رواية حرم الفهد الفصل الثالث والعشرون 23 - بقلم سمية احمد

همست "غرام" بشفتين مرتعشتين: داليا!! احتضنت داليا بيديها نفسها ونزلت رأسها لتحت ودموعها كالشلال. همست داليا وهي تحاول تخرج الكلام بالعافية: غ.. غغ... غرام... هتفت باسم غرام ورمت نفسها في حضنها وعيطت كالأطفال. انهارت في حضنها. رفعت غرام يديها لتطبطب عليها، لكن يديها فضلت متعلقة في الهواء. لما سمعت صوت عياط داليا وشهقاتها، طبطبت عليها وحضنتها. مقدرتش تبقى قاسية أكتر من كده مهما علاقتها بداليا كانت مش أحسن حاجة.

بعدت داليا عن غرام ولم تكن تعرف ماذا تقول. بعد ما وعيت وشافت نفسها، لم يكن أمامها غير غرام. شافت غرام الحيرة في عينيها وشدتها جوا البيت وقفلته. ابتسمت غرام وقالت بطيبة: منورة البيت بيكي يا داليا. نظرت داليا للأرض بخجل من نفسها ومن كل حاجة عملتها في غرام ولسه عايزة تعملها. كيف كانت مغيبة ولم تكسب غرام صديقة لها. صفقت غرام بيديها بحماس لتحاول تخرج داليا من المود: إيه هنفضل واقفين كده نسرق نظرات لبعض. هزت داليا

رأسها بعدم فهم وسألت: قصدك إيه. شدتها غرام ناحية أوضة النوم الخاصة بها هي وفهد وقالت: إيه أنتِ تعالي معايا. دخلت غرام وداليا أوضة غرام. خرجت بيجامة وقالت وهي تشاور بيديها: دي بيجامة متخفيش جديدة عشان لسه معظم حاجتي ملبستهاش. عندك ده بودي سبلاش ومرطب ولوشن وبرفان. ادخلي في التواليت اللي برا خدي شور، وهتطلعي تلاقيني مستنياكي نأكل سوا. عاملة صينية بطاطس بالفراخ تستاهل بؤقك.

ابتسمت داليا بحزن. على قد ما هي مبسوطة إن غرام استقبلتها، على قد ما هي حاسة إن قلبها اتكسر. في حاجة جواها محدش هيقدر يعالجها. سمعت كلامها وخرجت من التواليت، لقيت غرام قاعدة على السفرة ومستنياها. فركت يديها بتوتر ودموعها لسه بتنزل على وشها. ابتسمت غرام وقالت: شوفي أنا ميتة جوع وبصراحة مش قادرة أسألك على حاجة. نأكل وبعدها نقعد نتكلم مع بعض بكوباية شاي بالنعناع ونرغي قدام الدفاية ونسمع فيلم يخرجنا من المود.

كانت عارفة إن غرام شكت في شكلها وعارفة إن غرام بتعمل كده عشان تخرجها من المود. قعدت جنب غرام وهي بتبص على الفيلم ودموعها بتنزل. شهقت. بصت لها غرام. طفت التلفزيون. غرام: داليا أنتِ كويسة. قوليلي فضفضي. هسمعك حتى لو مبنتطقش بعض. زاد عياطها أكتر وهمست من وسط عياطها: أنا اغتصبت... برقت غرام بصدمة وهمست: إيه....

مسحت دموعها وقالت: كنت رايحة أقابل واحدة صحبتي. العربية عطلت وفي تلات شباب كانوا هيساعدوني بس طلعوا شاربين ووقتها.... مقدرتش تكمل كلامها وعيطت. حضنتها غرام وقالت: إن الله يعلم وأنتم لا تعلمون. بعد ساعتين عياط، دخلت داليا تنام في أوضة الأطفال. لسه غرام هتدخل أوضتها، سمعت صوت باب الشقة بيتفتح. جريت جري وحضنت فهد. ضحك فهد وهو يلف إيده حولين وسطها: للدرجادي وحشتك. بعدت غرام وقالت: آه فيها حاجة. ضحك فهد.

وسألت غرام: أكلت ولا أكملك أكل. فهد: لأ ما أكلتش. حطي الأكل لحد ما أدخل أغير هدومي وأجي. بعد شوية كان فهد نايم على السرير جنب غرام واللاب على رجله بيشتغل عليه. غرام جنبه بتحاول تفتح معاه موضوع داليا بس خايفة. اتكلم فهد وهو عينه على اللاب: بطلي فرك وقولي عايزة تقولي إيه. ردت غرام بخوف: داليا عندنا. اتنفض فهد بسرعة وقال: إيه؟!! وقفت غرام وقالت: داليا في البيت نايمة في أوضة الأطفال.

مشي فهد بسرعة ناحية الباب عشان يطلع. سبقته غرام قافلة الباب وواقفة وراه وفهد قدامها. غرام بتوتر: فهد عشان خاطري، متجرحهاش بالكلام. زعق فهد بعصبية وقال: أنتِ واعية بتقولي إيه، دي كانت هتقتلك. قربت غرام وحطت إيديها على فم فهد وقالت بعياط: فهد اللي حصلها مش قليل. عشان خاطري سيبك منها، خليها فترة وهتمشي بعد كده. لسه فهد هيزعق. لقي غرام بتسند برأسها على صدره بتعب. فهد بقلق: غرام حبيبتي أنتِ كويسةةة، غرررااام.

