رواية حتى النهاية الفصل التاسع 9 - بقلم بسملة محمد

يوسف بصدمة: هو انتي في مصر يا سيلينا؟ سيلينا: ايوه يا حبيبي أنا جاية في الطريق. يوسف: طب ما قولتيش ليه إنك هتيجي يا حبيبتي؟ كنت استقبلتك في المطار. سيلينا: لما نتقابل هحكيلك كل حاجة. يوسف: تمام يا حبيبتي مستنيكي. سيلينا: ok. ملك: مستني مين بقي يا شاطر؟ يوسف: آه بصي أنا هقولك حاجة بس متتعصبيش. ملك: لا طبعًا قول مفيهاش حاجة، مش هتعصب خالص. يوسف: سيلينا جاية في الطريق. ملك: آه تما... بتقول إيه؟ مين يا عنيا؟

أنت مش قولت كمان أسبوعين كده ولا حاجة؟ يوسف: ما أنا والله اتفاجأت زيك كده بالظبط. ملك: ماشي يا يوسف، ماشي. يقاطعهم صوت جرس الباب. يوسف: آهى جت. بصي بقي طول ما هي هنا أنا اسمي مالك مش يوسف، وتعاملي معاها عادي خالص، أبوس إيدك. ملك: تمام، بس تعزمني على ماك لما تمشي. يوسف: مادية حقيرة. ملك: أنت اللي جبته لنفسك. يوسف: خلاص خلاص موافق، اسكتي أنا هروح أفتح.

يفتح يوسف الباب وتدخل بنت شعرها أصفر قصير وعينيها خضراء ولابسة شورت قصير وتيشيرت أبيض وشايلة شنطة سفر. سيلينا وهي بتحضن يوسف: Malik I miss you so much. (مالك اشتقت لك كثيرًا) يوسف: I also miss you so much. (أنا أيضًا اشتقت لك كثيرًا) ملك: وأنا عاطف معاكم في الجروب. سيلينا: مين دي مالك؟ يوسف: دي تبقي... ملك تقاطعه: أنا أخته يا حبيبتي. سيلينا: آه، ازيك؟ مالك حكالي عنك كتير أوي. ملك: آه كويس...

أنتي بتتكلمي عربي كويس أه. سيلينا بدلع: مالك حبيبي علمني. يوسف: طب تعالي بقى يا سيلينا عشان ناكل، ملك بتعمل أكل تحفة. ملك بأستفزاز: بس أنا مطبختش النهاردة. يوسف بأحراج: آه طب خلاص أنا هطلب بيتزا. سيلينا: أنا مش جعانة دلوقتي... مالك عايزة اتكلم معاك شوية لوحدنا. ملك: لو عايزة تقولي حاجة يا سكر قوليها وأنا موجودة عادي. سيلينا: لا يا حبيبتي مش هينفع، هنتكلم في حاجات متخصكيش. ملك كانت هترد بس يوسف قاطعها وقال:

خلاص يا ملك ادخل أوضتك دلوقتي ونتكلم بعدين. ملك بحزن: تمام. سيبتهم ودخلت أوضتي، وأنا دقيقة كمان وهعيط... بقي كوباية الكركادية دي هتاخده مني... طب وسندوتشات الكبدة اللي كلناها سوا دي... ثانية واحدة أنا مالي بيهم، ما يولعوا هما الاتنين في بعض... بس يا ترى بيقولوا إيه دلوقتي؟ لا لا مش قادرة، أنا لازم أعرف بيقولوا إيه... خرجت من الأوضة براحة ووقفت ورا الحيطة عشان أسمع بيقولوا إيه. سيلينا:

مالك الباشا زعلان منك من غير حاجة. لما يعرف اللي أنت عايز تعمله ده ممكن ينهي شغله معاك وهتخسر كتير. ده باعتني مخصوص عشان عارف إن أنا اللي هقدر أقنعك. ملك بهمس وهي بتقلد سيلينا: أنا الوحيدة اللي هقدر أقنعك، نينينيني. يوسف: محدش قاله يشك فيا من الأول، وأهو اتأكد إن مش أنا الخاين، يستحمل بقى. سيلينا: الحفلة دي الباشا عاملها مخصوص ليك عشان يرد كرامتك. أنت عارف دلوقتي إنك هتبقى دراعه اليمين في كل حاجة. دي فرصة متتعوضش.

