رواية حرم الفهد الفصل الثامن 8 - بقلم سمية احمد

بصت غرام لمامتها بصدمة من كلامها. مكنتش مستوعبة مامتها قالت إيه. غرام بزعيق: خطوبة مين على مين؟ فهد بخبث: خطوبتي أنا وانتي. أوضحلك أكتر، خطوبة فهد وغرام الخميس اللي جاي. غرام بعصبية: خطبوك بدري يا بعيد. ده بعدك. فهد بزعيق: غرام اتعدلي وردي عدل. خطوبتي أنا وانتي الخميس اللي جاي والكلام انتهى. غرام: مش هتعدل ومفيش خطوبة يا فهد ولا أي حاجة من الهبل ده.

نور بصرامة: لأ، فيه خطوبتك على فهد الخميس اللي جاي ورجلك فوق رقبتك. لو فاكرة بعد الهبل اللي حصل امبارح هسكت، تبقي هبلة. يا غرام شكلك لسه متعرفيش أمك. غرام بعياط: لأ يا ماما، أنا لسه صغيرة. نور بزعيق: صغيرة؟ لو صغيرة مش هتعملي اللي عملتيه. كلامي خلص. لو عرضتيني اعرفي إن قلبي غضبان عليكي ليوم الدين. بصت غرام لمامتها بخذلان. مكنتش متوقعة رد فعل مامتها يبقى كده. عيطت ودخلت أوضتها. بص فهد على طيفها بألم.

فهد: حماتي، مش علشان وافقتي على طلبك هسمحلك تيجي على غرام. أنا لو وافقت ده علشان انتي خايفة عمامها يظهروا. غير كده مش هسمحلك تزعليها. خرج فهد بعصبية ورزع الباب وراه. هدى: معلش يا حبيبتي، انتي عارفة فهد عند غرام مبيبقاش شايف قدامه. وبرضه طريقتك مع غرام مكنتش حلوة. كل حاجة بتيجي بالمساسيه وبالعقل. ودي بنتك وانتي أدرى بيها.

مشيت هدى وندا. وفضلت نور قاعدة مكانها، وعارفة إنها غلطت في حق بنتها، بس لازم تعاقبها على اللي حصل. ولازم غرام تتجوز فهد علشان لو لقوها عمامها هياخدوها غصب عنها. ووقتها مش هتقدر تحميها. فهد بس اللي يقدر يقف في وش عيلة المحمدي. تاني يوم نزلت غرام تتمشى قبل المغرب. شمت ريحة برفان فهد مالية العماره. هيا بقت بتعشق برفانه. بقت بتدمنه. بتعشق ريحة برفانه المختلطة بالسجاير اللي بيشربها.

ابتسمت بحب لما شمت ريحة البرفان. نزلت وهيا متضايقة من تصرف فهد ومن مامتها. حست مرة واحدة بحد بيمسك إيديها وهيا نازلة. لفت بخضة وحطت إيديها على قلبها. غرام بخوف: يخربيتك يا فهد. وقعت قلبي. قرب منها فهد وباس إيديها برقة: سلامة قلبك يا حبيبتي. غرام بكسوف: فهد، بطل طريقتك.

فهد: مش هبطل. واللي عندك اعمليه. وبعدين متنسيش خطوبتنا يوم الخميس اللي جاي. يعني بكرة هتنزلي معايا المحل تختاري الشبكة اللي تعجبك. وبعدها نشوف الفستان والكلام الفاضي بتاعكوا كبنات. غرام: كلام فاضي. على فكرة الفستان أهم منك شخصياً. فهد بوقاحة: إزاي أهم مني شخصياً؟ أمال مين هيبوسك بعد الخطوبة وهيهريكي بوس؟

يا حبيبتي الشبكة والفستان والهري ده كله اللي بيحصل شكليات. أهم حاجة الحاجات اللي بعد الجواز والخطوبة. الحب والغرام والشوق اللي هيسهرني الليل معاكي. والأهم من ده كله إني هقفشك في الشقة بتاعتنا كل شوية وأرزعك بوسة تجيب أجلك. زعقت غرام بكسوف: فهدددد. متبقاش سافل بجد. راعي إنها بنت. فهد بجراءة: مهو لازم أعرفك يا حبيبتي كل حاجة من دلوقتي علشان نبقى على نور. غرام: شكراً يا فهد. مش عايزة أعرف حاجة. مسك فهد إيديها.

فهد: تعالي ننزل سوا وأوصلك مكان ما انتي عايزة. رفعت حاجبها وبصت لأيده واتكلمت بسخرية: لأ والله. ضحك فهد وبانت غمازته اللي تاهت فيهم غرام. فهد: آه والله. وبعدين تعالي يلا. متبقيش بنت خنيقة بقي. فكيها يفكها عليكي ربنا. ضحكت غرام وسمعت كلام فهد. ونزلت معاه. وركبها فهد العربية قدام الشارع كله. شجن كانت بتبص لغرام بغيظ وحلفت لهتسرق منها فهد.

شافتهم داليا وهيا جايه على بيت خالها. نادت على فهد بس هو مسمعهاش وركب العربية ومشي. في عربية فهد. بصلها فهد بحب. لمعة عينيه كفيلة بأنها تثبت إنه بيعشقها مش بيحبها بس. اتكلم فهد لما لقى غرام ساكتة وسرحانة. فهد: مالك؟ مش على بعضك. غرام: مش عارفة. مترددة وخايفة. ركن فهد العربية على جنب ومسك إيديها. فهد بحب: إيه اللي يخوف في الموضوع ومترددة من إيه بالظبط؟ عيطت غرام: فهد، أنا مش مستعدة.

