رواية حتى النهاية الفصل السادس 6 - بقلم بسملة محمد

قرب منها وشد الورق من ورا ضهرها بسرعة وبدأ يقرأ اللي فيه وتعبيرات وشه بتتحول للغضب وقال: "عملتي التحليل ده ازاي؟ "انت مين؟ "بقولك عملتي التحليل ده ازاي؟ "امبارح.. حطتلك منوم في العصير و بعدين اخدت عينة من دمكم." "غبية هتبوظي كل حاجة بخططلها من سنين بغبائك."

"انا مش غبية عشان انا لو غبية مكنتش هعرف انت اخويا ولا لا بس انت اللي غبي عشان فاكرني مغفلة ومش هعرف حاجة ولا ايه.. دلوقتي يا اما تحكيلي كل حاجة من الاول يا اما هبلغ عنك البوليس وهحبسك." وهو بيشدها من شعرها: "انتي فاكرة اني هخاف منك كدة يابت انتي ده انتي تبقي عبيطة." ساب شعرها وفضل يدور في الأوضة: "فين تليفونك؟ "معرفش." "بقولك فين تليفونك؟ "في الشنطة." وهو بياخد التليفون من الشنطة:

"بصي انا مش هأذيكي بس انتي هتفضلي قاعدة هنا في الاوضة مش هتخرجي منها لحد ما يجي الوقت المناسب اللي اقولك فيه الحقيقة كلها." "وانا ايه اللي يخليني اثق فيك وانا حتى معرفش اسمك الحقيقي ايه." وهو بيخرج من الأوضة: "لو ده اللي هيطمنك يعني ف انا اسمي الحقيقي يوسف.. الاكل هيجيلك كل يوم لحد اوضتك وياريت متعمليش دوشة عشان مش هتستفادي حاجة." خرج وسابني مصدومة من كلامه...

يعني كل ده وانا فاكرة ان اخويا عايش وهيرجع وفي الآخر يطلع كدب.. طب الواد ده ايه حكايته وليه بيعمل كدة.. يمكن عايز فلوس.. لا لا لو عايز فلوس كان سرقني من اول يوم وهرب بس ده شكله وراه مصيبة وهتيجي على دماغي انا كالعادة.. فجأة جت في دماغي فكرة وقررت انفذها. *** يوسف: يا أدهم باشا انا قولتلك قبل كدة ان صفقة السلاح مهمة كدة وانت اللي اصريت تأجلها رغم انك عارف خطورتها وادي نص الرجالة راحوا هنعمل ايه دلوقتي.

أدهم: .......... يوسف: 4 بالظبط هكون عندك... سلام. "نهارك أسود ومنيل يعني نصاب وبتتاجر في السلاح كمان." يوسف بيلف بصدمة: "ملك؟! انتي خرجتي ازاي؟ "ده انا هوديك في ستين داهية يا متخلف انت فاكر انك هتحبسني وانا بقي اقعد اعيط وكدة لااااا ده انت متعرفنيشي." "الله يخربيتك يا شيخة انا كنت حاسس ان كل حاجة هتبوظ على ايدك." "بص بقي يا بتاع انت ياتحكيلي كل حاجة بالتفصيل الممل عشان انا حشرية يا اما هوديك فستين داهية."

"عارفة انا هحكيلك بس عشان اخلص من زنك ده جتك القرف." "اتنيل احكي." "بت تتلمي احسنلك انا ساكتلك بمزاجي متخلينيش اتغابي عليكي." "هو انا هشحت منك ما تخلص بقي." "انت متعرفيش انتي بتتكلمي مع مين ولا ايه انا المقدم يوسف محمد الشرقاوي وتتعدلي كدة وانتي بتتكلمي." "نعععععم."