يوسف: هي الحفلة دي امتى؟ سيلينا: الخميس الجاي، يعني بعد يومين. يوسف: تمام، هاجي. سيلينا: أنا كنت متأكدة إنك مش هترفض. يوسف: أنا هروح أشوف ملك، أكيد زعلانة. ملك أول ما بتسمعه بتجري براحة على أوضتها. سيلينا: دي بتدلع عليك يا مالك، سيبها. يوسف: هروح أشوفها وأتأكد إنها مش زعلانة. ملك دخلت الأوضة بسرعة وعملت نفسها بتذاكر، وبعدين الباب خبط. ملك: ادخلي. يوسف: ممكن اتكلم معاكي شوية. ملك بتريقة:

آه طبعًا، لو خلصت كلام مع السنيورة. يوسف: بصي أنا عارف إنك زعلانة، بس كان لازم نتكلم لوحدنا شوية عن الشغل. ملك: ومين قال إن أنا زعلانة منك أصلًا؟ وأزعل منك بتاع إيه أساسًا... أنت بس روح حفلات مع... يوسف: آه، وأنتي عرفتي منين بقي حوار الحفلة ده؟ ملك: آآآ... أصل أنا كنت راحة أشرب وسمعتك بتقول حفلة وكده. يوسف: ملك أنا مش هحذرك تاني. ملك: يوه، عارفة عارفة، بس عايزة أطلب منك طلب. يوسف: ها، عايزة إيه؟ ملك:

أنا هاجي معاك الحفلة. يوسف: آه، إن شاء الله. ملك: مبهزرش على فكرة. يوسف: أنتي عبيطة يا ملك؟ حفلة إيه دي اللي عايزة تروحيها؟ ملك: بقولك إيه، أنا هاجي معاك يعني هاجي معاك، ومش هقعد في البيت لوحدي أنا... يوسف: مش هيحصل يا ملك. _يوم الحفلة _يوسف واقف تحت العمارة مستني سيلينا وملك يجهزوا، وبعد شوية بتنزل سيلينا لابسة فستان أزرق قصير وفاردة شعرها. يوسف: طول عمرك جميلة يا سيلينا. سيلينا بدلع: I know. (أنا أعلم) يوسف:

هي فين ملك؟ سيلينا بقرف: بتجهز فوق، حقيقي أختك دي بتدلع كتير. يوسف لسه هيرد عليها لقى ملك نازلة ولابسة فستان أسود طويل وفاردة شعرها البني الطويل. سيلينا كانت بتكلم يوسف بس كانش مركز معاها. سيلينا بغيرة: أخيرًا الهانم شرفت... يلا يا مالك عشان هنتأخر. يوسف: هاا، تمام تمام، يلا. _في الحفلة _أدهم: مالك! حقيقي أنا مبسوط إنك جيت هنا النهارده، مكنتش متخيل إن سيلينا هتقنعك فعلًا. سيلينا: عيب يا باشا، ده أنا سيلينا.

أدهم بيبص لملك ويقول: مين الآنسة الجميلة دي؟ مالك بيرد عليه بغيرة: دي ملك أختي. أدهم بيمسك إيد ملك ويبوسها ويقول: تشرفت بمعرفتك يا آنسة ملك، حقيقي مكنتش متوقع إن مالك عنده أخت جميلة للدرجة دي. ملك: شكرًا. سيلينا وهي بتشد يوسف: مالك تعالي نرقص يلا. بيروحوا يرقصوا وملك بتبص عليهم من بعيد بحزن وغيرة. أدهم بيمد إيده لملك ويقول: تسمحيلي بالرقصة دي؟ ملك بتبص ليوسف وسيلينا وترجع تبص لادهم وتقول: موافقة.

بيطلعوا يرقصوا ويوسف بيشوف ملك وهي بترقص مع أدهم ويتضايق، وبعدين يقرب منهم ويقول لادهم: يلا نبدل يا باشا. أدهم: مع إن كنت مستمتع بالرقص معاها، بس تمام. بيرقص أدهم مع سيلينا اللي بتبص لملك بحقد، ويوسف وملك بيرقصوا مع بعض. يوسف: إيه اللي أنتِ عملتيه ده؟ ملك: عملت إيه؟ يوسف: أنتي عارفة أنتِ كنتِ بترقصي مع مين؟ ده تاجر سلاح يا ماما. ملك: طب ما أنت كنت بترقص مع سيلينا، كنت أنا قولتلك حاجة؟ يوسف: أنا... مالك:

وأنت مالك بيا؟ يوسف: طبعًا ليا عشان أنا... ملك: عشان أنت إيه؟ يوسف: عشان مصلحتك وعشان متتأذيش والعملية تفشل، بس مش أكتر. ملك بحزن: بس كده؟ يوسف بجمود: آيوة. ملك بحزن: تمام. في نص الرقصة فجأة يسمعوا صوت ضرب نار و.....