رواية حرم الفهد الفصل السابع والأربعون 47 - بقلم سمية احمد

استدار "أسر" بخوف ورفع يده وقال: هتصدق لو قولتلك معدي بالصدفة وأتلخبطت، وكنت مفكرها "غرام" أختي، هتصدقني صح؟ رفع حاجبه وقال وهو بيضغط على أسنانه بعصبية: يابني أنت ليه مصمم كل ما أشوف خلقتك أرنك علقة، هو أنت مبتحسش يا عديم المشاعر؟ نفخ بضيق: يعم فكك من جو الأشخاص الحساسة، أنا بارد والله. لكمه بغضب وقال: أقسملك بالله يا "أسر" الزفت لو هويت ناحية أختي تاني لهخليك تشوف الدنيا ألوان.

ابتسم بسماجة: مقبولة منك الضربة يا أخو مراتي. صرخ بغضب وهو بيضربه: يا مستفز، يا بني بطل أم تقل دمك. صرخ بغضب ووقع على الأرض وقال: حسبي الله ونعم الوكيل في كل ظالم وأولهم أنت يا "آيان". لسه هيمد إيده عليه، قربت منه "نور" وقالت لأخوها: خلاص يا "آيان" أنت مش شايفه بقا عامل إزاي. ابتسم من وسط التعب وقال بهيام: مراتي. بص لـ"أسر" بصدمة ورجع بص لأخته وزعق فيها بغضب: اطلعي فوووق. أتنفضت

بخوف وقالت وهيا ماشية: وأنا مالي، يكش ميسبش فيه حتة سليمة. سحبو من الأرض وهمس جنب أذنيه وقال: مراتك صح؟ أنا هعرفك مين مراتك. دفع "أسر" "آيان" وقال: متبطل يالا شغل العقارب وخف نحنحة، علشان لو موافقتش على جوازي أنا وأختك مش هخليك تتجوز. شد شعر "أسر" بإيديه الاتنين وهو بيضغط على أسنانه وقال: يا بن المستفزة، وربنا هعمل منك بطاطس محمرة. صرخ بألم: شعري يا حيوان، هبقى أقرع بسببك.

ــــــــــــــــــــــــــــــــــــــــــــــــ _بس أنا مقولتش يا "فهد". أتنهد وقال: قولتي ولأ مقولتيش، أسرارنا مينفعش حد يعرف بيها، حاجة حصلت بيني وبينك اتخانقنا وكبرت المشكلة أو قدرنا نلمها ونخلص، الدور مش لازم حد يعرفها، معرفته مش هتغير حاجة فيها غير إنه عرف، أنا وأنت هنتخانق ونتصالح وطبيعي ده يحصل، لكن أي دخل الطرف التالت بينا؟

لو اتخانقنا هننسى لأننا بنحب بعض وفي بينا عشرة عمر، لكن الشخص اللي عرف مش هينسى وهيفضل يتكلم ويحكي عن المشكلة دي كتير وهو ميعرفهاش ولا يعرف وقتها كنت تحت ضغط نفسي ولا لأ، ولا تعب جسدي، يعني باختصار مش من حق حد يعرف أي بين "غرام" و"فهد" مهما كان درجة القرابة اللي بينا. ابتسمت وقالت: لأنه معش اللي أنا عيشته، ومحدش شاف الجانب الحلو من "فهد"، هو سمع الوحش اللي حصل وقت المشكلة بس.

هز رأسه بتأكيد وقال: بظبط ده اللي بحاول أوصلهولك. مسكت إيده

بين يديها الصغيرة وقالت: من أول ما اتجوزنا وأنا شخصيتي بتتغير يوم عن يوم، معرفش إذا كنت من جوايا بحاول علشان حابة التغير ده، بس في الحقيقة أنا بتغير معاك تلقائي، يعني من غير ما بحس بلقي نفسي اتغيرت في كذا لأن "فهد" عمل كذا وفهمني كذا، قبل جوازنا كنت البنت الدبش المستفزة، أنا كنت كده لأني مفكرة نفسي بحميها، كنت بعمل حاجات عكس شخصيتي لأني عارفة مفيش أب، مفيش أخ، مفيش سند أستند عليه وقت لما أقع وأقولوا جابلي حقي، أنا

كنت فاقدة كل ده يا "فهد"، بعد جوازنا كل حاجة كنت أتمنى في يوم تبقى نصيبي، بقت عارف، أنت كنت النور اللي نور حياتي، كل يوم بحط راسي على الوسادة وأنا مش خايفة، مطمنة، لو في مشكلة مش ببقى بأكل في نفسي عشان أحلهال لأنك بتحلها في نفس اللحظة، بص من الآخر أنت تركيبة صعبة بس جميلة وبحبها، مستحيلة بس بقت من نصيبي، حاجة كده أنا مدمنها، بتنفسها، بحبها، أنا مش عارفة أعبر بس أنت فاهمني صح.

