رواية حرم الفهد الفصل التاسع والثلاثون 39 - بقلم سمية احمد

قالت نور لـ فهد: _ءء أنا معرفش انت بتتكلم عن أي.. وهأذيك ليه وهخطف حفيدي ليه.. أخذت نفس عميق براحة، وأبتسمت. وقفت نور قصاد بنتها وقالت: _نورتي البيت يا حبيبتي. أبتسمت بصعوبة مش لأنها بتحب امها بس البعد والجفا قدر بجدارة يخليها تشعر بالغربة. _منور بجودك يا ماما. بصلها فهد بأستغراب: _في سر.. في حاجه غلط.. اللي عرف داغر المعلومات دي عايز يدمر العيلة. سألت غرام: _عاملة أي يا ميوي؟ أبتسمت بمودة وقالت:

_الحمدلله بخير.. هتيجي الفرح صح؟ انعقد حاجبيها بأستغراب: _فرح مين؟ أبتسمت مي وقالت: _فرحي أنا ويوسف.. هو انت متعرفيش متحدد بقالو شهر. ضحكت بسخرية وقالت: _وأي يعني هو أنا أعرف أي عنك ولأ عن أبراهيم بيه.. وأمي اللي كنت مفكرة نفسي عارفها طلعت غلطانه.. ردت نور: _يا حبيبي انت بنتي نور عيني.. وبعدين مي ملهاش حد أنت عندك فهد. رجعت لورا وزعقت بعصبية:

_مي مش بنتك فوقي بقي.. أنا بنتك أنا مش هيا.. مش ناسية لما رماكي برا القصر راجعة واتجوزتيه ورميتي بنتك علشانه.. نسيتي حنانك اللي كان ملكي رحتي عرضيته لحد تاني... هو انت مفكرة حد هيقدر يملا مكانك.. مهما كنت وحشة محدش بيقدر يملا مكان الأم.... مسحت دموعها وقالت:

_مش انت قولتلي معايا فهد ومش محتجاكي علي قولك.. يبقي خلاص تنسي إن ليكي بنت أسمها غرام.. أنا مش لعبة تحركي فيها وقت ما تعوزي.. ولأ مشاعري بلاستك.. مدام مي بنت جوزك قدرت تعوضك عن غيابي وقدرتي تحبيها وشايفها تستاهل كل حاجه كانت من حقي يبقي لأزمتي اي في حياتك وانت شايفة إني هامش في حياتك... كملي حياتك وأنا هكمل حياتي زي ما بتقولي معايا فهد.. وفي الحقيقة معايا سيد الرجالة. وقفت جنب فهد ومسكت ايدو ورفعت

رأسها بشموخ وكبرياء قائلة: _بيتي مفتحولك في أي وقت لأنك مهما كان أمي ومحدش تعب عليا غيرك ومش هنكر ده.. وقت ما تحبي تشوفي حفيدك تنوري في أي وقت... بس أنسي أن ليكي بنت اسمها غرام.. واظن انت نسيتي اصلًا. بصتلها نور بدموع: _انت نور عيني وقلبي.. ازاي عايزاني انساكي... كتمت صوت عياطها وقالت: _بس انت نسيتي يا ماما أتخليتي عني.. فضلت الغريب علي بنتك. قربت نور وقالت: _أنا مجبرة يا غرام.. غصب عني يا بنتي...

وقفت جنيها مي بتوتر: _ماما نور لو سمحت... بصلها فهد بشك وقال: _في اي؟ ردت مي بتوتر: _مفيش حاجه.. اتفضلوا لو سمحت.. بصلها فهد بخبث وقال: _هقدر احميكي منه.. انتِ وهيا لو بقيتو تحت ظلوا هيأذيكوا أكتر.. بلعت ريقها بتوتر وزعقت: _في أي يا أستاذ ما قولتلك خد مراتك وأتفضل تحميني مين وهبل اي... هز رأسه بتأكيد وكإنه بيتأكد من حاجه وغمز بعينة وقرب منها وهو بيتناول مناديل وهمس: _الساعة 2بليل تتطلعي برا القصر من غير ما حد يشوفك..

