رواية حرب العشق الفصل الرابع والثلاثون 34 - بقلم هاله احمد

حمزه نزل من العربيه بعصبيه وقال بزعيق: انتي أي اللي فكرك بينا بعد السنين دي كلها أي اللي جابك تااااني نزلو وراه عشق ويونس وقالو بطفوله: بابي بتزعق ليه شروق بصتلهم ببتسامه وقالتلو: الولد يبقا ابنك اماال عشق تبقا بنت. كتم بوقها بسرعه بكف ايدو وشدها بعيد وقال بعصبيه: انتي اتجننتي انتي عاوزه توصلي ل ايه يا بت انتي شروق بدموع: أنا عاوزه أشوف عشق بس والله عاوزها تسامحني حمزه بصلها بسخريه وقال: وبعدين في دموع التماسيح دي..

شروق بصدق ودموع: صدقني والله يا حمزه أنا عاوزه أقابلها علشان تسامحني أنا مسافره والله معاد طيارتي بعد 3 ساعات بالظبط يعني مش هتشوف وشي في البلد كلها متقلقش حمزه حس بصدق كلامها وقال ببرود: ماشي بس إن مسمحتكيش تمشي من سكات لأن عشق حامل وفي شهورها الأخيرة ومش هتتحمل أي حاجه ولا أي عصبيه فاهمه شروق مسحت دموعها بفرحه وقالت: حاضر والله متقلقش يا حمزه.. ودخلت تجري ع جوا وحمزه أخد عشق ويونس ومشي..

شروق دخلت بخطوات بطيئه وخوف من ردت فعل عشق… جات الخادمه وقالت: عاوزه مين يا ست شروق: عاوزه عشق الخادمه: ااه الهانم في الجنينه هيا والست الكبيره شروق ببتسامه: طيب شكرا ودخلت ليها وعشق لمحتها وقالت بصدمه: شروق شروق قربت وقالت بدموع ورجاء: سامحيني بالله عليكي يا عشق أبوس إيدك سامحيني إنتي كنتي صاحبتي الوحيده.. عشق قامت من مكانها وقالت بعصبيه: إنتي أي اللي فكرك بينا تاني يا شروق عاوزه مني أييييه

شروق بدموع: عاوزاكي تسامحيني وتنسي وأنا والله ما هتشوفي وشي تاني عشق بدموع وانفعال: لا امشي ومش عاوزه أشوف وشك تاني ومش مسامحاكي ساميه بستغراب: في أي بس يا عشق يا بنتي عشق: مفيش يا ماماا شروق بصتلها بصدمه وقالت: دي مامتك عشق: ملكيش دعوه اتفضلي بقا من غير مطرود شروق بدموع: حاضر يا عشق أنا همشي أنا مسافره لندن كمان 3 ساعات وصدقيني مش هتشوفي وشي تاني أنا آسفه ولفت وشها ومشيت بس عشق لحقتها وقالت: شرروق

شروق لفت وشها بسرعه وقالت: نعم عشق فتحتلها حضنها وقالت بدموع: مش معقوله هتسافري من غير ما تودعيني شروق جريت عليها بدموع وحضنتها وقالت: حقك عليا يا عشق كنت عارفه إن قلبك الطيب مش هيزعلني ولا هيخذلني.. عشق ببتسامه: خلي بالك من نفسك شروق: حاضر وسبتها ومشيت.. ساميه: هيا مين دي يا بت يا عشق

عشق وهيا بتمسح دموعها: دي قصه طويله يطول شرحها يا أمي المهم جاهزه لحفله مريم وتميم النهارده والله الواحد ما مصدق إن عدى على البنت بنتهم سنه.. ساميه بضحك: طبعًا جاهزه ده أنا جبتلها هديه قمررر قاطع حديثهم دخول زين وصفاء وهما ييزعقو.. صفاء: قولتلك أنا مش هدخل بنتي غير المدرسه دي يا زين زين بزعيق: وأنا هجبلك 20 ألف جنيه منين في الشهر يا مدام صفاء صفاء بانفعال: ماليش دعوه اتصرف يا أخويا زين بصدمه: احيييه بعد االبت دي