رد عليها بهدوء: احكي وقوليلي مش مستعدة لإيه وخايفة من إيه. إحنا هنتخطب الخميس اللي جاي. لو قصدك على الفرح، فا مش هيحصل غير بموافقتك ووقت ما تحبي.

غرام ببكاء: فهد، أنا مقدرش أبقى النسخة التانية من مامتي. مش هقدر أضرب قدام ابني أو بنتي. مش هقدر أتشتم كل يوم بأهلي. مش هقدر أتحرم من كل حاجة بحبها. فهد، هيا اتجوزته عن حب بس الحب مش كفاية. مكنش فيه لا احترام ولا مودة ولا رحمة. الحب مش كل حاجة. الحب مكمل لكل ده. مش شرط يكون موجود بس كفاية الاحترام والرحمة. أنا خايفة منك ومن الجواز علشان كده. لكن من ناحية إني مش بحبك، فا أنا بحبك من وأنا عندي 18 سنة. بس الخوف مسيطر عليا. فهد، أرجوك افهمني.

فهد لما لقها منهارة بين إيديه كده، قرب منها وحضنها. همسلها بحب: ششش...

مامتك مش انتي. باباك مش أنا. كل واحد وليه تجربته في الحياة. مش هقولك إني مش هضربك وكده لأنك مش هتصدقيني لأنه كلام بس. جربي معايا وشوفي. الكلام بيروح ويجي بس الأكيد هو الفعل. غرام، أنا تعبت من كتر ما بحاول. ولاخر نفس فيا هحاول علشان تبقي حلالي ومراتي وام ولادي. تبقي بنتي وأختي وصحبتي. تبقي حبيبتي ومراتي وصاحبي برضو. أنا عايزك في كل حالاتك. صدقيني مبقتش شايف غيرك وكأنك سحرتيني.

طمنها كلام فهد. وشدت على حضنه أكتر. دفنت راسها في رقبته. مجرد كلام بس قدر يطمنها. أوقات بنحتاج كلام بس. رد بس يطمني على الخوف اللي جوايا. وفهد قدر يحتوي غرام ويحتوي خوفها. بعدت غرام عن فهد وضحكت. غرام بمرح: طب إيه؟ مش هتخرج معايا؟ فهد مكنش مصدق غرام اللي مطلعة عينيه علشان كلمة بس حضنته وضحكتله كمان. فهد بعدم تصديق: بتتكلمي جد؟ غرام: جد الجد كمان. يلا تعال نروح ناكل أي حاجة. جعانة أويي. شدها فهد مرة واحدة لحضنه.

فهد بمشاكسة: يا بركة دعاكي ياما. ربنا يهديكي وتبقي كده على طول. كمل كلامه بحب وبعد عنها: ست غرام تحب تروح فين؟ غرام بحب: شوف عايزه نتمشى وناكل آيس كريم ونجيب غزل بنات. بس قبل كده نروح على محل شاورما وناكل أنا وانت في العربية ونجيب أي حاجة غير البيبسي علشان المقاطعة وكده، اوكي؟ آه افتكرت بيقولوا سبيرو سباتس دي مش تبع المقاطعة. تعال ندور عليها. فهد بأستغراب: طب ما تيجي نروح مطعم وخلاص.

ردت غرام: لأ، مبحبش المطاعم والكلام ده. أنا طول عمري بتخيل نمشي أنا وانت وناكل شاورما علشان أقول الأص، الصح مع فهودي. ضحك فهد ضحكة رجولية رنانة عليها. فهد بمرح: قولي بقى كده. غرام بحب: ما اديني بقول أهو. شغل فهد العربية ومشي. خرجت غرام مع فهد وراحوا أكلوا. وبعدها اتمشت هيا وفهد وفضلوا يتكلموا. وأكلوا آيس كريم وغزل بنات. طلعت غرام مع فهد وهيا تعبانة من المشوار. فهد بمشاكسة: فرهدتي من خروجة. أمال هتعملي معايا إيه؟ فهمت

غرام الكلام وردت بكسوف: ما تبطل قلة أدب بقى. متعرفش تتكلم من غير قلة أدبك. فهد بجراءة: بموت في قلة الأدب. تقريباً بتجري في دمي. جريت غرام على بيتها بكسوف من كلامه. صحيت غرام تاني يوم على صوت مطرة. خرجت جري على البلكونة تشوف المطرة زي الطفلة ونسيت تلبس الطرحة. طلعت راسها من الستارة: الله، الجو جميللل أويي. سمعت مرة واحدة صوت فهد وهو بيزعق من فوقيها. فهد بزعيق: ادخلي جوا علشان منزلش أصبح عليكي. بصتله

غرام وكان شكلها مغري: مالكش دعوة. فهد بغيرة: ادخلي يا غرام علشان متغاباش عليكي. دخلت غرام لأنها عارفة إن فهد غبي ومش بيتفاهم. بذااا في الكلام ده. كل الشارع كان بيبص على خناقة فهد وغرام. طلعت غرام بعدها بشوية وهيا لابسة طرحة. حست مرة واحدة بحد بيسحبها بإيده وإيده التانية بتحسس على جسمها بجراءة.