همست بضعف: فهد أرجوك. هز فهد رأسه بتعب ووافق على طلبها. *** بعد مرور خمسة أشهر. خرجت غرام من أوضتها بتزعق: أنتَ يا فهد. اتنهد فهد بضيق: نعم خير... عيطت وقالت: فستاني مش داخل فيا. هحضر فرح أختك بـ إيه. ضحك فهد وقال: نجيب غيره عادي. مسحت دموعها وقالت: بجدد. قربه منها فهد وحط إيده على بطنها المنتفخة: جد جد. وبعدين الباشا بيكبر. نضيق عليه ولا إيه. هزت رأسها وقالت: الباشا يؤمر. ***

نزلت غرام ووراها فهد وهو لابس بدلة كلاسيك. دخل لقي أخته في كامل زينتها. كان شكلها يسحر. دمعت عيونه وقال: سبحان من أبدى في خلقه، سبحان جمالك يا ندا. عيطت ندا وحضنت أخوها. دمعت عيون داليا وغرام من كلام فهد. اتكلم فهد بمرح عشان أخته: هنقضيها نكد وفرحك أنهاردة. لأ وألف له. بص فهد وقال بغزل لغرام: "خدُ قلبي ودلعهُ، وهات قلبك أزعلو". بصت غرام بخجل من كلامه، وضحك الكل عليه. نزلت ندا برفقة

أخوها وسلمها لأياد وقال: شوف مش هقولك أمانة في رقبتك وحافظ عليها وهكذا عشان عهد الله لو زعلتها لأخليك تشوف الدنيا ألوان. ابتسم أياد ومسك إيد ندا وقال: الواحد كان هيعنس عشان يتعمله فيرست لوك بس أخوكي بوظ الدنيا. وقف فهد جنب غرام. شبكت أيديها في إيده. اتكلم فهد وهو باصص على أخته: خطفها مني، أخد قلبي. بصتله غرام بحب. بتحب حب فهد لأخته. كانت تتمنىٰ يبقى عندها أخ نفس فهد.

وقفت داليا وحست بحد بيمسك إيدها. بصت بخوف بس ابتسمت بطمأنينية وهي شايفة أسر جنبها. حاول عشانها واتغير واتقبل الماضي بتاعها. ساعدها تتعافى وتنسي اللي فات. وعرفت إن حبها لفهد مكنش حب قد ما كان حب أخوي. بص فهد لكل اللي حواليه بفرحة. مبسوط بتغير داليا. مبسوط إن غرام اتقبلت أخوها وأبوها وسامحت. مبسوط من تغير أسر. حاس إن كل حاجة بقت تمام دلوقتي. همست غرام وقالت: بتبص على الكل كده ليه.

لف إيده حولين وسطها وهمس: جايز عشان مبسوط إن العائلة بقت أحسن من الأول. كل واحد لقي نصه التاني. ابتسمت غرام وقالت: صح. مين كان يتخيل إن داليا تتغير وتبقى شخصية كويسة. مين كان يتخيل إن أسر اللي كان بيهددني وعايز يأذيني يبقى أخويا ويتغير ويحب داليا. بصراحة عمري ما جت في بالي داليا وأسر في جملة واحدة. ابتسم فهد ومسك المايك وقف

قدام غرام وقال قدام الكل: الحقيقة إن الإنسانة اللي واقفة قدامي مش مجرد إنسانة زينا. دي قدرت تحب وتطبطب وتداوي. تنسى وتكمل. تبقى ضلي. بصراحة فهد اللي شايفينه دلوقتي مسنود بغرام. غرام هي مش بس حرم الفهد، هي ملكت الفهد. قدرت تغير الفهد وتغير كل اللي حواليها. حاولت كتير أشوف غرام بني آدمة زينا بس الحلويات حلويات. ابتسم الجميع على كلمته. ليتناول أياد من فهد المايك.

أتكلم وهو باصص لندا: أعظم بداية هي جوازنا. عيونك قدرت تهزمني من أول مرة. كنت أظن إني لم أُهزم. فوالله، أوقعتني عيناكي في بحورها. سقف الكل على كلامه. شد منه أسر المايك وقال وهو ماسك إيد داليا: الحقيقة إنك مسكتي إيدي من وسط مستنقع كنت عامله لنفسي. قدرتي تغيريني للأفضل. أسر مكنش هيبقى أسر دلوقتي وفخور بنفسه لولا وجود داليا في حياته. تناول فهد المايك مرة تاني وقال

وهو باصص في عيون غرام: أصابني سهم ولكنه لم يكن على هيئة شيء يؤلم قدر ما كان غرام اخترق قلبي. عيونك عبارة عن أسهم كل حين. ماذا فعل الفهد حتى تكوني من نصيبه. ماذا فعل حتى تصبحي حرم الفهد.