رواية حرم الفهد الفصل الثالث 3 - بقلم سمية احمد

قالتها ندي لما لقيت فهد هو اللي كمل كلام صحبتهم. بص فهد لغرام بخبث: اه جيت اخدك لو خلصتي محاضراتك يلا نمشي. غرام قامت لمت حاجتها ولسه هتمشي وقف قدامها فهد. فهد بخبث: علي فين يا جميل. غرام بأستغراب: في حاجه مروحه. بصلها بمكر: ومتجيش معانا ليه. غرام بقلة صبر: لو اخر واحد في الدنيا مش هركب معاك. قرب منها فهد وقال: اركبي علشان معملش معاكي زي امبارح وبصراحة أنا بموت في قلة الأدب.

برقت غرام بصدمة من جرائته. بصت للأرض بخجل من كلام الوقح. ندي: يلا يا فهد. تعالي معانا يا غرام ياسمين مشيت مع ابن عمتها. وانتي هتروحي لوحدك واحنا موجودين. فهد بخبث: ايوه يا ندي قوليها مفكرانا بعُض الناس ولا بتحرش بيهم لا دا انا ابن ناس متربي حتي هدهد تزعل مني يا غرامي اصلها بتعزك اوي ومن ناحيه بتعزك في هيا بتعزك اويي. قالها فهد بمكر ممتزج بالدرما. أبتسمت غرام بهدوء وندي علي كلامه. وضع فهد يده

مكان قلبه وتكلم بدراما: ضحكت يعني قلبها مال وخلاص. الفرق ما بينا اتشال. عدت غرام من جنبه بكسوف من كلامه وسبقتهم علي العربية. ندي بمرح: عم النحنوح خف علي البت شوية. ضربها قلم علي قفاها: هو انا واحد بلعب معاكي في الشارع. وبعدين خليها كده انا عرفت دواها اي اللي زي غرام دي لازم تستوي علي نار هادية لحد ما تقول حقي برقبتي. ميبقاش اسمي فهد البحيري لو مخلتها هيا اللي تجيلي وتطلبني وتعترف.

ندي بمرح: تطلبك اي. هيا البنات بقت بتتقدم للولاد وانا معرفش. ضربها فهد بمرح: مالكيش دعوة ده كلام +18. ركب فهد العربية وجنبه اخته وقعدت غرام في الكرسي اللي ورا كرسي فهد علطول. بتبص علي الطريق متجاهله نظرات فهد الي في المراية. حست مرة واحدة بأيد بتشد أيدها بصت لقيت فهد مدخل أيده من ناحية الباب وبيشد أيديها.

برقت بصدمة وبصتله في المرايه. بصت ناحية ندي بتوتر لقيتها مشغولة في الفون. رجعت بصتله بعصبية وهيا بتحاول تسحب ايدها من ايده بس هو كان اقوي منها. فهد كان مبتسم بخبث. فهد بينه وبين نفسه: اهو بقي خايفة تيجي معانا في العربية وأنا بقي هخليكي تكرهي اليوم اللي جيتي معانا فيه اصبري بس. بصتله غرام لقته بيعض علي شفايفه بأغراء. نزلت رأسها ووشها بقي احمر من وقاحته. *** اخيرا وصلوا نزلت. ندي وغرام وراها وبعدهم فهد. بصت جارة غرام

اللي في الشارع بغيظ وقالت: مغفلة امها ومقضياها ما هيا لازم تقضيها حد يلقي ويقول لا. فهد كان ماشي وسمعها بص لغرام لقى عيونها مليانة دموع وهتعيط. لف وبص للبنت دي وقالها: انتي بتتكلمي علي مين. شجن بدلال: مبتكلمش علي حد ياسي فهد. فهد زعق بعصبية من قلة أدبها: اتكلمي معايا عدل وبطلي قلة ادب. كل الشارع خرج علي صوت كبير الشارع اللي هو فهد. شجن بخوف: مكنش قصدي حاجة يا بيه.

فهد بزعيق: اسمعيني يا بت انتي غرام تحترمي نفسك معاها انا مش أطرش علشان مفهمش كلامك علي مين سامعني. اعرفي حدودك مع اسيادك تمام. مش حرم فهد البحيري اللي واحدة زيك متسواش حاجة في سوق الستات تقول عليها كده. هيا ست الستات واي حد في الشارع هيفكر يمسها بكلمة هقطعله لسانه. بص فهد لأبو شجن وقال: لم بنتك ياعم محمد رحمة ابويا لو فكرت تقرب من غرام تاني هزعلها لولاها ست كنت كسرتها في بعضها بس أنا مبمدش ايدي علي ستات.

بص الشارع كله لغرام الحاسد والحاقد واللي مبسوط من حب فهد ليها. واللي نفسها فهد يحبها زي ما بيحب غرام. بس غرام كانت في عالم تاني أول مرة حد يدافع عنها شجن مش بتبطل تلقح عليها بالكلام. حست إن ليها سند مشاعرها اتلخبطت بعد الموقف ده بس فهد كبر في نظرها. صحيت من افكارها علي صوت فهد. فهد بحنية: اطلعي يا غرام.

كانت عايزة تتخانق معاه علشان قال أنها حرمه بس لسانها اتربط ومعرفتش تتخانق معاه هو ليه سحر خاص. ليه بتبقي خرسه قدامه أحيانا. مع انها مش من طبعها بس شكلها وقعت في غرام فهد البحيري. طلعت غرام بيتها وقلبها بيدق جامد. دخلت اوضتها وحطت أيديها علي قلبها: لا متدقش كده احنا منفعتش. اوعي تحبه لاء. بس ليه لاء. *** دخل فهد هو وندي البيت لقي مامته بتحضر الاكل. أبتسم وقال: عرفتي ازاي اننا جايين دلوقتي.

هدي بخبث: من زعقك اللي مسمع اخر الشارع علشان ست غرام. قعد علي الكرسي وقال بتعب: وياريته نافع يا امي. شعري شاب وأنا بحاول أقنعها اني بحبها. بس عادي وماله حقه الجميل يدلع بس والله كله هيطلع عليها في الآخر. أبستمت هدي علي حب ابنها لغرام هيا بتحب غرام زي بنتها. اول ما سكنت كانت علطول تقولها ربنا يجعلك من نصيب الفهد يا بنت نور. هدي بدعاء: ربنا يريح قلبك يا حبيبي واشوفك اجمل عريس انت وهيا واشيل عيالكوا ياارب.

قبل يد ولدته وقال: ربنا يخليكي ليا يا امي كتري من الدعاء ده كتير علشان أنا صبري خلص. *** في بيت غرام. طلعت علي صوت زعيق مامتها. غرام: نعم يا ماما. نور: بقولك يا حبيبتي اطلعي قولي لخالتك ام فهد إن المقاسات مش مظبوطه فيها لخبطة. غرام بأستغراب: مقاسات اي. نور بقله صبر: غرام بلاش غبائك دلوقتي يا حبيبتي اطلعي قوليها كده وخلاص. لبست غرام سدالها الاسود اللي عكس لون بشرتها البيضه وعيونها الصافية زي صفاء البحر.

خبطت غرام علي الباب اتفتح الباب ومرة واحدة صرخت بقوة.