رواية حرب العشق الفصل الثالث والثلاثون 33 - بقلم هاله احمد

ساميه بشعور مختلط بين الفرحه والزعل: بجد طلقني يا أسر، سامر طلقني. عشق بصت لحمزه بلهفه وقالت: حمزه بجد سامر طلع من حياتنا. حمزه بابتسامه: أنا وعدتك يا عشق إني هطلعه من حياتكم. زين بضحك: شوفتي بقا يا خالتي ضهرناااا اتحماااااا ضهرنااا اتحماااااا. والله أهو دي ميزة إن جوز بنتك رائد قد الدنيا طلقك في يوم واحد. ساميه بدموع: أنا مش عارفه أشكرك إزاي يا حمزه يا ابني، والله مش عارفه أقولك إيه.

حمزه بابتسامه: متقوليش حاجة يا ست الكل. ريم جات هيا وتميم وفي إيديها الكيكة وقالت بمرح: عملتلكو أحلى كيكة من إيديا. حمزه بضحك: الله يسترها بقا ومنروحش المستشفى. عشق خبطتو بخفه في دراعه وقالت: متقولش ع أختي كده يا حمزه بيه، ده أختي قمر وكل حاجة بتعملها قمر زيها. ريم بضحك: أختي والله العظيم اللي رافعة من معنوياتي دايماً. تميم: أنا ساعدتها على فكرة، يعني المفروض تشكروني معاها.

زين بفرحه: أهي صفاء أخيراً نزلت نورت معانا أهي. صفاء برخامة: أنت إيه اللي مقعدك عندنا، هو أنا كل ما أنزل ألاقيك في وشي؟ زين بعيون كلها حب: هتلاقيني في وشك دايماً يا صوفي. صفاء بتوتر: احمم، منور يخويا، منور. زين: أمال فين جميلة يا صوفي. صفاء: بتقول إنها مصدعة شوية وهتنام. أسر بخوف ولهفه: ليه مالها؟ طب أقوم آخدها لدكتور. حمزه بصّله باستغراب وعيون حادة. زين مال ع أسر وقال بصوت واطي: اهدى يا عم ع نفسك، هتفضحنا.

أسر بتوتر: ااه طيب، هقوم أنا آخد اللاب توب بتاعي من جوا وأمشي عشان عندي شغل. حمزه بصّله بطرف عينه وقال: اللاب توب بتاعك مجبتوش أساساً يا أسر. أسر بارتباك: لا والله، يمكن حطيته في العربية بقا. أنا نسيت إن مجبتوش هنا. عن إذنكم. وسابهم ومشي. عشق مالت ع حمزه وقالت: حرام عليك يا حمزه، أحرجته. وبعدين شكله بيحب جميلة، سيبه. حمزه بجدية: عشق، أنت اتجننتي؟ في فرق سن كبير، دي 17 سنة.

عشق بحب: وإيه اللي فيها يعني يا حبيبي، هو الحب ليه سن؟ وبعدين يتخطبو دلوقتي وبعد ما تخلص الثانوي تتجوز. حمزه بضيق: ربنا يسهل. عشق: بقولك يا صوفي، هتروحي بكرة إن شاء الله عشان هنبدأ علاج من بكرة. صفاء بحب: شكراً لوقفتك جنبي يا عشق، ربنا يخليكي ليا يارب. زين: لو محتاجين أي مساعدة أنا تحت أمركم. حمزه: لا متشكرين يا زين يا حبيبي، قوم روح بقاا كفاية عليك كده. زين: حاضر يا عم، يلا يا خالتي عشان أوصلكم.

حمزه: لا لا لا، ملكش دعوة بست الكل دي، هتفضل معانا هنا. أنا جهزتلها أوضة ومريم أوضة. ساميه بصدمه: لا ي ابني مينفعش، هنتقل عليك. حمزه: تقل إيه بس يا حماتي يا حبيبتي، أنتِ شايفه اهو الفيلا دي كلها فاضية علينا، هنبقى مبسوطين بوجودكم معانا. تميم: فعلاً، أنا بقول إنهم يبقوا معاك أحسن هنا عشان حتى يبقوا تحت عينينا من سامر ده. ريم: طب وهنعمل إيه مع بابا يا ماما.

ساميه بفرحه: طلقني يا بت طلقني، أخير السجن اللي أنا فيه طلعت منه. ريم بصدمه: إزاي. ساميه بابتسامه: ادعي لحمزه جوز أختك بقا. ريم: أنا مش عارفه أشكرك إزاي يا حمزه بجد. حمزه بضحك: ولا أي حاجة يا مريوم. تميم: أنا همشي أنا بقا، ومتنسيش بكرة يا مريم عندنا شغل مهم جداً. ريم: حاضر. تميم سلم عليهم ومشي. حمزه: خدي مامتك واختك يا عشق وصليهم أوضهم عشان يرتاحوا. عشق بحب: حاضر يا حبيبي. وخدتهم وطلعت.

