رواية هتجوز امته يا أسامة الفصل الأول 1 - بقلم فيروزة

بقولك... قولي يا ست الكل... جيبالك عروسة يا حبيبي. تاني يا ماما... كده يابني نفسي أفرح بيك. هتفرحي يا ماما بس في وقته. لا بس أنا نفسي أفرح بيك دلوقتي. ليه يا ست الكل؟ هو أنا هروح أتجوّز دلوقتي؟ لا يا حبيبي لسه هتروح تشوف العروسة ولو حصل قبول منك ومنها... نعمل خطوبة وهي صه وتطبّل ورقص ولوووووولووووي! وبعدين فرح؟ ونفس الهيصة ونجيب الطبل البلدي يدق طول الليل. مينفعش يا حاجة نرقص ونهيّص من غير فرح. لا... ليه؟ كده... ليه؟ بقولك إيه أنا أخدت معاد مع الناس وهنروح بكرة. لوووولوووولي! حبيبي طول عمرك حبيبي. هو أنا أقدر أقول غير كده؟ أعرفكم على نفسي قبل ما نكمل في الليلة دي. احم احم... أنا أسامة. واللي قاعدة دي ست الكل. وأيوة عايزة تجوزني. زي كل أم ما بتعمل مع أولادها. نكمل تاني... تاني يوم... يلا يا أستاذ أسامة خلص لبس. خلصت يا ست الكل أهو. قمر يا حبيبي ربنا يحميك. ويباركلي في عمرك يا ماما. بقولك صحيح هو بابا مش جاي؟ لا يا حبيبي قال لو حصل نصيب يروح معنا المرة الجاية. طيب يا ست الكل يلا. بعد شوية وصلنا بيت العروسة. بعد ما قعدنا شوية جات العروسة. أول لما شفتها يالهوي ياما اجري يا أم أسامة بسرعة يا ست انتي.