هز رأسه وقال بابتسامة: وإن مفهمتكيش أنا مين هيفهمك؟ _لما تلقي الشخص الصح. ضحك عليها بكل صوته وقال: وأنت لقيتي الشخص الصح. قربت منه وقالت: عندك شك؟ كل ده وملقتوش. "فهد" برفعة حاجب: بس أنا برضو لقيت الشخص الصح. حطت رأسها على صدره ونامت في حضنه وقالت: إزاي. رد عليها وهو باصص للسقف: أنت يا "غرام". رفعت رأسها وبصت عليه وقالت: أنا إيه؟ حط إيده في خصلات شعرها البنية وقال بهيام: أنتِ الحياة. لمعت عيونها وقالت: وأنت الؤنس.

بص لعينيها وقال بغزل وهيام من لونها الرائع: عيونك جميلة زي السما بالظبط وأجمل. طبعت قبلة على خده وقالت بغزل: حين تقول أن عيناي جميلة كالسماء متى كانت السماء جميلة إلى هذا الحد. ـــــــــــــــــــــــــــــــ _مستني على فكرة بقالي كتير. قعدت على الأرض وبصت للفرن ورجعت بصرها عليه وقالت: بص هيا الكيكة نفخت معرفش كده حلوة ولأ وباظت، بس هيا قالت بتبقى هشة صح؟ ابتسم عليها وعلى حماقتها في مجال الطبخ، قرب

منها وخبها في حضنه وقال: صح هيا قالت كده، وبعدين يا حبيبي أي حاجة منك جميلة ولو وحشة هاكلها كلها مدام إيدك لمستها أكيد جمالها وطعمها ميتقاومش. سقفت بإيديها بحماس وقالت: بما إني عملت كيكة لـ "التلج" ده هعمل جنبها شاي بلبن ونشغل فيلم ونقعد نسمع، أنا وأنت بقالنا كتير أوي معملناش كده، نفصل عن العالم ونعيش في عالم مفهوش غيري أنا وأنت بس. _أجمل عالم بتكوني فيه أنتِ. دفعتو

ناحية الباب وقالت بتهديد: روح وإياك يا "أياد" متحضرش فيلم يكون كريتيف وحلو وتجهزي لزوم السهرة، وأنا هعمل شاي بلبن لحد ما الكيكة تستوي. ــــــــــــــــــــــــــــــــــــ بعد مرور أسبوع كانت كل أبطالنا قاعدين في شقة فهد. وقف قدام المراية بيعدل هدومه، جت من وراه وقالت بابتسامتها البشوشة: حبيبي. ابتسم وقال: قولي اللي عندك، مش بتقلقني غير حبيبي دي. مسكت إيده وقالت: هو أنا كده بجد.

هز رأسه ورجع كمل وقالها: وابو كده يا قلبي. _هو ممكن تخلي "آيان" يوافق على "أسر"؟ بقاله أسبوع بيحاول معاه وهو مطلع عينه ورافض، هو أخويا وحش للدرجادي؟ بجد أنا اتضايقت من تصرف "آيان".

مسكت وشها بين كفوفه وهمس: يا روحي أخوكي مش وحش بس هو عمل كام فصل مع "آيان" فا بيربيه بس، لكن من ناحية أخوكي وحش والكلام ده فا لأ، "أسر" أيوه بيهزر بس راجل قد كلمته ويشيل المسئولية، وبعدين "آيان" مش هيلقي لأخته زي "أسر"، بس هو بيحاول يظبطه بس، لكن من ناحية هيوافق فا سبيها بظروفها. نفخت بضيق وحاولت تستخدمها سلاحها الخاص وقربت منه وقالت بدلال: يعني حبيبي ميقدرش ينفذ الطلب ده لـ"غرام".

قرب وهمس جنب أذنيها: وأنا مقدرش أرفض طلب لـ"غرامي". خرج "فهد" بصحبة "غرام" في الرسيبشن، قاطع الصمت صوت "آيان". _أنا هعمل الخطوبة مع كتب الكتاب ومحدش هيعارضني. لسه هيرد عليه "أياد" بس سبقو "أسر" لما وضع قدم على قدم وقال بتشرط: عايز خطوبتك تكون مع كتب الكتاب، يبقي أنا خطوبتي على أختك في نفس اليوم وأنت حر. عض شفاتيه بغيظ وقال: بقولك إيه، نجوم السما أقربلك منها. _ليه، كانت أنجلينا جولي ولا جورجينا. أجابه "آيان"

بغيظ: ستهم يالا، تعرف بقي الصنف الأجنبي ده مبيأكلش عيش، مفيش زي الشرقي المصري الأصيل اللي تقولك يلا يا حبيبي تعال حمرتلك الفراخ والمحشي وعملت صنية بطاطس باللحمة، لكن بتاعت هاي وباي دي عاملة شبه الباب، مالهاش لازمة. ابتسمت بانتصار لما أخوها رد عليه. حمحم "فهد" وقال بصرامة: بما إن الكل بيسمع كلامي والكل حسسني إني من حقي أدخل، يبقي محدش يزعل على حاجة أقولها، واللي أقوله يتنفذ بالحرف، تمام. أومأ الجميع بنعم.

رجع كمل كلامه وقال: خطوبة وكتبت كتاب "داليا" و"آيان"، و"أسر" و"نور" في نفس اليوم ومع بعض.....