رواية حرب العشق الفصل الحادي والثلاثون 31 - بقلم هاله احمد

أدهم بفزع قال: أصلو كان بيهددني وكان عاوز يديني فلوس علشان أهربو، بس أنا موافقتش طبعًا. حمزة بزعيق: تيجي منك أنت يا أدهم يا صاحبي يا أخويا، الكذب مش هيفيدك دلوقتي خلاص، إحنا عرفنا كل حاجة. أدهم بعصبية: يا حمزة صدقني أنا معملتش حاجة. وبس قبل ما يكمل كلامه دخل مجموعة عساكر وضابط واللواء طارق. أسر وحمزة وقفو باحترام وألقوا التحية. اللواء طارق: أنت متحول للتحقيق يا ملازم أدهم. أدهم بصدمة: بس يا فندم. طارق بمقاطعة:

خودوه من قدامي. والعساكر أخدوه، كل ده تحت نظرات أسر وحمزة اللي كانوا زعلانين أوي على صاحبهم اللي راح. طارق بابتسامة: خد أقوال سليم يا حمزة، ولما يشد حيله شوية هاتوه بنفسك المركز. حمزة باحترام: تحت أمرك يا فندم. طارق طبطب عليه وقال: متزعلش يا ابني، والله أنا مستغرب، إنتو إخوات إزاي فرق السما والأرض، والله يلا يا بطل ربنا يعينك واقفل القضية دي علشان تستلم قضية تانية مهمة. حمزة وهو بيحاول يداري حزنه: حاضر يا فندم.

طارق سابهم ومشى. وحمزة قرب بخطوات بطيئة عند سرير سليم واتكلم بقوة مزيفة: تحب نبدأ دلوقتي ولا نسيبك ترتاح شوية لو تعبان؟ سليم: لا يا فندم، أنا كويس. حمزة وهو بيحاول يداري حزنه على قد ما يقدر: تمام، نقدر نبدأ. وبدأ معاه تحقيق، بس كان كل شوية يسكت ويتلخبط في الكلام، ما هو بيحقق مع أخوه الكبير. أسر حس بحزن حمزة، راح جنبه وحط إيده على كتفه وقال:

شد حيلك يا صاحبي، أنت قوي يا حمزة وهتقدر تكمل كل حاجة، ولو مش قادر تكمل دلوقتي ممكن ناخد خمس دقايق. حمزة قام بسرعة وقال: آه، أنا بقول كده برضه، هاخد خمس دقايق، خد بالك منه يا أسر. أسر: حاضر يا صاحبي، متقلقش. حمزة طلع يجري من الأوضة على الأوضة اللي فيها عشق، أو نقدر نقول طلع يجري على مصدر راحته وأمانه، واللي هتشيل حزنه بكل هدوء ورحمة. عشق بخضة: حمزة، أنت كويس؟ حمزة قعد على الأرض قدامها وقال بنبرة كلها حزن:

ممكن أنام على رجلك شوية. عشق بقلق: أكيد يا حبيبي، قرب. حط راسه على رجليها وبدأت دموعه تنزل، ولاول مرة قدام عشق. عشق حس بدموعه وهي بتنزل على إيديها، نزلت بسرعة على الأرض جنبه، ورفعت وشه ليها، وتتفاجأ بعيونه الجميلة حمرا جداً وماليها الدموع. قالت بلهفة: حمزة حبيبي، أنت بتعيط؟ حمزة اترمي في حضنها وفضل يعيط بصوت مسموع زي الأطفال وقال:

أخويا يا عشق، أخوياااا، أنا اللي هوديه السجن بإيدي، أخويا الكبير اللي كان مفروض نكون في ضهر بعض، أنا هوديه السجن يا عشق، مش قادر حتى أكمل معاه تحقيق، مش قااااادر. عشق دمعت وشدته لحضنها أكتر، كأنها بتعتذرله عن قساوة القدر معاه. قالت بكل حنية وهدوء:

حمزة، أنت قوي وقدها يا بطلي، أنا عارفة إن ده شيء فظيع جداً ومحدش يتحمله، بس ده نصيب وده عقابه، ولازم ياخده يا حبيبي، أنت حتى لو حميته من القانون مش هتقدر تحميه من ربنا، لازم يتعاقب في الدنيا أحسن من الآخرة يا حمزة. حمزة بحزن: أنا تعبااااان أوي، تعباااان، أخويا وأمي راحوا يا عشق، مبقاش ليا غير أخواتي البنات. عشق بحب: وأنا وعشق الصغننة، كلنا جنبك يا حبيبي. وبعدته عنها ومسحت دموعه وقالت:

مش حمزة الفيومي اللي يبقى بشكل ده، استجمع قوتك يلا وقوم يا حبيبي يلا، أنا عارفة إنك قدها. حمزة بحب: متشكر لوجودك يا عشق. عشق بابتسامة: أنا دايماً جنبك يا حمزة. وقام من مكانه وطبع بوسة على إيديها وسابها ومشى. عشق بحزن: ربنا يعينك يا رب يا حمزة. في الفيلا عند صفاء وجميلة. صفاء كانت بتصرخ بكل قوتها. جميلة بدموع: اهدي يا صفاء علشان خاطري، اهدي. صفاء بعيون كلها حزن:

