رواية حرب العشق الفصل التاسع عشر 19 - بقلم هاله احمد

حمزه بسخريه ونبره كلها كسره: اضربي انتي يا عشق عاوز اموت على ايدك انتي عشق ببرود: عادي خالص طالما دي امنيتك الاخيره حمزه غمض عينو وكان بيفتكر كل حاجه معاها من اول ما شافها لغايه دلوقتي وقال: يلا يا عشقي بس فجأه عشق ضربت رصاصه في دراع وفاء اللي ماسكه بيه المسدس وفاء وقعت ع الارض من الوجع حمزه فتح عينو وبصلها بصدمه وقال: عملتي اي يا مجنونه عشق بدموع: يعني كنت اسيبها تقتلك يعني جميله صرخت وقالت: ماماااااااا

وفاء بصت لعشق وقالت: انتي اللي جبتيه لنفسك يا عشق عشق بصتلها بانتصار وقالت: قولتلك ان انا اللي هكسب في الاخر يا وفاء وفجأه دخل اسر وادهم وعساكر حمزه بصلهم بصدمه وقال: ايييييه في ايييييي اسر بجديه: مطلوب القبض عليكي يا وفاء هانم وفاء بتمثيل: الحقني يا حمزه عاوزين ياخدو امك اللي ربتك وتعبت عليك عشق بعصبيه وبعدم تصديقها: انتي ازااااي كده ازاااااي لسه بتكدبي لغايه دلوقتي حمزه بصلها وكان على وشك انه

ينهار بس مسك نفسه وقال: بتهمه اي يا اسر باشا ادهم: احنا سجلنا كل حاجه يا حمزه باشا واعترافها معانا غير انها كانت هتسبب في قتلك غير المسدس ده اللي بدون ترخيص حمزه بستغراب: تسجيلات ايييه عشق رفعت تلفونها وشغلت التسجيل وقالت: ده يا حمزه كل حاجه متسجله هنا حمزه بص لوفاء بحزن وكسره وقال: للاسف يا وفاء هانم مش هقدر اساعدك اتفضلو نفذو شغلكم يا ادهم جميله جريت

على حمزه وقالت بانهيار: لا يا حمزه متسيبش ماما علشان خاطري يا حمزه دي ماما متعملش كده ابوس ايدك حمزه بحده: اطلعي اوضتك يا جميله جميله بدموع: بس يا ابيه حمزه قاطعها بزعيق وقال: قولت اطلعي اوضتك حمزه بعصبيه: يلا يا ادهم نفذ الامر ادهم القا التحيه باحترام وقال: احنا متأسفين جدا على اللي حصل ده يفندم عن اذن حضرتك ومسك وفاء من ايديها وهيا كانت قاعده تعيط وتصرخ باسم حمزه بس حمزه كان حط على قلبه حجر وحط ايده

في جيبه بتكبر وقال بسخريه: مع السلامه يا ماما لازم تاخدي جزاتك اسر: انا اسف جدا ليك يا حمزه حمزه بحده: اسر هستناك بكرة في مكتبي محتاجك في شوية حاجات تمام اسر بحزن: حاضر يا صاحبي عن اذنك عشق كانت واقفه بعيد وخايفة من حمزه وعلامات وشه اللي مكنتش بتبشر بالخير كان شخص تاني خالص قربت بهدوء منو وقالت بخوف: حمزه حمزه بصلها بعيون مليانه دموع: عايزة اي من زفت تاني دمرتي حياتي دمرتيها عشق قربت

منو وحضنتو وقالت بدموع: كفاية يا حمزه كفاية بقى وجع فيا وكسرة انا تعبت اوي علشان خاطري متجيش عليا اكتر من كده حمزه فضل سايبها في حضنه بضعف قلبه رافض يبعدها عنو وعقله رافض يسيبها جنبه وهل فيه حل لصراع القلب والعقل الانتصار دايما يبقى القلب بس مع حمزه اختلفنا وكان العقل

