رواية حرم الفهد الفصل السابع 7 - بقلم سمية احمد

نور بصت لبنتها بصدمة، مكنتش متخيلة إن البنت اللي هربت وسابت الكل تخذلها للدرجة دي. كان هاين عليها تنزل فيها ضرب بس قلبها مكنش مطوعها. شد فهد غرام ورا ضهره لأنها كانت بشعرها. اتكلم فهد بقوة: حماتي أنا. قربت نور ورزعته قلم وزعقت بعياط: أنت تخرس خالص! بنتي اللي قولت هتخاف عليها أكتر مني طلعت مقضياها معاها. فهد بهدوء: عيب كده يا حماتي. نور بزعيق: عيب عليك أنت.

فهد بهدوء: مقبولة منك يا حماتي، القلم والشتيمة وكل حاجة، بس اهدي كده وصلي على النبي في قلبك. ضحك إياد على صاحبه لما سمعه وهو واقف على السلم. طلع لما شاف غرام بشعرها. هدى بخذلان: بقيت ابني اللي بشهادة الكل محترم يطلع منه كده. فهد بمرح: إيه يا ماما، أنتِ هتعيشي الدور ولا إيه؟ محترم مين؟ ده أنا من برا هللة هللة ومن جوا يعلم الله. مسكت غرام في تيشيرت فهد بخوف.

بصلها فهد واتكلم بمرح: هتوقعي البنطلون يابنت الهبلة، ده مش التيشيرت. حتى لو عايزة تعملي مشهد رومانسي بتتغابى فيه. ضربته غرام في ضهره بكسوف. زعقت نور: أنت إيه، بدل ما تقول إنك غلطان قاعد تهزر؟ فهد بجراءة: والله يا حماتي أنا بحاول أبان ليراكس بعد البوسة وحضرتك مصممة تبوظي المود لأهل اللي خلفوني. وأنا واحد بقالي خمس سنين بعافر مع بنتك عشانها. برقت هدى وغرام وندا ونور من وقاحة فهد. قربت نور من فهد وشدت بنتها.

نور: تعالي يا منيلة. فهد: عيب كده يا حماتي، اسمها غرام أو غرام الفهد أو غرامي. أي حاجة من ريحة الحبايب. نور بردح: وريحة الحبايب معفنة وسمعتها قذرة، شغالة تقفش في بنتي على السلم يا ابن هدى القرشانة وواخدها على الشقة وشغال بوس فيها. بصت هدى لنور بصدمة من كلمتها. هدى بعصبية: أنا قرشانة يا أم أربعة وأربعين. فهد: أوبااااا، هنبتدي في شغل العقارب من دلوقتي؟ مش لما بنتك توافق عليا يا حماتي الأول. غرام بكسوف: يلا يا ماما بقي.

فهد وهو بيقلد غرام: يلا يا ماما بقي. اتدلعى اتدلعى، لما بتشوفي خلقتي بتقلبي عم عبدو في نفسك. طب والغلبان ملوش في الدلع ده، أنتي حتى ملبن. نور بصدمة: نهار أبوك أسود! أنت جنسك إيه يخربيتك! أنت متربتش. ضربت هدى على صدرها بصدمة من ابنها: العيل اتهبل، العيل اللي حلتك يا هدى بقي أهبل. بقولك يا أم غرام جوزي ابني بنتك، العيل ربع مخه ضرب. فهد بصرامة: في إيه؟ انتو خليتوني أهبل وأنا في كامل قوايا العقلية.

كمل بحب: بس أنا قدامها بفقد كل قوايا العقلية بصراحة، بسيح قدامها. يخربيتك جمال أهلك يا شيخة، هربانة من برطمان عسل. عسل إيه برطمان نوتيلا. بصت للأرض بكسوف. فهد بحماس: أوعى بقى على السكوووف، لمنا في بيت واحد يا رب وجمع شملنا. ده أنا اتفضحت حتى. بصتله نور بغيظ وشدت بنتها، ولسه هتخرج بره. مسك فهد غرام. فهد بجدية: على فين يا حماتي. نور بضيق: على بيتنا يا ابن هدى. شاور فهد على غرام وقال: هتنزلي وغرام كده.

شد منها غرام ودخل الأوضة بتاعته. وقفت نور مكانها بصدمة من تصرفات فهد. فهد لبس غرام جاكت فوق البيجامة لأنها كانت ضيقة ولف فوطة فوق دماغها عشان شعرها. فهد بصرامة: شعراية بس تبان هخليكي تتمني تشوفيه تاني يا غرام. غرام بعصبية: نننني! بطل أم تحكماتك. قرب منها فهد بسرعة وخطف بوسة جنب شفايفها. فهد: نتجوز بس وهنتنقل لمرحلة تانية، مرحلة ما بعد البوسة. ضربت غرام في صدره وجريت على برا. نزلت غرام ومامتها بيتهم.

طلع فهد، كانت قاعدة هدى مضايقة من ابنها ومن غرام. فهد: حماتي وليه صعرانة؟ وأنا أقول غرام طالعة صعرانة لمين؟ أثريها طلعت وراثة. ضحكت ندا وقالت: بس الفهد ما طلعش سهل. فهد بغرور: عيب عليكي، ده أنا دنجوان في نفسي. ندا: أنتِ هتقولي. فهد بغرور: سمعتي قذرة للدرجادي. ندا: وأكتر بكتير. فهد بغرور: سمعة الإنسان نعمة، بذات لما تكون سمعة قذرة زي بتاعتي. *** في صباح اليوم التالي. في بيت غرام مامتها قاعدة بتكلمها.