وقف ومسك إيد غرام اللي كانت بتتابع كل حاجه بأستغراب وغيرة. ــــــــــــــــــــــــــــــــــــــــــــــــــــــــ سندت علي المكتب بأرهاق وهيا حاسة الدنيا بتلف حواليها. رن الفون الخاص بمكتب آيان. ردت بصوت مرهق ومتعب: _نعم.. _مال صوتك؟ ضغطت علي رأسها بتعب: _مفيش.. كنت محتاج حاجه؟ _داليا صوتك مش بخير مالك... لسه هترد عليه أتقفل الخط في وشها. وبعديها بثواني فتح الباب المكتب وخرج ومظاهر القلق والخوف علي وشه. قرب منها

ووقف قدامها وقال بخوف: _داليا مالك يا عيوني وشك مخطوف وباين عليكي التعب.. أنتِ كويسة يا عمري. أبتسمت بتعب وقالت بتحذير:

_اولاً مش من حقك تتغزل فيا وأنا مش حلالك ده اولًا، ثانيًا أنا بخير وشكرًا علي اهتمامك يا مستر، ثالثًا وليس أخيراً مينفعش الاهتمام بيا لإنك مديري في الشغل وده شيء اسمه خداع وخم يعني تعاملني زي زي اللي شغالين هنا، رابعًا بقي مينفعش تبص فيا وتدقق في ملامحي لأن وقتها انا باخد ذنوب وانت كذالك ودينيا امرنا بغض البصر حتي لو انت بس اللي بتبص وأنا لا فا أنا باخذ ذنوب علي قفايا بحلقتك ليا. أبتسم علي أسلوبها في الكلام بص

للأسفل وأستغفر ربه وقال: _وأنا يا ستي ليكي عليا مش هخليكي تاخدي ذنوب علي قفايا تاني... ضيق عيناها وقالت: _قصدك اي؟ أبتسم وقال: _قصدي أني هطلبك من فهد انهاردة.. وبعديها بأسبوع كتب الكتاب. ــــــــــــــــــــــــــــــــــــــــــــــــــــــــ دخل أوضة المكتب الخاصة بيه في بيته. اما غرام كانت بتشوف داغر. سند علي المكتب وقال بسرحان وهو بيلعب في دقنه: _نور ومي وراهم سر...

ومش نور السبب في اللي حصلنا.. حد ملبسها الليلة كاملة او اجبرها تشيل الليلة. رن فون وفتح لقي آيان. ابتسم بخبث لأنه عارف سبب الأتصال. _اهلًا بالباشا. =عمي وعم عيالي وحشني يا جدع فين.. _هو اي حكاية فين معاك انت وداغر يا جماعة أنا عندي فون ومعاكوا رقمي رنوا لو عايزين. رد آيان بسخرية: _ليه علي رجلك نقش الحنة ولأ أي. _تصدق وتأمن بالله. =لا إله إلا الله. _أنا حيوان وابقي حمار لو رديت عليك تاني...

=أستني يا عم متبقاش قافوش بقي بهزر معاك دانت الخير والبركة يا فهد.. بجد يبني بتخيل لو حصلك حاجه هعيش ازاي.. انت الهواء اللي بتنفسه... الاكل اللي بأكلوه.. _يحرقك يا عم في اي ما تخلص.. واي المحن الكلبي ده متقول عايز أي من غير لف ودوران.. وقول أنك عايز تتجوز داليا. أبتسم آيان بصدمة: _انت عرفت منين. أبتسم فهد بغرور وقال: _أنت مش عارف نفسك بتكلم مين ولأ اي؟ _هكون بكلم رئيس الجمهورية ما تخلص بقي..