حمزه: إيه يا صوفي، عاملة إيه النهارده. صفاء بحزن: اهو الحمدلله. حمزه بحنيه: ليه حزينة كدا يا حبيبتي، مفيش حاجة تستاهل زعلك يا قمري والله، عاوزك تبقي كويسة وبس. صفاء بابتسامه: متقلقش عليا يا حبيبي، أنا كويسة والله. حمزه: قوليلي يا صفاء، إيه رأيك في زين. صفاء بتلقائية: بني آدم مجنون وواخد حياته كلها هزار وضحك، مش عارفة إيه ده. حمزه بضحك: اممم، وإيه تاني. صفاء: بس باين عليه في نفس الوقت شخص عملي وكويس جداً وجدع.

حمزه برفع حاجب: وبعدين. صفاء لاحظت اللي هيا بتقول وقالت: أنا هطلع أرتاح عشان عندي معاد مع الدكتورة بدري، عن إذنك يا حموزتي. حمزه بضحك: ماشي يا حبيبتي، تصبحي ع خير. صفاء: وأنت من أهل الخير يا حبيبي. الصبح كانت مريم بتجري في كل مكان بتوتر. مريم: يالهووووي، الورق كان هناااا، والله ده مستر تميم مش هيسمي عليا. عشق من وراها: هو ده الورق اللي عاوزاه. ريم لفت بسرعة وشدته منها وقلبت فيه وقالت بفرحه: أيوه هوا، لقيتيه فين.

عشق بضحك: انتي لسه فيكي الطبع ده ي بت، أنتِ ترمي حاجتك في أي مكان. مريم بضحك: حقك عليا يا روح قلبي، يلا باي، أصل متأخرة أوي. عشق بخبث: على فكرة هو مستنيكي. مريم بستغراب: هو مين. عشق: مستر تميم يا مريوم. مريم بستغراب: اشمعنا يعني. عشق برفع حاجب: ي بت عليا برضه. مريم: وربنا معرف. عشق: ماشي يا ستي. مريم نزلت تجري ولقت تميم فعلاً مستنيها مع حمزه. حمزه بابتسامه: صباح الخير يا مريوم. مريم

بادلتة الابتسامة وقالت: صباح الجمال يا أبو عشق يا قمر. تميم: يلا عشان أتأخرنا. مريم: يلا. وأخدها ومشيوا ووصلوا الشركة. تميم بجدية: ورايا ع أوضة الاجتماعات بسرعة. مريم وهيا بتجري وراه: حاضر، أنت بتجري كده ليه يا جدع أنت. تميم ابتسم ابتسامة بسيطة بس مبينش ده وقال بجدية مزيفة: إيه يا أستاذة مريم، مش قادرة تمشي؟ نجبلك اتنين يسندوك. مريم بصتله بغيظ وقالت: لا يا فندم، أنا آسفة. تميم كمل طريقه ودخلوا.

مريم اتفاجأت بناس كتير جوا، اتوترت من المنظر. تميم دخل بثقة وهيبته كالعادة. قعد ع الكرسي الرئيسي وع الجنب التاني كان في شاب من سنه برضه. مريم وقفت جنب تميم وكانت بتحط قدامه الورق اللي بيطلبه. تميم بصّلها وقال: اقعدي يا آنسة مريم. حسام بخبث: اتفضلي يا آنسة مريم، في كرسي جنبي اهو. تميم شاورلها تقعد في مكان تاني، بس هيا حست إنه مسيطر عليها. تجاهلت تلميحه وراحت قعدت جنب حسام. تميم بصّلها بغل وعصبية وسكت.

حسام: يعني مش هينفع تجبلنا الخشب بسعر القديم؟ أنت عارف إن السوق نايم. تميم بجدية: مينفعش يا حسام، دي خسارة ليا، وأبوك عارف إن عمري مبعت حاجة بسعر قديم. وبعدين أنت مش هتلاقي حد في السوق كله يطلعلك حاجة في الوقت اللي إحنا فيه ده. حسام: خلاص يا سيدي، يبقى اتفقنا، هنمضي العقود. تميم: تمام، هات العقود. حسام رجع بكرسي لورا وكان تميم مشغول مع المحامي والحسابات. حسام بابتسامه: بتشتغلي هنا بقالك كتير يا مريم. مريم: أيوه.

حسام تخطى حدوده وحط إيده ع رجليها وبصلها بخبث وقال: لو احتجتي أي حاجة أنا موجود. مريم بعدت إيده وقالت بتوتر: شكراً يا أستاذ حسام. حسام رجع حط إيده تاني ع رجليها. مريم حاولت تشيل إيده بس معرفتش. قامت من مكانها وقالت بعصبية: أستاذ حسام، عيييب كده، مينفعش تلمسني بالشكل ده. تميم بصّلها بصدمه وقال: إيه دا، في إيه. مريم بدموع: أستاذ حسام قاعد من ساعتها يلمسني لمسات مش حلوة.