بعدها عنه بعنف وقال: ليييه حصلي كده من يوم ما شفتك لييه عيلتي كلها راحت مني كل حاجة وحشة جت معاكي اخويا الكبير اكتشف انه هو ورا كل حاجة وهو الزعيم بتاعكم اساسا وصفاء في المستشفى لا حول ليها ولا قوة وامي اتسجنت واختي الصغيرة هتكرهني بسبب اللي انا عملته ده وان انا سبت امها عشق بعدت عنه بدموع وصدمة وكأن كل الدنيا اتهدت فوق دماغها: حمزه انا مليش ذنب والله دي حقيقة عيلتك وكنت لازم تكتشفها دلوقتي او بعدين كنت هتعرف

حمزه زعق فيها وقال: لا مكنتش هعرفها انا مكنتش عاوز اعرفها قرب عليها ومسكها من دراعها بعنف وقال: كل ما برجعلك وبسامحك ترجعي تبهدلي الدنيا اكتر واكتر انا مش عاوز اسمع صوتك ومش عاوز اشوف وشك طول ما انا هنا فاهمة انا كرهتك عشق بدموع: حاضر هسيبلك الدنيا كلها وامشي حمزه ضحك بسخريه وقال: تؤ يا حبيبتي انتي مراتي وعلى ذمتي يعني مش بمزاجك لازم تتعذبي كل يوم زي ما انتي عذبتيني وبتعذبيني

عشق بصتله بخيبة امل وشدت ايديها منو وطلعت اوضتها ودخلت وراها شروق اللي كانت واقفه فوق وشايفه كل حاجة حمزه طلع برا الفيلا وركب عربيته ومشى

وعدت الايام ومكنش في حاجة جديدة في حياة ابطالنا غير ان حمزه دافن نفسه في الشغل وشغال على قضية سليم علشان يوقع الشبكة دي كلها وعشق كانت مع نفسها وبعيدة عن بناتها وشروق اللي كانت معاهم لحظة بلحظة ومن وقت اللي حصل عشق كانت بتشوف حمزه من بعيد لبعيد الايام تقيلة على قلوبهم بس كانوا مكملين في تكبرهم وكبريائهم في المستشفى عند صفاء حمزه بابتسامة: اخيرا القمر بتاعنا هينور البيت

صفاء بحزن: والله ما ليا نفس ارجع يا حمزه أكيد البيت مش حلو ومش احسن حاجة خالص حمزه قرب منها وباس دماغها وقال: انا جنبك ومش محتاجين حد احنا هنوقف على رجلينا بنفسنا اهم حاجة عايزك دلوقتي تبقي جنب جميلة علشان مبتتكلمش معايا من ساعة اللي حصل وانتي عارفة انها في سن خطر 17 سنة ده سن خطر جدا ومش عايز حد من برا يهتم ليها انتي فهماني صفاء بابتسامة: متقلقش يا حبيبي انا هحل كل حاجة ان شاء الله حمزه: طب يلا يا حبيبتي صفاء بحزن:

هو فين ادهم يا حمزه حمزه: مكلفه بشغل يا حبيبتي انتي عارفة ان احنا بنشتغل على قضية كبيرة وعايزة كل جهدنا ومكنش ينفع نيجي احنا الاتنين صفاء: تمام يا حبيبي ربنا معاكو حمزه: يارب يا حبيبتي وجهزوا نفسهم وطلعوا من المستشفى وراحوا على الفيلا واول ما وصلوا نزلت شروق استقبلتهم صفاء باستغراب: امال فين عشق شروق بابتسامة: نايمة شوية بس ومكنتش تعرف انك جايه انهارده صفاء: انت مقلتش ليها يا حمزه حمزه ببرود: لا مقولتش