وأخوكي إزاي معلش عشق بضحك: أهو هنبتتدي بقا زين: تعالي شوفي أخت جوزك يختي مستعجله على خراب بيتي بدري صفاء بصتلو من فوق لتحت وقالت: خراب أي دول 20 ألف جنيه زين بصلها بصدمه وقال: يالهوووووووي حد يلحقني منها يجدعان ده بتتكلم ع الـ 20 ألف جنيه كأنهم 20 جنيه تعالي الحقيني يامااااا صفاء ضحكت غصبن عنها وقالت: مجنون والله زين ببتسامه: مجنون بيكي يا روح قلبي صفاء بحب: بحبك يا زين الرجال زين: أنا أكتر والله يا صوفي

صفاء ببرود: بس ده مش معناه إني مش هدخل بنتي المدرسه اللي أنا عاوزها زين برجاء: ارحميييييي أمي ارحمييييني عشق وساميه ضحكو عليهم.. عشق بضحك: خلاص بقا يا جماعه ده انتو مجانين زين: أنا قايم ماشي لأن تميم عاوزني أجهز معاه شويه حجات كتكم نيله كلكم عشق حدفتو بالكوبايه وهو طلع يجري.. صفاء بزعل مصتنع: يا خساره مجتش فيه عشق بصتلها بصدمه وقالت: بتحبيه أوي بخربيت حبك صفاء بضحك: عيب عليكي ساميه: أنا قايمه أرتاح شويه وجعتولي دماغي

عشق بضحك: ماشي يا ماما صفاء: عامله أي في الحمل يا حبيبتي عشق ببتسامه: الحمدلله يا روح قلبي طمنيني إنتي عنك عامله إيه ورجلك لسه بيجي الوجع ده صفاء بحب: لا الحمدلله أنا مش عارفه أقولك إيه يا عشق والله لو أختي مش هتعمل اللي عملتيه معايا ده ووقفتك جنبي طول السنين دي عشان أرجع أمشي على رجلي والحمد لله رجعت أمشي من تاني ربنا يخليكي ليا يارب عشق ببتسامه: إنتي أختي يا صوفي وأنا بحبك أوي والله وبعتبرك أختي ربنا يعلم

قاطع حديثهم دخول جميله وهيا بتزعق.. جميله: ااااه يا كلااااب قاعدين من غيري عشق بضحك: المجنونه بتاعتنا جات صفاء: وربنا لسه جايه وراحت سلمت عليهم.. عشق: أمّال فين أسر جميله بزعل: راح لتميم عشان محتاجو معاه عشق بقلق: إنتو اتخانقتو تاني جميله: اااه صفاء: أكيد عشان الموضوع إياه عشق: يا بنتي حرام عليكي أسر بيحبك والله

جميله بدموع: منا عشان بحبو عاوزاه ميتحرمش من نعمه الخلفه واديكي شايفة بقالي 4 سنين متجوزاه ومفيش أمل والدكتوره قالت إن مفيش أمل اطلاقاًااا عشق بحنيه: ربنا قادر ع كل شيء يا جميلتي قومي بقا يلا عشان نلبس الحفله مش فاضل عليها كتير وقامو كلهم… عشق لبست فستان سماوي لون عيونها واسع وبطنها بارزه نوعا ماا فردت شعرها الطويل ع ضهرها حطت ميكب سيمبل هادي خالص..

صفاء لبست فستان أسود فيه خطوط بيضه لامعه هاديه ولبست طرحتها وحطت ميكب هادي.. جميله لبست فستان أحمر طويل وفردت شعرها وحطت ميكب جرئ نوعا ماا… قابلو بعض ع السلم وقعدو يمدحو في بعض.. عشق: حمزه بعتلنا العربيه وكمان يونس وعشق لبسو عند مريم وكمان حمزه جميله: أسر برضو أخد بدلته عشان قال مش هعرف أرجع تاني البيت صفاء بضحك: أنا جوزي الوحيد الذكي فيكم لانو لبس من قبل ما الحفله تبدأ اصلا

