضو مسامح في حقوقي. سليم ببرود: اظن ان مهمتي خلصت كده عن اذنكم. حمزه بجري وراه: انت مجنون ولا اييييه مهمه مين اللي خلصت يا حبيب اخوك ده لسه هتبدأ. أسر بعده عنه وقال: يا حمززززززه احنا في النيابه انت مستوعب.

امجد ببرود: يلا يا عشق تعالي معايا. عشق جريت على حمزه وحضنته وعيطت وقالت: متسبنيش يا حمزه انت قولت انك هتفضل جنبي بالله عليك متسبني. حمزه دمعة نزلت منه غصب عنه وقال: هششششش اهدي يا عيون حمزه مش هسيبك والله مش هسيبك صدقيني. امجد راح عندها وكان لسه هيشدها بس حمزه مسك ايده بعنف وقال بنبرة كلها تهديد: لو فكرت تحط ايدك عليها هقطعها فاهم ولا لا. امجد شد

ايده بخوف منه وقال بتوتر: يا باشا دلوقتي مراتي في حضن راجل غيري قدامك اعمل ايه انا دلوقتي انا استحملت كتير. سيف كان باصص عليهم بحزن وقال: بيودعوا بعض اي في اي مالك. أسر ببرود: بقولك اي يا امجد. امجد: نعام. أسر بص حواليه وقال: مش ملاحظ ان سليم سابك ومشي. امجد اتخض جدا وبص حواليه لقى فعلا ان سليم سابه ومشي قال بخوف وتوتر وهو بيرجع لورا: بقولكو اي اللي هيفكر يأذيني هروح فيها في داهية انا بتحامى في الحكومه.

وراح ناحية سيف وقال: احميني يا باشا احميني. بس سيف بعد عنه وقال: هسيبلك المكتب 10 دقايق يا حمزه تكون خليته يعترف بكل حاجة. امجد بصدمة وحمزه ضحك بسخرية وراح عنده وقال: مفكر ان حد هيحميك مني ده انت لو رجعت بطن امك تاني هجيبك برضو. اسر بضحك: لا وكان بيتحامى في سليم وجاي يفرد عضلاته علينا. عشق فرحت من جواها وقالت في نفسها: يارب خليك معايا. حمزه شد كرسي وقعد قدامه وحط

رجل على رجل وقال ببرود: ها يا امجد هنعترف بكل حاجة ولا لا. امجد بارتباك: لا مش هعرف بحاجة. أسر بسخرية: اممممم بقول اي يا حمزه احنا نتصل بأدهم الي واقف قدام بيت امجد عند امو واختو واخوه الصغير ونقولو يجبلنا امو تشوف ابنها الحلو كده واهي بالمرة تعترف بأسم ابنها وحقيقته كلها. عشق شهقت بصدمة وقالت: اختو وامو اخوه دول فين دول ده كان قايل لي انو ملوش حد. حمزه ضحك بسخرية وقال: اهي كذبة من ضمن اكاذيبه الكتيررر اوووووي.

امجد نزل عند رجل حمزه وقال برجاء: هعملك كل اللي انت عاوزه بس بلاش ارجوك امي واخواتي ابوس رجلك بلاش. حمزه بعده برجله وقال ببرود: تمام يبقا اتفقنا. أسر راح جاب سيف. سيف: هاا كلو تمام. حمزه: عيب عليك تقول كده والله وانت معاك الرائد حمزه الفيومي. سيف بضحك: مكنش فيه شك واحد في الميه يا صاحبي والله. امجد وقف واعترف بكل حاجة. سيف: عاوزين اوراق تثبت صحة كلامك يعني بطاقتك الحقيقة وشهادة ميلادك وكمان شهادة الوفاة المزيفة.

امجد: كل ده في بيتي العنوان ****** في دولاب اوضة الاطفال. أسر: هروح انا عشر دقايق وهكون هنا. وبالفعل أسر مشى. عشق بفرحة: انا مش مصدقة نفسي يا حمزه بجد. حمزه بابتسامة تخطف القلب: قولتلك مش هسيبك حتى لو على مو*تي يا عشق. وبعد شوية وصل أسر ومعاه كل الاوراق اللي تثبت صحة كلام امجد. سيف: تمام كده قررنا نحن سيف احمد وكيل نيابة الاهرام ان يتم حبس امجد محمد حسام اربع ايام على ذمة التحقيق. لتزيف مو*ته وتزيف هو*ية.

عشق بفرحة: الحمدلله يااارب الحمدلله. حمزه قام حضن أسر وقال: اخويا والله العظيم. أسر: تحت امرك يا حمزه انت اخويا. حمزه: طبعا كده جوازي مفهوش حاجة وتمام صح يا سيف. سيف: اكيد يا حمزه يلا طير انت بقى وعاوزك تعزمني انا والمدام قريب عندكوا ها. حمزه بضحك: بس كدااا حاضر. حمزه اخد عشق وراحوا على الفيلا.