صفاء برفع حاجب: وليه ده حمزه: يلا علشان ترتاحي شوية شروق بابتسامة: روح شغلك انت يا حمزه وانا هاخد بالي منها حمزه بادلها الابتسامة وقال: تمام شكرا يا شوشو وحمزه مشى وصفاء راحت اوضتها اللي كان حمزه مجهزها ليها تحت جنب مكتبه علشان مينفعش تطلع فوق بحالتها دي وفي نفس الوقت تكون جنبه علشان هو دايما في مكتبه صفاء نامت من التعب وشروق راحت للبنات بس صفاء صحت بعد شوية على صوت جميلة صفاء بفرحة: تعالي حضنيني يا جزمة وحشتيني

جميله اترمت في حضنها وفضلت تعيط وقالت: شوفتي اللي حصل لماما يا صفاء صفاء مسحت على شعرها بحنية وقالت: اهدي يا حبيبتي اهدي كل حاجة هتتحل ان شاء الله وانا جنبك دلوقتي جميله بعدت عنها وفضلت تتكلم معاها عن الفترة اللي كانت بعيدة عنها عن البيت جميله بتوتر: بس بصراحة في حاجة كده بخصوص ابيه حمزه وشروق صفاء باستغراب: مش فاهمة ازاي يعني

جميله: انتي مشفتيش اهتمامها بيه واهتمامه بيها ازاي وبصراحة شروق دي واخده فرصة ان عبلة عشق تعبانة ومكتئبة وفي اوضتها دايما ومتملكة كل حاجة ابيه حمزه والتوأم وحتى الفيلا بقت هي مسؤولة عن كل حاجة هنا صفاء بصدمة: مش معقول مستحيل انا لازم اوقفها واعرفها مقامها هتخطف جوز صحبتها ولا ايييه جميله: ما بصراحة عبلة عشق مش مهتمة بحاجة خالص وفي اوضتها دايما ومش بتعمل حاجة وسايبة حتى بناتها

صفاء: اسكتي انتي يا جميله متعرفيش حاجة انا هتصرف عند حمزه في مركز الشرطة حمزه بابتسامة: بقول اي يا شباب اسر وادهم: نعم حمزه: انا عامل حفلة صغيرة كده عندي في الفيلا بمناسبة خروج صفاء من المستشفى وفي خبر تاني بس هنخليه مفاجأة اسر بفرحة: ايوه كده يا اخي خلينا نفرح شوية ادهم بضحك: احنا هندلع بقا اخيرا بقالي ايام وليالي مدفون هنا حمزه: الحفلة بكرة بليل اسر: اتفقنا

يوم الحفلة كانو كلهم موجودين وعشق انضمت ليهم وكانت جميلة جدا كانت لابسة فستان سماوي لون عيونها وفارده شعرها البني وميكب جميل جدا وسيمبل بس رغم ده كان وشها حزين وعيونها وكانت مش معاهم خالص صفاء مالت على جميلة وقالت: غريبة فين حمزه وشروق جميله: مش عارفة كانو هنا بس مش عارفة راحوا فين اسر: امال حمزه فين عشق بصت حواليها باستغراب وقالت: يمكن راح يجيب حاجة وزمانه جاي

رجع حمزه بعد وقت كتير شوية وكانو كلهم قاعدين ومستغربين دخل عليهم حمزه وهو ماسك ايد شروق وقال بابتسامة: اتأخرت عليكم اسر قام باستغراب من مكانه وقال: انت ماسك ايد شروق كده ليه وعشق اتحركت من مكانها ووقفت قدامهم وقالت بعيون حيرانه: اي دا انا مش فاهمة حاجة

حمزه بصلها ببرود وقال: انا وشروق اتجوزنا من يومين وقولت افاجئكم هيا دي الانسانه الصح واللي هكمل معاها حياتي لا في كذب ولا في نفاق ولا أي حاجة شروق اجمل بنت في الدنيا كلها وان شاء الله اقدر افرحها دايما كلهم بصوا بصدمة و