ساميه جات من وراهم: خلصتو منك ليها يلا عشان هنتاخر.. ونزلو ركبو العربيه ومشوا.. عند تميم في الفيلا بتاعتو.. حمزه باهتمام: يا تميم أنا قولتلك لو الترابيزه دي جات هنا هتبقا أحلى زين: وأنا قولت نفس الكلام والله حمزه: بذمتك يا أسر مش كده أحلى أسر مكنش معاهم خالص وكان واقف بس حمزه لاحظ ده وقال: طب بقول أي يشباب اعملو الترابيزه ع ما أجي يلا تميم: ماشي حاضر يا عم واخد أسر وبعدو شويه عن الدوشه.. حمزه بستغراب: في أي يا أسر

أسر: مفيش يا صاحبي حمزه: متقول ياض في أي هو أنا أول مره أشوفك إنت اتخانقت مع جميله تاني أسر بزعل واضح: هيا ليه مش قادره تفهم إني عاوزها هيا بس ومش عاوز أطفال ولا حاجه هيا بنتي والله وكل اللي على لسانها لو عاوز تتجوز اتجوز أنا مش همنعك والموضوع ده حاطت حاجز كبير بينا كل لما أجي أقرب منها تبعد عشان حاسة إن فيه حاجة ناقصة وحاطة حدود بيني وبينها.. حمزه: أهدى يا صاحبي وسيبها عليا روّق بقاااا

والبنات وصلو وكانو الشباب واقفين بيرتبو كل حاجة وكلهم سابو اللي في إيديهم بصدمه… حمزه باعجاب: ينهار جمااال أسر بحب قرب من جميله وقال: جميله فعلاً زي اسمك يا جميلتي جميله بزعل: شكرا أسر بصلها بخنقة وقال: العفو زين بضحك: الأسود يليق بيك ي قمررر والله صفاء بتكبر مصتنع: ده أكيد يعني حمزه بحب: أي الجمال ده يا عشقي يخربيت أم جمالك عشق بكسوف: حمزه بس بقا الله حمزه بضحك: إنتي لسه بتتكسفي مني يا عشقي

عشق بصتلو ببتسامه وطلعت لمريم.. مريم بصراخ وفرحه: عشقييييييي عشق بضحك: اااه يا مجنونه مريم: أي الجمال ده يولا عشق بضحك: حياتي إنتي أجمل أمّال فين عشق وحمزه مريم: تحت بيلعبو عشق: ماشي ونزلت عشق ليهم.. عشق ويونس طلعو يجرو ع مامتهم.. عشق ببتسامه: فستاني حلو يا مامي صح يونس بمشاغبه: لا أنا بدلتي أحلى عشق طلعت لسانها وقالت: لااا بتاعي طويل وجميل وكمان فيه ورد وانت لااا يونس: يا مامي مش أنا بدلتي أحلى

عشق: بس بس إنتو الاتنين إنتو الاتنين قمرر يا حبايبي ربنا يخليكو ليا يارب وحضنتهم .. وبدأو العيد ميلاد في جو جميل ومليان بسعاده وجامع كل العيله… بعد شويه.. حمزه: جميله أسر روح وبيقول إنو تعبان أوي بس مرضاش يقولك عشان تكملي سهرتك جميله بخضه: تعبان مالو وروح امتى حمزه: بقاله شويه روحي يلا الحقيه.. جميله قامت تجري وركبت العربيه ومشيت.. عشق: إنت كدبت ليه يجدع إنت

حمزه بضحك: هعمل أي طيب هيا دي الطريقة الوحيدة اللي هتقربهم من بعض تاني.. عشق بوجع: حمزه أنا تعبانه حمزه بقلق: في أي اوعي تقولي إنك بتولدي عشق بصراخ: اااااااااه بولد ااااه الحقووووني كلهم قامو بسرعه وحمزه شالها وجري ع العربيه والباقي أخدو عربيتهم وراحو وراهم.. عند جميله طلعت البيت بسرعه بس سمعت صوت أسر وهو بيقول بوجع: ااااه يارب مش قادر جميله جريت عليه لقيتو نايم ع السرير قالت بقلق: أسر مالك نروح المستشفى طيب أسر

قام من مكانه بتعب وقال: ملكيش دعوه إنتي.. انتي مش كرهتيني. جميله مسكت دراعه وقالت: اسر إيه اللي إنت بتقوله ده، ارجوك اقعد طيب علشان ما تتعبش. اسر شد دراعه من إيديها وقال: متلمسنيش لو سمحتي. جميله بصدمة ودموع: إنت بتقول إيه، إزاي ما ألمسكش يعني. اسر: زي ما سمعتي. جميله: لا طبعًا، إنت حقي وجوزي والمسك زي ما أنا عايزة. اسر شدها من دراعها وقال بنبرة هادية: اشمعنى إنتي مش حقي، اشمعنا إنتي كل يوم بترفضيني، ها، ردي عليا.