عدى اسبوع على ابطالنا ومفيش حاجة جديدة في حياتهم غير ان حمزه طول الوقت جنب عشق وبيحاول يخفف عنها تعبها وكل اللي حصلها الفترة اللي فاتت وعشق الصغننة بقى اسمها عشق حمزه الفيومي رسمي. وكل يوم حمزه وعشق بيقربوا اكتر لبعض وكل يوم كان بيزيد كرهه وحقد شروق اكتر واكتر لعشق. عشق بحب: جهز العربية يا حمزه عاوزه اروح مشوار. حمزه قام بسرعة وقال: عيوني يا حبيبت حمزه.

ونزل وهيا قامت جابت شنطة وجهزت فيها شوية حاجات واخدتها وطلعت من اوضتها. صفاء بضحك: خدي راحتك وملكيش دعوة بعشق الصغننة انا هاخد بالي منها. عشق باحراج: ماشي حاضر بحبك يا صوفي. صفاء بغمزة: انا مش عاوزاكي تحبيني انا. عشق ضحكت وقالت: حاضر. ونزلت لحمزه. حمزه استغرب من الشنطة اللي معاها وقال: اي دا. عشق بتوتر: ملكش دعوة. حمزه: حاضر عاوزه تروحي فين يا ست البنات. عشق: عاوزه نروح الشقة اللي كنت وديتني فيها غصب عني دي فاكرها.

حمزه بستغراب: اشمعنى. عشق: اصل عاوزه اهدي اعصابي شوية من كل اللي حصل ده. حمزه بستغراب: حاضر يا حبيبتي. عشق: عاوزين نعدي على سوبر ماركت نجيب شوية حاجات عشان الاكل وكده. حمزه: عيوني. وصلوا بعد ساعات وعشق نزلت واخدت الشنطة وحمزه نزل وراها وهو مستغرب ومش عارف اي اللي بيحصل. عشق دخلت نضفت الشقة وكمان جهزت اكل وحمزه كان بيساعدها بكل حب. عشق بتوتر: بقولك اي يا حموزتي. حمزه بضحك: نعم يا عيون حموزتك.

عشق: عاوزه تنزل تجبلي بيبسي عشان نسيت. حمزه: بتهزري صح ده اقرب سوبر ماركت هنا هيكون بعيد عن هنا بنص ساعة ومش هقدر اسيبك هنا لوحدك. عشق اخدت منه الاطباق اللي كانت في ايده وقالت: يلا بقا اخلص. حمزه: حاضر يستي عاوزة حاجة تانية. عشق: ممكن شوية شيبسي على شوكولاتة وكده يعني. حمزه برفع حاجب: ده انتي داخلة على طمع بقا. عشق بضحك: يلا بقا يا رخمة. حمزه طبع بوسة رقيقة على خدها ونزل.

عشق جريت طلعت الحاجة اللي في الشنطة وكان فستان اسود رقيق طويل وليه فتحة ضهر طويلة وميكب وبرفيوم وسلسلة رقيقة وبسيطة خالص. دخلت اخدت شاور وطلعت لبست الفستان وفردت شعرها الاسود الطويل وحطت ميكب سيمبل خالص وكأنها اميرة هربانة من ديزني. وطلعت جهزت الاكل مع جو هادي وجميل وقعدت تستنى حمزه. بعد شوية وصل حمزه واتفاجأ من شكل الاكل الجميل والجو التحفة ده وفجأة طلعت عشق من الاوضة بخطوات بطيئة. حمزه شهق بصدمة وقال: عشق.

عشق قربت منه وحمزه غمض عينه مستمتع برائحة البرفيوم بتاعتها فتح عينه ببطء وقال: اي الجمال ده اي القمررررر ده. عشق بكسوف: بجد. حمزه قرب منها وحضن وشها الصغنن بكف ايده وقال: مفيش اجمل من كده حقيقي مفيش اجمل منك في الدنيا دي كلها يا عشق. عشق بعدت بكسوف وقالت: طب يلا عشان تاكل. حمزه ضحك بسخرية وقال: اكل اي بقااا. عشق بصدمة: حمزه نزلني. حمزه بضحك: هشششش. عشق بكسوف: حمزه استنى بس. حمزه بحب: بحبك.

وادخلوا الاوضة وحمزه حطها على السرير بهدوء وبدأ يقرب منها وووو. الصبح تشع اشعة الشمس الدافئة الجميلة كان نهار لذيذ ومختلف عن اي نهار تاني عدى في حياة حمزه وعشق. حمزه فتح عينه ببطء وحس بحاجة تقيلة على صدرو بص وابتسم تلقائي لما لقى عشق في حضنه ونايمة بعمق وهدوء. حمزه زاح شعرها وفضل يتأملها بحب. وقال: ياااااه اخيراااا يا عشق بقيتي ليااا وجنبي وفي حضني دلوقتي ده حلم ولا حقيقة.

قطع لحظتهم الجميلة دي اتصال على تليفون حمزه بص لقى صفاء. حمزه: اي يا حبيبتي. صفاء بدموع: الحقني يا حمزه انا مش لاقية عشق كانت نايمة جنبي وصحيت ملقتهاش وقلبت الدنيا عليها انا خايفة يا حمزه ليحصل زي اللي حصل لاختها. حمزه بصدمة: اقفلي انا جااااي حالاااا.