=طب ماشي معنديش بنات للجواز سلام. قفل فهد في وش آيان. ورجع بظهرو لورا علي الكرسي بإرهاق. فتحت غرام باب المكتب براحة. ودخلت من غير ما يحس بيها. _مالك يا حبيبي؟ فتح عينه وابتسم وقال: _مفيش يا عيوني..طمنيني عليكي انتِ. قعدت علي المكتب قصاد فهد وقالت: _أنا بخير بس متلخبطة ومتوتر في نفس الوقت وخايفة.. في حاجه غلط بتحصل من ورايا.. ماما مجبرة تعمل كده.. أبتسم أبتسامة جانبية وقال وهو بيحاول يغير الموضوع: _بس اي الحلاوة دي؟

بصت لنفسها بخجل وقالت: _بجد شكلي حلو. غمز بعينيه: _حلو بس يجنن وقمر.. وسكر وحلويات ومكسرات.. القمر وقعلي من السماء. ابتسمت غرام بنشكاح وقالت: _يا روحي انتِ.. أنا بطفح فرشات. ضحك بكل صوته عليها وقال: _مراتي مش من حقها تأكل فراشات. _المهم في حاجه عايزة أقولها؟ _قولي. _داليا كلمتني وقالت أن آيان حابب يتقدم وقالت كلم فهد. فهد بمكر: _لأ مش أنا اللي يكلمه في شخص احق مني. غرام بأستغراب: _شخص! .. شخص مين؟ فهد: _اخوها مثلًا.

ضيقت عيناها بأستغراب: _اخوها؟ .. بس كلنا عارفين إن داليا وحيدة امها وابوها ومفيش غيرها ومالهاش غيرك. هز رأسه برفض وقال: _تؤتؤ.. داليا ليها اخ من الأب ومحدش يعرف غيري.. وقفت غرام بصدمة وقالت: _ولما انت عارف مقولتلهاش ليه؟ رفع كتفيه ببرود:

_عادي.. وبعدين أياد لو كان عرف أنها أخته أيام ما كانت مش كويسة مكنش هيتقبل وجودها في حياته ولأ هيا.. لأن أياد شخص غيور علي حرمه بيته.. ملوش في الدلع والعوج وداليا غيرو تمامًا.. لما لقيتها اتغيرت وبقت كويسة حسيت ده الوقت المناسب وقربتهم لبعض بطريقتي الخاصه ومن غير ما حد يعرف ولأ يشك.. بصت بصدمة وهيا بتحاول تستوعب فهد عمل أي زعقت بعصبية:

_وانت مالك..قولي مالك تتدخل في حياتهم.. ليه تحرم اخ واخت من بعض.. افرض حصلهم حاجه أو ماتت أو هو.. مفكرتش فيهم ليه.. مفكرتش ان أياد محتاج لأخت قبل ظهور اختك في حياته.. مفكرتش أن داليا من حقها تحس إن ليها ضهر تتسند عليه بعد موت أبوها. انت حرمتهم من أقل حقوقهم علشان تفكيرك بس. بصله فهد بتحذير وقال: غرام صوتك.

زعقت بصوت أعلى من السابق: بلا غرام بلا زفت، حط نفسك مكانهم. تخيل ندا مكان داليا وانت مكان أياد. هو انت إزاي قدرت تخبي الحقيقة؟ أصلاً مش من حقك تخبي عليهم لأن دي حياتهم ولا تعنيك بشيء. شدها من إيدها وقال بعصبية وهو يضغط على أسنانه: قولتلك صوتك. وتتكلمي معايا بأسلوب أحسن من كده علشان.. سحبت إيدها من إيد فهد بعصبية: بلا صوتي بلا زفت. مفكرتش فيهم؟ ليه خبيت الحقيقة؟ ليه؟ ضغط على رأسه بألم وقال: اطلعي برا.