جميله بسرحان في عيونه: أنا، أنا. اسر قاطعها ببوسة تعبر عن الحب والاشتياق ليها، قال بنبرة مليانة حب وحنان: وحشتيني يا حبيبتي. جميله بدموع: وإنت كمان أوي والله. اسر بدأ يقرب منها، فتح لها سوستة الفستان ووو. حمزه في المستشفى. كان رايح جاي وقلقان أوي، وكانوا كلهم موجودين. عشق بدموع: بابي، مامي فين. حمزه: متقلقيش يا حبيبتي. مريم: تعالي معايا يا عشق، بابي مش مستحمل حاجة دلوقتي. وبعد ساعات

طلع الدكتور وقال بابتسامة: مبروك، جالكم بنوتة زي القمر. حمزه بقلق: مامتها كويسة، عشق. الدكتور: متقلقش، كويسة الحمد لله. كلهم بصوا لبعض بفرحة، وحمزه سند راسه على الحيطة بارتياح. وبعد شوية طلعت عشق لأوضة عادية. كلهم كانوا جنبها في الأوضة مستنيين إنها تفوق بفارغ الصبر. وبعد ساعة وشوية من الوقت فاقت عشق. عشق بتعب: حمزه. سامية بفرحة: فااااقت، فااااقت. حمزه

قام يجري عليها بفرحة وقال: حمد الله على السلامة يا حبيبتي، الحمد لله إنك بخير. عشق بتعب: حمزه، البنت كويسة. حمزه بابتسامة: الحمد لله يا حبيبتي. وفجأة دخل اسر وجميله بجري. جميله بعصبية: اخص عليك يا حمزه، ليه ما تقولناش يعني. اسر: حيوان بقا، هتقول إيه. حمزه غمزله وقال: الحق عليا، ما كنتش عاوز أقطع الجو الجميل ده. اسر: احم، حمد الله على السلامة يا عشق، ربنا يقومك بسلامة. وعشق الصغيرة ويونس طلعوا يجرو على عشق.

حمزه: بهدوء، بهدوء يا أبطال علشان ماما لسه تعبانة. وقعدوا كلهم سوا وفرحوا بتالا جدا بنت عشق وحمزه. والبنات فضلوا معاها علشان ياخدوا بالهم منها. زين: يلا يا جماعة ناخد صورة جماعية كده، يلا. كلهم بصوت واحد: يلااا. ووقفوا جنب بعض، وعشق كانت نايمة على السرير وواخدة تالا في حضنها. واخدوا الصورة. وبعد شهرين كان الكل متجمع على السفرة في فيلا حمزه. كانوا قاعدين في جو دافي وهادي وجميل.

جميله قامت وقفت وقالت: يا عائلتي الجميلة، عندي خبر أجمل وأجمل. كلهم بصوا ليها باهتمام وفضول. اسر باستغراب: إيه يا حبيبتي. جميله بفرحة: أنا حااامل. اسر بعدم تصديق قال: بتكلمي جد. جميله بدموع: أيوه والله، أنا حامل. جميله بابتسامة: شكراً لوجودك يا عشق، إحنا بجد محظوظين بيكي والله، دايماً كنتي بتصبريني وبتفضلي جنبي. عشق بحب: إنتي زيك زي مريم بالظبط، ربنا يعلم، ربنا يكملك على خير يا روح قلبي. حمزه مال على عشق

وهما قاعدين جنب بعض وقال: اللمة دي كلها ما كانتش هتبقى موجودة لو إنتي ما كنتيش موجودة، بشكر الظروف والأيام اللي جمعتنا، كانت حرب يا عشق بس قدرت أتخطاها كمحارب عظيم عاوز يكسب معركته، ومعركته دي كانت إنتي. عشق بضحك: إزاي بقا حرب إيه. حمزه بابتسامة ساحرة: حرب عشقك، حرب العشق يا عشقي. عشق بابتسامة: بحبك يا بطلي.