نور: عارفة لو شفتك مع فهد... غرام بملل: أم الأسطوانة اللي خنقوتني بيها دي. والله يا ماما هو اللي بيجري ورايا. نور بردح: يا قلب أمك، بت انتي كنتي هتقعي من إيده من كتر ما البوسة عجبتك. غرام بكسوف: عيب يا ماما كده. نور: إنزل يا عيب. في إيه يقلب أمك، متتعدلي وابعدي عن فهد، لما تحبيه وتتجوزيه اعملي ما بدالك. غرام بنفاذ صبر: خلصتي يا ماما، اتاخرت على الكلية على فكرة. ***

نزلت غرام، وهيا نازلة لقيت فهد واقف وساند على باب الإسانسير مستنيها. فهد: شكل أمي دعيالي انهاردة. غرام: لا، داعية عليك. فهد بمشاكسة: مش أنتي رسامة؟ غرام: أيوه. فهد: طب ما ترسميني. غرام بسخرية: بتدرب على أشكال حلوة أرسمها يا فهد، مش على شكلك. فهد بصدمة من ردها: بت انتي لمضة وبجحة كده ليه وبلسانين. غرام: بعض ما عندكوا يا عمري. فهد: يالهويي على عمري اللي طالعة منك. غرام بعصبية: متبطل قلة أدب بقي.

فهد بغرور: عيب عليكي لما تقولي لفهد البحيري كده. إحنا عندنا قلة الأدب وراثة يا بنتي، يعني ولادي هيورثوا الكلام ده. غرام: ده بقى أكتر سبب مخليني رافضة الجوازة. فهد بغرور: أنتي تطولي أصلاً. حطت إيديها في وسطها واتكلمت وهيا بتميل بجسمها: ليه تكونش ابن السفيرة عزيزة ولا ابن نجاة العدوية، يابن هدى. بصلها فهد من تحت لفوق بجراءة. أخدت بالها من نظرته وعدلت نفسها بتوتر.

فهد بخبث: الجميل بيدلع في مكان غلط وكده خطر عليا وعلي الجميل. بس وماله نشوف الجميل ماله. غرام بعصبية: اخخخخ يااااارب! هتشل، هتموتني ناقصة عمرر. أنا لو عايزة أجلط نفسي مش هعمل كده. صبرررني يااارب. زعق فهد: بتصوتي ليه يابنت العبيطة. غرام: فهد متعصبنيش. فهد: طب اخرسي عشان مسكتكيش بالعافية. غرام بنرفزة: هتسكتني إزا... سكتها فهد مرة واحدة ببوسة. شدها فهد بقوة، خبطت غرام على صدره من شدة اختناقها، وهو لسه مكمل.

زقته بقوة، ساندت غرام على السلم بضعف. غرام بأنفاس متقطعة من شدة احتياجه للهواء: وربنا يا فهد لو مبطلت الزفت ده لهوريك. قر بمنعها فهد بخبث: وأي هو الزفت ده. غرام بتسرع: الزفت الب... سكت مرة واحدة واستوعبت هيا هتقول إيه، جريت برا العمارة بكسوف. زعق فهد: براحة على الأرض يا بطة عشان مش بتاعتنا. ضحكت غرام برقة على هزاره الوقح. *** دخل فهد المحل بتاعه، لقي إياد قاعد مستنيه.

إياد بهزار: بقيت أنا قالب الدنيا عليك وأنت قاعد بتدلع نفسك. لكمه فهد وزعق: أهو بسبب عينك اتحسدت. إياد بسخرية: اتحسدت؟ أنت تتحسد؟ أنت لو بتموت هتعمل اللي اتعمل امبارح. فهد بصدمة: يخربيت عين أهلك يلاا! أنا محدش هيجيب أجلي ويجبني ورا غير عين أهلك. بص يبني لحياتك، يخربيتك دانا مش هتجوز بسبب عينك. إياد: عيني؟ روح يشيخ، أنت بتحوق معاك عيني؟ ده أنت عيون بنات الشارع كلها مش جايبة نتيجة معاك.

ضربه فهد بعصبية: يبني خليك في حالك، كفاية بص في أم حياة اللي خفلوني. إياد بألم: يحرق إيدك يعم، بوظتلي وشي. أكمني أحلى منك والبنات بتموت فيا. آه ياحقودي يابو صورم. بصله فهد بعصبية ورجع ضربه لحد ما بقى يصوت من الضرب. إياد بألم وصراخ: خلاص يا عم، عيل وغلط. يخربيتك! ده أنا محتاج مستشفى سنة مش أسبوع. فهد: اسكت عشان هدخلك العناية. إياد بألم: هيا فيها عناية؟ ده أنا تقريباً حتى لو نويت أتچوز بقيت لا أصلح للجواز أصلاً.

فهد بغرور: أحسن عشان تعرف نفسك تاني مرة بتكلم مين. *** بليل رجعت غرام بيتها واتصدمت لما لقت فهد وندا وهدى عندهم. غرام بتسأل: في حاجة يا ماما؟ نور: لا يا حبيبتي مفيش حاجة. بصت غرام لفهد، لقيت نظراته صعب تفسيرها، بس مكنتش مرتاحة. نور: روحي هاتي العصير من جوه. دخلت غرام وجابت العصير وقدمت وقعدت جنب مامتها. قالت نور كلمة خلت غرام تبصلها بصدمة. نور: خطوبتك على فهد الخميس الجاي.