غرام بعدم فهم: نعم؟ زعق بعصبية وتعب: قولتلك اطلعي برا. روحي أوضتك. بصتله بضيق وخرجت. أترمي فهد على الكرسي بتعب وخرج علبة دواء من الجاكيت بتاعه وحطها في فمه. رجع راسه بتعب وقال: محدش هيموتني ناقص عمر غير عصبيتها. وقفت ورا الباب بخوف بعد ما طردها. حست بهدوء والخوف اتمكن منها. فتحت الباب براحة وشافته بيشرب علاج. عقدت حواجبها باستغراب. _إيه ده؟ اتنفض فهد بقلق وقال بصرامة: إيه؟ مفيش احترام؟ اتعلمي تخبطي على الباب بعد كده.

نزلت دموعها وقالت بشفايف بتترعش: فهد قولي إيه ده. فهد أرجوك انت بتاخد إيه. اتنهدت بتعب وقالت: حبيبي أنا كويس. روحي شوفي داغر. صدقيني أنا بخير. لفت حوالين نفسها بخوف وقالت وجسمها بيترعش: لأ انت بتاخد حاجة. أرجوك طمني. فهد علشان خاطري انت اخدت إيه. *** قالك شفت العجل ومشيت وراه. اترمي طلع مبيمشيش أصلاً. بصله إياد بعدم فهم وقال: بتقول إيه؟

رجع أسر اتكلم تاني بملل: خدت قلبي وطحنته في الكبة. بس جت واحدة ورجعته تاني. بس طلعت بتموڤ أون بيا. بصله إياد باستغراب هو وآيان. اتكلم آيان بضيق: إيه يا عم انت شارب إيه؟ بص لإياد وقال بضيق: وبعدين من قالك تجيب الحيوان ده معاك. زعق أسر بمرح: لأ يا حبيبي. اسكت وانت شبه واحدة صحبتي. قام آيان ولكمه بعصبية: إيه يا ابني انت مش بتحرم ليه؟ هو أنا مش من كام يوم مديلك علقة تقعدك في السرير تلات شهور.

آسر بألم: ربنا يخدني أنا ولساني. قعد آيان مكانه تاني. وشرب إياد من الشاي بتاعه وقال: أنا طلعت مش وحيد وليا اخت. فتح آيان وآسر بوقهم من الصدمة. بص آيان لـ آسر وقال: هو بيقول إيه؟ آسر: بيقول عنده اخت. ابتسم إياد وقال: داليا يا آسر كانت خطيبتك. طلعت اختي من الأب. بصله آسر بصدمة وقال بفرحة: الحمدلله. داليا تستاهل كل خير. حقيقي بنت ناس ومتربية. ربنا يحميها. بصلهم آيان باستغراب وقال: هي قدرت تستحمل؟ خلقت إزاي؟

بجد عاش عشان سابتك. بصله آسر من تحت لفوق بغرور وقال: وانت اللي هتخدها؟ هتستحمل مناخيرك دي إزاي؟ رفع حاجبه وقال: مناخيري؟ شوف نفسك بس وانت شبه اللي شارب حاجة. رفع رأسه بشموخ وقال: أنا ألف مين يتمناني. آيان بسخرية: عشان العتبة رخيصة. ضيق آسر عينه وقال: زي ما عندك. آيان بسخرية: فشرت يا حبيبي. مشوفتش زي خلقتك بجد. عدل ياقة قميصه بغرور وقال: غيران مني. يبني خفف حقد وغيرة. ده أنا شامم ريحة شياط.

