رواية حرم الفهد الفصل الرابع 4 - بقلم سمية احمد

إيه أول مرة تشوفي حد كده؟ قالها فهد بخبث لما غرام صوتت ولفت بصت الناحية التانية. غرام بضيق: ادخل أستر نفسك. فهد بمكر: ليه كده يا حبيبتي، ده إحنا كلها سنة وهنتجوز. غرام بغصبية: حبك برص يا فهد، ادخل استر نفسك. أتكلم فهد بخبث: ليه هو أنا كده مش مستور؟ غرام بكسوف: فهد ارجوك ادخل البس أي تيشرت، مينفعش كده بجد. صعبت عليه غرام لما شافها هتعيط من الكسوف، قفل الباب في وشها علشان عارف إنها هتتعصب.

غرام بعصبية: واحد قليل الذوق محتاج إعادة تربية. مين ده اللي محتاج إعادة تربية يا شبر ونص؟ قالها فهد وهو بيفتح الباب. بصتله غرام لقيته لبس تيشرت أسود على البنطلون الأسود. غرام بنرفزة: بس يا أبو طويلة. فهد: ليه كده يا حبي، ده البنات دلوقتي هتموت على الطول ده، متبقيش مش وش نعمة يا حبي. غرام بعصبية: حبك برص. فهد لما لقى كلمة "حبي" عصبتها، حب يعصبها أكتر، قرب منها وهي بترجع لورا، ويتكلم وهو بيقرب منها: ليه كده يا حبي...

يا قلبي... يا حبيبتي.. يا غرامي... يا مزتي.. يا منجتي.. يا مضيعة شبابي... يا سارق السهر من عيني... يا آخرة صبري... خبطت غرام في الحيطة، عرفت إن مفيش مفر، لقت نفسها محاصرة بين جسم فهد والحيطة. سند فهد بأيده الاتنين على الحيطة. قرب منها وهمس جنب أذنها: مش عارف إيه حكايتنا مع الحيطة، بس وربنا ما حد بيلمنا غيرها. ابتسمت غرام بخجل: احترم نفسك. فهد بخبث: طب بدل ما الحيطة بتلمنا، مينفعش شقة واحد تلمنا؟

دانا حالي يصعب على الكافر يا شيخة. غرام بتوتر: فهد ابعد بقى. فهد بمكر: طب مينفعش فهد يقرب؟ رفعت وشها واتكلمت بعصبية: بطل قلة أدب بقى. فهد بحب: أيوه كده يا شيخة، ارفعي وشك خليني أشبع من القمر ده والعيون الملونة دي. بصت للأرض بكسوف: فهد بقى، متبقاش رخيم وابعد. عيب حد يشوفنا.

فهد: حد يشوفنا، دانا طارد كل الناس اللي هنا عشان أعرف أمسكك على السلم براحتي. محدش ساكن في العمارة غيرنا، لو قصدك على أمي، فأمي نايمة وندي بتذاكر، الروح الدحيحة خرجت من جواها تقريباً عشان عليها امتحانات. وأمك تلقيها بتتخانق مع المكنة. مفيش غير أنا وإنتي يا جميل والشيطان تالتنا. فركت إيديها بتوتر وقالت برقة: لو سمحت يا فهد. فهد بوقاحة: ياااالهووووي على فهد وسنين فهد السودة في حياتي. برقت غرام بصدمة: مالك؟

فهد بنرفزة: مالي؟ اقعدي قولي زفت فهد وسبيني في شوقي. بيقولوا ستر الرجل بيمنعه من المشي شمال، وإنتي لميني يا جميل عشان أنا همشي بطال. غرام بعصبية: فهد بطل وقاحة بقى وسبني أمشي. قرب منها فهد وهمس: طب ولما إنتي تمشي فهد هيعمل إيه؟ إنتي دمرتي فهد وسنين فهد، وبصراحة مينفعش كده معاه. زقت غرام فهد بسرعة لما شافت هدى جاية ناحية الباب. هدى بهدوء: بتعملوا إيه يا حبايبي؟

فهد بتعلثم: كنت بنفخ في بوقها، قصدي بنفخ في عينيها، دخلت دبابة، قصدي دخل تراب. يووووه بقى يا ماما، سيبيني في حالي. شل توتي معاكوا. ضحكت غرام وهدي على توتره. اتكلمت غرام مع هدى بحب: ماما عايزكي يا طنط. هدى بحب: حاضر يا حبيبتي، اطلعي وأنا هحصلك. طلعت غرام سلمة ورجعت تاني وقالت وهيا بتشاور على فهد: آه صح يا طنط. متنسيش تربي ابنك الوقح ده. طلعت غرام جري وطلع وراها. فهد مسكها من وسطها ولسه هتزقه، النور قطع. قربت

غرام من فهد واتكلمت بخوف: فهد قرب، أنا خايفة. حضنها فهد واتكلم بخبث: يارب النور ما يجي، بقي الواحد ما صدق. غرام بعدم فهم: صدق إيه مش فاهمة. فهد باللامبالاة: مالكيش دعوة إنتي. اتكلم فهد بخوف لما لقاها بتترعش بين إيده: غرام مالك يا حبيبتي، إنتي كويسة؟ غرام ببكاء: أنا بخاف من الضلمة أويي. دور على تليفونه في جيبه بنطلونه، بس للأسف كان ناسيه. زعق بكل صوته على أخته ومامته.