تميم كان الغضب اتملك منه وقام بسرعة من مكانه وزق الكرسي برجله وحسام قاعد عليه، اتقلب الكرسي بحسام وقع ع الأرض. ونزل ضرب فيه بكل قوته. واحد من الموظفين: خلاص يا تميم بيه، هيموت في إيدك. مريم رجعت لورا في ركن الأوضة وفضلت تعيط. تميم بعصبية وزعيق: خدوا الحيوان ده برااا، وبلغوا أبوه، مفيش شغل بيني وبينك تاني، فاااااهم، برااا. حسام بصّله بغل وسابه ومشي. كانوا الموظفين كلهم واقفين بخوف من عصبيته. قال بزعيق: كلوووو برااا.

مريم كانت طالعة بس تميم وقفها وقال: استني أنتِ يا مريم. قرب منها وكانت بتترعش وبتعيط وحاطة وشها في الأرض. تميم مسح لها دموعها وقال بحنيه: هشششش، اهدى، اهدى، مفيش حاجة حصلت، خير، اهدى يا مريم. مريم بدموع: والله أنا مكنش قصدي يحصل كل ده، أنت خسرت صفقة كبيرة بسببي، أنا آسفة. تميم سرح في عيونها المدمعة الحزينة وقال بحنيه مفرطة: بس علشان خاطري متعيطيش، محصلش حاجة والله، اهدى بقا. مد إيده رجع خصلات شعرها لورا

وقال بتوهان في عيونها: شعرك حلو أوي وعيونك أجمل. مريم بصتله بتوتر وقالت: تميم، قصدي أستـ. تميم قاطعها بحب وقال: لا، خليها تميم، حلوة أوي منك. مريم بارتباك: هطلع أنااا أكمل شغلي، عن إذنك. تميم بحب: لا، أنا أدّيتك إجازة النهارده، وبصراحة أخدت لنفسي برضه، حابب نخرج في مكان تحبيه أوي. مريم بموافقة: تمام.

تميم مسك إيدها بلطف وطلع بيها ومشي في الممر قدام الموظفين اللي كانوا بيبصوا عليهم باستغراب، ومريم مكنتش فاهمة حاجة وكانت محرجة تماماً. راحوا ع مكان جميل جداً وهادي، قعدوا اتغدوا واتكلموا في حاجات كتيرر أوي، بس فجأة تميم قال. تميم: تتجوزيني يا مريم. مريم بصدمه: إيه. تميم بحب: تتجوزيني. مريم: بسرعة دي.

تميم: مين قال كده، أنا كنت بـراقبك لمدة 6 شهور، أنا ابقى صاحب البيت اللي كنتي قاعدة فيه أنتِ ومامتك وأبوكي، وكنت جاي هناك بصدفة وشوفتك، ومن يوم مشوفتك وأنا بـراقبك لحظة بلحظة، وكنتي مبتغبيش عن عيني لحظة، وأنا اللي بعت لصحبتك ملك عشان ترشحلك الشغل عندنا في الشركة، هااا، تتجوزيني بقا. مريم بصدمه: بجد. تميم بحب: بجد يا حبيبة قلب تميم. مريم بصتله بكسوف وقالت: هنسأل ماما وحمزه وعشق طبعاً الأول. تميم بضحك: يبقى نقول مبروك.

وبعد 7 سنين كانت عشق بطنها قدامهاا وكانت بتجري ورا يونس بتعب. عشق: يونس حرااام عليك بقاااا، خد يا ابني هناا. يونس بضحك: لا، أنتِ وحشة. جات عشق الصغيرة وقالت: متسكتي بقا يست، أنتِ بتزعقي، بتزعقي ع الصبح، في إيه. عشق بصت لها بغل وقالت: اه يا أم لسان طويل، ما كل الحق ع أبوكي اللي خلاكي مدلعة بشكل ده. عشق الصغيرة بزعيق: باباااااا، باباااااا. جه حمزه وقال: روح بابا، عاوزه إيه يا حبيبتي. عشق

حطت إيدها في جنبها وقالت: طلق الولية دي، إحنا مش عاوزنها. حمزه بضحك: بس أنا عاوزها وبحبها. عشق الصغيرة بصتله بصدمه وقالت: يعني أنت كنت بتكدب عليا؟ مش أنت قلتلي إنك بتحبني أنا وعاوزني أنا بس. حمزه ضحك بقوة وقال: طب يلا يا لمضة عشان هتتأخري ع المدرسة. عشق بزعيق: حمززززه، خد البت دي من قدامي، حرام عليكو، أنا تعبببببت بقا، مش كفاية البطيخة اللي أنا شايلها دي. حمزه بضحك: حقك عليا، يا نور عيني، أنا آسف.

عشق الصغيرة: آسف ع إيه، دي ست نكدية وبتزعق على طول. عشق بزعيق أقوى: امشووووو من قدامي براااا. حمزه شال عشق ويونس وطلع يجري وقال: كلو منكو يا جزم. ركبهم العربية وطلع، بس اتفاجأ بحد واقف قدام العربية قاطع طريقه، قال بصدمه وعدم تصديق: شررروق.