أخويااااا وأمي والبنأدم الوحيد اللي حبيته، كلهم…. كلهم خاينين يا جميلة، كلهمممم. جميلة شدتها لحضنها وقالت: علشان خاطري اهدي، عشان متتعبيش، وحياتي عندك. صفاء بدموع: مش قادرة يا جميلة، مش قادرة، حاسة إن في ناااار جوا قلبي، ناااار مش عاوزه تتطفي. جميلة بعدتها عن حضنها وحضنت وشها بإيديها وقالت بقوة:

إحنا هنفضل في ضهر بعض، إحنا مش هنقع، لازم نكمل ونبقا جنب حمزة، وكفاية علينا وجود حمزة، وبنسبة ل سليم ولماما ف هما يستاهلو، دول غلطوا ولازم يتعاقبو يا صفاااء، لازم نبقا أقوى من كده، علشان إحنا بناخد القوة من بعض، فاهمة. صفاء بصتلها بحب وقالت: ما شاء الله عليكي، كبرتي يا جميلة. وشدتها لحضنها وقالت: صح، عندك حق. تسريع الأحداث بعد أسبوعين. كان حمزة قاعد على السفرة هو وصفاء وجميلة وعشق وأسر. أسر بضحك:

مين اللي عامل البيض الجامد ده؟ جميلة بمرح: أنااااا، أناااا، حلو صح؟ أسر بحب: حلو بس، ده قمر ده، سكر. حمزة بص لهم وقال: احم، اطفحوا وانتو ساكتين. عشق بضحك: حمزة حرام عليك. صفاء بابتسامة: عشق، قولتي لحمزة ولا لسه؟ حمزة بص لهم وقال: قالتلي إيه؟ في إيه؟ أسر بضحك: أقول أناااااا. جميلة بزعل مصطنع: لا اسكت يا أسر، ونبي أقول أنا يا عبلة عشق. حمزة باستغراب: ما شاء الله، كلكو عارفين إلا أنا. عشق بارتباك:

بس اسكتوا كلكم، يخربيتكو. فجأة حد دخل وهو بيسقف وشايل بلالين كتير. أسر بضحك: أهو زين اللي هيفضحك من غير ما حد فينا يتكلم. صفاء بضحك: مجنون البنأدم ده والله. عشق: يا ريتني مقولتلك يا خالتي. زين بضحك: حموزتي، أنت فييييين. حمزة برفع حاجب: متظبط نفسك ياض، في إيه. زين مال عليه وقال: كده بتفطر من غيري. حمزة بابتسامة: لا طبعاً، عيب عليك. وفجأة حمزة طلع مسد*سو وصوبه ناحيته وقال:

اقعد ياض ومش عاوز أسمع صوتك، أما أشوف بنت خالتك مخبية عليا إيه. زين بضحك: حاضر حاضر.. أقول أنا يا عشق. جميلة بسرعة: لااا، أنا اللي هقول. أسر بغيره: هشششش، مش عاوز أسمع صوت. حمزة قام من على السفرة وخبط عليها بعصبية وقال: بسسسسس، مش عاوز أسمع صوت حد فيكم، فااااهمين. وشد عشق وطلع على أوضتهم. جميلة بزعل مصطنع: كان نفسي أقوله أنا. أسر بابتسامة: بقولك إيه. جميلة: إيه. أسر بحب: أنتِ جميلة أوي كده ليه النهاردة. جميلة بزعيق:

يا حمزة ياااا حمزة. أسر بخضة: هشششش، اسكتي، الله يخربيتك، هتوديني في داهية، اسكتي. صفاء بضحك: تستاهل يا أسر يا حبيبي. زين بغيره: طب بس متقوليش حبيبي. صفاء: وأنت مالك يا أخ. زين بتمثيل الصدمة: يالهوي، بتقوليلي كده يا صوفي. صفاء ببرود: أوعى من وشي، أوعى. زين بضحك: اتقلي براحتك، أنا عارف شغل البنات ده، عارف. أسر شد زين وقال: يلا. زين باستغراب: يلا فين. أسر: يلا، بس وأنا هقولك في الطريق. واخدهم ومشى. جميلة بفرحة:

أحسن، إن كلهم قاموا علشان أعرف آكل براحتي. صفاء بزعيق من أوضتها: يا جميييييلة، تعالي شيلي عشق شوية، أنا مش قادرة. جميلة وهيا بتقوم: مش هعرف أتهنى على اللقمة، كتكم القر*ف، حااااااضر، جايه يا عشقي. فوق عند عشق وحمزة. عشق بخوف وهيا بترجع لورا: بقولك إيه يا جدع، أنت متقربش. حمزة شدها لحضنه وقال: اممم، مخبية عليا إيه. عشق بزعل مصطنع: أنا شايلة منك يا حمزة. حمزة باستغراب: ليه بس كده يا حبيبتي، أنا عملت حاجة تزعلك.

عشق بضحك: لا، أنا شايلة منك فعلاً. حمزة عقد حواجبه وقال: مش فاهم حاجة. شدت إيده وحطتها على بطنها وقالت: أنا حامل يا حمزة. حمزة بص لها بصدمة ووو.