همس لغرام: هششش، متخفيش يا حبيبتي، أنا موجود دلوقتي. هتطلع ندي ومعاها كشاف. غرام بخوف: فهد متسبنيش. فهد بعتاب: حد يسيب روحه؟ ياريت تحسي بيا بس، أنا تعبت من المحاولة معاكي، وإنتي عنيدة بطريقة. قبل ما يكمل كلامه، النور جه. بعدت غرام عن فهد بكسوف واستوعبت إنها كانت في حضنه. زقته وجرت على بيتهم. فهد باستغراب: البت دي هبلة ولا إيه؟ ربنا يشفي. ربنا يشفي إيه؟ بنت العبيطة، واخدة قلبي معاها. ***

دخلت غرام بيتهم وجرت على أوضتها، ومردتش على مامتها وهي بتناديها. رمت نفسها على السرير واتكلمت بعصبية من نفسها: حبكت تحضنيه؟ بس أنا عندي فوبيا من الضلمة، مكنت حضنت السلم، الحيطة، أي حاجة. ردت على نفسها بغباء: هو أنا عندي جفاف عاطفي عشان أحضن السلم؟ أي التخلف ده؟ بس حضنه جميل أويي. صرخت مرة واحدة وقالت: بقيت سافلة شبهه، من لله. مرة واحدة سمعت صوت حد مسمع العمارة كلها: بتصوتي ليه يا غرامي؟

يكش تتلبسي زي ما طارتيلي ربع مخي. بقي ربع مخي ضارب، يبنت نور. بس بحبك، لو همشي في الشارع بكلم نفسي ويقولوا فهد البحيري بقى أهبل، بس بحبك والله. حني علينا، يكش تدخلي الجنة. منفسكيش تبقي كتكوتي وأبقى كتكوتك ونعيش في محن، ونعمل شبه العيال المختلفة المرتبطة اللي بيحسسوني إني جد.

ضحكت غرام بكل صوتها على فهد المرح. فهد عموما مش مرح مع أي حد، معاها بس. فهد شخصية قوية وصارمة جداً وعصبي وشخصية صعبة، بس معاها بيقدر يتخلى عن كل عيوبه عشانها، بس لأنه عارف غرام بتحب الأشخاص المرحة. غرام حاجة تانية عند فهد، هي روحه، مش بس مجرد واحدة بيحبها. *** في صباح اليوم التالي، في محل فهد، كان قاعد على المكتب وبيزعق في التليفون. فهد بعصبية: يعني إيه البضاعة تتسرق؟

عايز تقنعني إنها اتسرقت ولا أنا مشغل معايا شوية أغبياء؟ لو معرفتش مين اللي سرق البضاعة، وقتها هتقابل وجه كريم. قفل الفون ورزعه في الحيطة بعصبية. زعق بعصبية: أياااااد. دخل أياد وهو خايف من حال فهد، واتكلم بهدوء عكس الخوف اللي جواه: نعم يا فهددد. وقف فهد وخبط على المكتب بعصبية: دلوقتي حالا تعرفلي مين اللي سرق البضاعة اللي كانت جاية في الطريق. قدامك 24 ساعة، صدقني يا أياد، وقتها مش هرحمك لو عدت المدة.

طلع أياد بخوف لأنه عارف فهد وقت عصبيته مبيبقاش شايف حد. قعد على الكرسي ورجع رأسه بتعب، حط إيده على راسه واتكلم بإرهاق: مش عارف ألاقيها من فين ولا فين يا رب. *** في المساء، رجعت غرام هي ومامتها بليل حوالي الساعة اتناشر من بره. طلعت على السلم هي ومامتها، لقت فهد واقف قدامها. فهد بعصبية: كنتي فين كل ده؟ غرام بعدم فهم: وإنت بتسألني ليه؟ فهد بعصبية: مترديش السؤال بسؤال يا غرام، اتأخرتي بره ليه؟ غرام بعصبية: وإنت مالك؟

اتأخر براحتي. فهد متنساش نفسك، إنت مش جوزي ولا أخويا، إنت مجرد شخص صاحب العمارة اللي إحنا ساكنين فيها وبس، وأخو صحبتي. نور: خلاص يا غرام اسكتي. فهد يا حبيبي، غرام كانت معايا، كنا بنجيب حاجات ورجعنا متأخر. عض فهد على شفايفه بغيظ: ماشي يا أمي، ماشي. دخلت نور بيتها وسابت غرام وفهد برا. غرام بنرفزة: كاتم عصبيتك ليه؟ خرجها. قرب منها فهد وعض شفايفه بعصبية واتكلم بغيظ: بت انتي مستفزة كده ليه؟

بجد أنا مشوفتش حد مستفز ورخم زيك. غرام بعصبية: اهو إنت. قرب منها فهد وووو