رواية حريم الباشا الفصل الحادي والعشرون 21 - بقلم اسماعيل موسى

رفع فارس حاجبة الأيمن بقلق باد، وابتسم للخادمة: "مين وصل يا هانم؟ الخادمة المندهشة من نبرة فارس الجادة، والتي عاقبت قلة الاحترام في المستنقع الذي تعيش داخله مجبرة، رفعت رأسها بإباء: "خالد بيه عزام يا بيه وصل يا فارس باشا." شعر فارس بخلل في خطته، لكنه تعلم تطويع المواقف لتخدم مصلحته: "جميل، خليه يشرف، احنا كنا مستنينه من بدري." رفعت صوفيا فزاع رأسها بخوف، وهمست: "خالد هنا؟ دا كان مسافر بره البلد، ايه إلى جابه دلوقتى؟

تأمل فارس ملامحها، مجرد امرأة أخرى مرتعبه جربت أن تدخل منطقة لا تخصها: "انتو لازم تمشو دلوقتى حالاً." "يا فارس! " حاولت صوفيا أن تنهض، لكنها فوجأت بضغطة من يد تالين، مع أمر: "ماتتحركيش غير لما أقولك." صوفيا: "انتو مجانين؟ خالد لو دخل هنا هتحصل مذبحة." ابتسم فارس: "أعتقد إنك اتصلتي بجوزك عشان ينقذك؟ ليه الزعر والخوف ده؟ "مش وقت هزار يا فارس، إحنا كنا بنلعب لعبة وخلصت، انت انتصرت فيها، من فضلك امشي قبل ما تحصل مصيبة."

"خايفه منه يا صوفيا؟ "مش خوف،" دافعت صوفيا، "لكن أنا وصلت لمكانة من السيطرة والتحكم، مش عايزة أفقدها بسبب تصرف طائش. خالد عزام ملك إيديا وأنا محتاجاها تفضل كده، دي الطريقة الوحيدة عشان أقدر أكمل حياتي معاه، مش عايزة أمنحه أي مبرر يخليه يقدر يرفع رأسه قدامي." "انتي عارفه إنه بيخونك يا صوفيا؟ "بطل هبل يا فارس، خالد ما يتجرأش يرفع عينه في وش ست غيري. ألعابك القذرة، حركاتك دي، اضحك بيها على واحدة غيري."

"فارس مش بيلعب يا صوفيا، خالد جوزك لسه واصل حالاً من عند عشقيته تمارا. تعرفي في أنواع العطور؟ أول ما يدخل هتشمي ريحة عطر Jean Paul Gaultier Scandal، مستنزف بشدة جوزك، العطر على جسمه كله مش بس خارجي." "بطل كذب يا فارس يا ناطوري، إياك تكون فاكر إن إلى بتحاول تعمله هيخليني أقرب منك أو أنكسر قدامك. أنا امرأة متمردة." شعر فارس أنه انتهى، انتهى من صوفيا ولا شيء له بخضوعها من عدمه، هناك أشياء لا تحتاج لإثبات:

"سيبيها يا تالين، يلا يا صوفيا وصلينا المخرج الآمن إلى بيهرب منه عشاقك. ولا أقولك ملوش لازمة، تغريد هتوصلنا وانتي البسي حاجة حلوة، الراجل راجع من سفر برضه ومحتاجك." قادت تغريد الخادمة فارس وتالين عبر الباب الخلفي، وعندما أصبح خالد عزام داخل الفيلا كانا في الشارع. استقرت تالين جنب فارس على المقعد الأمامي مرتخية، وأشعلت سيجارة: "أنا إزاي عرفت إن جوزها بيخونها يا فارس؟

إلى يشوف صوفيا يقول إنها ست غير قابلة للخيانة. ومعتقدش إنك بتقول أي كلام والسلام... همس فارس بصرامة: "النساء اللاتي يعتقدن أنهن غير قابلات للخيانة يقعن في المصيدة أولاً. الإسراف في الثقة والمثالية يا تالين أمر مقرف." ثم فتح سماعة الهاتف الخارجية. اعتقدت تالين أنه يشغل أغنية، لكن صوت صوفيا وصل: "كنت فين يا خالد؟ "في الشغل يا روحي، ما أنتي عارفة كل حاجة." "بس انت مكنتش برة البلد يا خالد."

"ممكن أعرف ريحة ألعطر إلى على هدومك دي وصلت منين؟ "هو حرام الراجل يرش عطر؟ صوفيا، مالك كده متعكننة ومتغيرة ليه؟ خالد، صرخت صوفيا: "انت عارف إني بكره الكذب، والبنت اللي كنت معاها، أقدر أجيبها حالاً دلوقتي قدامك. ثم انت عارف إني متساهلة معاك ومدياك الحرية، ليه تكذب؟ عرف خالد الاتفاق القديم الذي دار بينه وبين صوفيا: "أيوة يا صوفيا، بس أرجوكي متزعليش، أنا أسف." ثم سمع صوت صفعة قوية: "طول عمرك تفضل كل... قطع فارس المكالمة

ونظر إلى الطريق أمامه: "تالين، انتي مش مضطرة تعملي أي حاجة عشاني. أنا بس كنت بديكي درس عشان تخفي شوية عن حازم وشوية العيال الصيع اللي ماشيين وراكي." ابتسمت تالين ونظرت في عيون فارس لأول مرة بدقة: "انت متأكد مثلي وأكتر إنهم يستحقوا أكتر من كده. دول أولاد البشوات اللي مبوظين البلد ووالدي واحد منهم. دي طريقتي في الرفض يا فارس لأني ما أملكش طريقة تانية." "هو أنتي فاكراني مش عارف يا تالين؟

عن المنظمة وشغلك وحوراتك ومزاجيتك وكل حاجة. فارس مش بيختار أي شخص بفوضوية يا تالين. لينا كام سنة نعرف بعض؟ "عشر سنين يا فارس، بالضبط. وخلال العشر سنين دول، هل حاولت أعمل حاجة معاكي؟ "لا يا فارس، ودا اللي محيرني. لو انت عارف كل حاجة، ليه صبرت كل ده؟ ولو انت موافق أصلاً على اللي بعمله، ليه عملت كده معايا؟ قبض فارس على يد تالين بقوة: "انتي عارفة أنا عملت كده ليه يا تالين؟

لأنك محتاجة كده. أنا نجحت في تعريتك يا تالين. من الليلة اللي كنا سهرانين فيها في حفل معاذ الأنصاري، تقدري تقولي إن حاسة الشم عندي قوية شوية." كان فارس قد وصل باب القصر، ونزل من العربية: "العربية ملكك يا تالين، ممكن تاخديها على بيتك وتخلي السواق يرجعها. أنا بمنحك الاختيار." ترددت تالين لحظة ونزلت من العربية: "مش هتعزمني على فنجان قهوة ونفكر هنعمل إيه معاهم؟ ابتسم فارس الناطوري:

"بس أنا القهوة عندي بتتقدم بأصول وطريقة مختلفة يا تالين، المفروض تكوني فهمتي كده؟ همست تالين: "وأنا محتاجة أشرب قهوتك يا فارس."