زعق إياد بعصبية وقال: بسسس. كان يوم أسود يوم ما جمعتوا مع بعض. _ما انت عارف إن أسر وآيان عاملين شبه الضراير. بتجمعهم ليه مع بعض. قالها فهد بابتسامة. دخل وقعد على الكرسي حوالين النار. كانوا في مكانهم المعتاد. مولعين نار صغيرة في النص وحواليها مجموعة كراسي. ابتسم آيان ونط وقعد جنب فهد وقال: عمي وعم عيالي. بصله فهد بخسرية وقال: ما تبطل تلزيق يالا. ما قولتلك اطلبها من أخوها. إيه جوا التلزيق ده؟

ابتسم بسماجة وقال: أخوها مين؟ ابتسم فهد بخبث وقال وهو بيبص على إياد: أخوها إياد الصاوي. بصلهم بصدمة: نعم؟ ضحك إياد وقال: نعم الله عليك. بلع أسر ريقه بخوف وقال: داليا اختك. إياد: أيوه داليا اختي. ضيق عينه باستغراب وقال: هو انت تعرفها يا أسر. فهد بخبث: أصل داليا كانت خطيبة أسر السابقة يا إيان. اتغيرت ملامحه كلياً وقام وقف وقرب من أسر ومسكه لكمه بقوة وقال: بتخطبها ليه يا معفن؟ بتخطبها ليه؟ متعرفش إني بحبها.

أسر بألم وصوت أشبه للبكاء: معرفش إنك بتحبها يا حيوان. معرفش. انت مكنتش في حياتي وأنا إيش عرفني يعني. لكمه بعصبية وقال: اديك عرفت. صرخ أسر بألم وقال: ربنا على الظالم والمفترى. بقولك إيه؟ أنا مش بشم على ضهر إيدي عشان أعرف إنك هتتنيل وتحبها. حبك برص انت وهيا. عالم ظالمة. رفع إيان وقال بتهديد: بتقول إيه؟ بلع ريقه بخوف وقال: مبقولش حاجة. بقول كان يوم أسود يوم ما فكرت أخطبها.

ضحك إياد وفهد عليهم. انضم ليهم بعدها شوية شباب عيلة صقر بأكملها. تميم بمرح: أوعى الشربات يا ولاد. آيان المعقد هيخطب. رمي عليه الإزازة وقال بغيظ: ما تخرس يابو تالتة ثانوي. تميم بضيق: عيل رخم. أحمد بمشاكسة: ويخرس ليه؟ هنكدب ولأ إيه؟ دحنا دفنيو سوا. ضيق تميم عينه وقال بمشاكسة: مراته هتقولوا حيرتنا يا أقرع منين نبوسك. ضحك الكل في جو مرح. كانت القعدة كلها هزار وخفة دم واحلوت بوجود تميم صقر. *** جوزك فين؟

قالتها ندا وهي بتاكل آيس كريم. ردت غرام وهي بتاكل الشوكلت: مع جوزك عاملين قاعدة شباب مع شباب عيلة صقر وجوز هاجر. ردت عليها داليا وهي بتلعب في شعرها وسرحانة: ومع حبيب عيوني. بصلها الكل برفعة حاجب واتكلمت هدى: مع أي؟ حبك برص يا أم عيار فالت. اتلمي يا بت. داليا بهيام: يخربيت جمال عيونه. توديني بلاد وتجبني. رفعت غرام حاجبها بخسرية وقالت: هو انت لحقتي تعملي موڤ أون من آسر وتحبي كمان.

أجابتها ندا بمشاكسة وقالت: لأ. داليا قلبها يساع من الأحباب ألف. *** مشي بالعربية براحة وطافي الأنوار. وقف على بعد من مكان القصر. نزل ببطء وتسحب برشاقة عشان محدش يشوفه. لمح طيف مي. وقف في ركن بعيد ومعتم وجت مي. بصت مي حواليّها بخوف وقالت: أبيه أرجوك متأذيش ماما نور. هيا معملتش حاجة. بالعكس هيا كانت بتحاول تحميك انت وغرام. ضيق عينه باستغراب وقال: تحميني أنا وغرام؟ تحمينا من مين بالظبط؟ بلعت

ريقها بخوف وتوتر وقالت: بابا هو اللي خطف ابنك وحرق المصنع ولسه عايز يخطف غرام ويحرق قلبك عليها. ماما نور ملهاش ذنب.