رواية حرب المافيا - نادين محمد (عشقت معاق الجزء الثاني الفصل الرابع 4 - بقلم نادين محمد

ليان: اضرب مين بس انت فاهم غلط، أنا ضربت بالعافية أصلاً. يزيد: اضربي يا ليان واخلصي. ليان: ما قولتلك مش هضرب حاجة، هو بالعافية يا عم. يزيد: أضربي بدل ما تتقتلي. مسكت المسدس بسرعة وضربت تاني. ليان: خلاص! قعد يزيد على كرسي بكل هدوء وقال: لأ، انتي هتفضلي تضربي كده لحد ما أنا أقولك خلاص. ليان: ده عند مين ده؟ طلع المسدس من جيبه بكل هدوء ومسكه وصوبه ناحيتها: لو منفذتيش كلامي، الرصاصة هتنضرب فيكي يا ليان. ليان: يووووه.

مسكت المسدس وضربت تاني، كان فيه مرايات كتيرة جداً، متتعدش من كترها. (عند آدم) عند آدم كان وصل بيت رنا وطلع فوق جري عشان يشوف مامتها. رنا: إيه اللي جابك طيب، قولتلك مش مستاهلة. آدم: جيت أطمن على أمك، إنتي إيش حشرك؟ أمك فين؟ رنا: جوا. دخل آدم عند مامتها فالأوضة وكانت نايمة ومعلقة في إيدها محاليل. آدم: هي دي اللي مش مستاهلة! رنا: ما أنا معاها أهو، في إيه؟ آدم: مالها يا رنا؟

رنا: عندها السكر والضغط، وعلي عليها فاتعلق لها محاليل. آدم: ألف سلامة يا طنط. _الله يسلمك يا ابني، مخرجتيش النهارده ليه؟ رنا: أخرج إزاي يا ماما وإنتي تعبانة. _زي الناس، اخرجي وعيشي حياتك يا رنا، ما أنا آخرتي الموت. رنا: بعد الشر يا ماما، في إيه؟ آدم: بعد الشر يا طنط. _اخرجي بس وسيبيني نايمة. رنا: لأ مش هخرج. بعد محاولات كتير من أمها وكده وافقت تخرج نص ساعة بس. آدم: هنزل أستناكي تحت، وألف سلامة عليكي يا طنط.

نزل تحت في العربية، وبعد شوية رنا نزلت وراه. "بعد شوية" آدم: تحبي ننزل نتمشى؟ رنا: آدم، بلاش غباء، ما إحنا بنتمشى أصلاً. آدم: انزلي يا بها، أنا غلطان أصلاً. نزلوا من العربية في شارع هادي أوي عشان يتمشوا. آدم: رنا. رنا: ها. آدم: بقالنا أصدقاء قد إيه؟ رنا بتفكير: امم، تقريباً شهر. آدم: طيب مش ملاحظة حاجة؟ رنا بضحك: ألاحظ إيه يعني. طلع آدم علبة من جيبه وادهالها، فتحتها وهي مبتسمة وكان فيها خاتم.

رنا بفرح: دي حلوة أوييي بجد. آدم بابتسامة: عجبتك. رنا بصتله بابتسامة وبعدين بصت للخاتم تاني. رنا: أوي. آدم: رنا. رنا: إيه. آدم: بحبك. (عند ليان ويزيد الساعة ستة الصبح) كانت قاعدة على الأرض في الشمس وماسكة المسدس وكانت بتنام خلاص. ليان بنوم: خلاص كده. يزيد: اتعلمتي إزاي تضربي. ليان: أيوه اتعلمت يا عم، عايزة أنام بقا. قام يزيد من عالكرسي وراح لها وشالها، وشاور لمحمد وراه عشان يروحوا القصر.

بعد ما وصلوا القصر دخل يزيد وهو شايلها وطلع نيمها فأوضتها ونزل تاني. محمد: ها يا باشا هنعمل إيه في المهمة الجاية؟ يزيد: مش هنعمل حاجة، الخطة هقولها لما ليان تصحي، عشان هي بقت فرد من العصابة. محمد: بس ياباشا دي باين عليها بتخاف أوي. راح قعد على كرسي المكتب وولع سيجارة وقال: ميهمناش، هتفك بالعملي. "عند عمر" عمر: هو في حد ييجي يتقدم لحد الساعة سبعة الصبح! أحمد: معلش بقا بحبها.

عمر: بتحب إيه يا ابني، إنت لسه عارفها من يومين، جتك نيلة! أحمد: متشكرين يادنيا. عمر بقرف: قولي رأيك يا نادين وخلصيني، عايز أنام. نادين: ردي معروف، أكيد مش هتجوز واحد مش بطيقه. أحمد: شكراً شكراً. نادين: شوفت إنت بذمتك ترضى تتجوز السخيف ده؟ عمر: بصراحة لأ. نادين: اهو. أحمد: يعني مش موافقة. نادين: يا عم مش بحبك، هو بالعافية! قام أحمد من عالكنبة وهو بيقول: هاجي تاني يا نادين، هاجي تاني ومشي. ماسة بضحك: شكله بيموت فيكي.

نادين: اتنيلي والنبي. "عند يزيد بعد شوية" ليان بنوم: صحتوني من أحلى نومة، عايزين إيه؟ يزيد: أول مهمة يا قمر. ليان: مهمة إيه يا عم. يزيد: أول مهمة في شغلك في المافيا وكده. ليان: وإيه هي بقا. يزيد: بصي يا ستي، إنتي هتروحي عند ناس في ديسكو، هبقى أعرفهم لك، وهتلبسي فستان وهتروحي كأنك منهم بالظبط، وهتلعبي معاهم تحت إشرافي بالسماعة، وهتقشي فلوسهم كلها، بيلعبوا قمار يعني، بس كده، مهمة بسيطة خالص بما إنها أول مرة.

ليان: منا مش بعرف ألعب قمار، وبعدين كده حرام! يزيد: أولاً قولتلك إنك هتلعبي تحت إشرافي، ثانياً إنتي تنفذي اللي أنا بقولك عليه وبس. ليان بملل: طيب، هنبدأ من امتى بقا؟ يزيد ببرود: الفستان عندك فوق فالأوضة، اطلعي البسي. "عند عمر وماسة" عمر: ماسة. ماسة: إيه. عمر: عايزة تسافري. ماسة: فين يعني. عمر: باريس مثلاً.