رواية حطمت قلبي الفصل التاسع عشر 19 - بقلم لولا

عمرو بصدمة: خطوبة مين؟ انتي اتجننتي؟ ليان بوجع: اه خطوبتك يا دكتور. بتخبي ليه؟ أنا أصلاً كل ده ميفرقليش. عن إذنك. رايحة تمشي. مسكها عمرو. وأكمل بحدة: استني يا ليان، عشان أنا جبت آخري منك. ودخلها وقفل الباب. ووقفها وحاوطها بإيديه وهو ساند على الباب. وأكمل بحدة: مين قالك إني هتخطب؟ ليان بدموع: بنت عمتي. عمرو بحدة: أنهي واحدة؟ ليان بدموع وعصبية: متعصبنيش. في غيرها بتحكي معاها؟ أيلين.

عمرو فكر لثواني. وفهم إن أيلين قصدت تقول كده عشان ليان تتحرك. وشكرها جواه جداً. فأكمل بخبث: وده هيفرق معاكي في إيه؟ ليان بصدمة: انت هتتخطب بجد؟ عمرو وهو باصص في عينيها: آه. لأكتر بنت حبيتها في حياتي. ليان بدموع: أوعى يا عمرو، خليني أمشي. وعشان محدش يشوفنا كده. عمرو بهيام في عيونها: أكمل. محدش هنا. بابا وماما مع ستي عند الدكتور. بعدين مضايقة وبتعيطي ليه؟ قوليها وريحيني يا ليان. ليان بدموع: معنديش حاجة أقولها. أوعى.

عمرو وهو بيقرب من وشها أكتر: أكمل. متأكدة؟ ليان قلبها دق جامد من التوتر. وأكملت بتحذير: ابعد عني أحسن لك. أنا ابن عمتي رائد. هخليه يروقك لو ضايقتني. عمرو بابتسامة: ده حبيبي. قوليله عادي. وقرب من وشها أكتر. وأنفاسهم اختلطت. ليان بتوتر: أرجوك ابعد يا عمرو. عمرو بهيام: مش هتقولي بردو يا ليان؟ خلاص خليكي ساكتة. لو مقولتيش هفضل كده. وبص على شفايفها. ليان بحدة: إياااااك. والله هموتك. وهقول لأسر يربيك. عمرو

بهيام وهو قريب من وشها: أكمل. طب خلاص بس أهدي. صوت قلبك. أصلي ليه كده يا ليان؟ وجيتيلي ليه لما عرفتي إني هخطب؟ انطقي بقى وكفاياكي عناد. أرجوكي. أنا تعبت. ليان بتوتر: لما تبعد عن وشي عشان اتوترت من قربك. عمرو وهو باصص في عينيها الخضر. فهي نفس عيون والدها. أكمل بحب: وحياة عيونك الحلوين دول. ماهبعد غير لما أسمع. ليان بتوتر: إيه؟ عمرو بحدة: انتي عااارفة. مش عايز استعباط. ليان غمضت عينيها.

وأكملت: أيوه بحبك يا عمرو. استريح. عمرو بعدم تصديق وفرح: أكمل. إيه؟ قولتي إيه؟ ليان بدموع ضربته في كتفه. وأكملت: بحبك يا حيوان. ومن زمان وأنت مش حاسس بيا. ورايح تخطب. عمرو بفرح: يابت انتي هبلة؟ أنا كنت بقصدك بـ إني هخطب أكتر واحدة حبيتها في حياتي. وأنا حكيت لأيلين إني بحبك. فهي ساعدتني. بس مكنتش أعرف إنها هتقولك كده. ليان بدموع فرح: انت بتحبني أنا يا عمرو؟ عمرو بحب حضنها. وأكمل: ده أنا بموت فيكي يا بنت حسام.

ليان بضحك: حسام حاف كده؟ عمرو بضحك: اومال هحطلها ملح؟ ليان خرجت من حضنه. وأكملت: طب ابعد كده واتلم. أنا أخويا ظابط. فلو شافك هيعلقك. عمرو بضحك: مالك بتهدديني بأخوكي؟ جتك داهية فيكي وفي أخوكي. ليان بضحك: طب انت قد كلامك ده؟ عمرو بحب: آه. بس سيبك من أسر. نروح أنا وانتي في داهية مع بعض. مش مشكلة. كفاية إننا سوا. ليان بضحك: مجنون. أنا هروح. عمرو مسك إيديها.

وأكمل: استني. ده البت أيلين دي برنسيسة. مش خسارة فيها الشيكولاتة الغالية اللي طلبتهالي. ليان بضحك: ده أنا هربيها المهزقة. وجعت قلبي. عمرو بحب: ألف سلامة على قلبك يا لولي. المهم شوفيلي حسام بقي. ليان بضحك: يابني اسمه عمو. اتلم شوية. بس مش هتحرك غير لما أخويا يتجوز الأول. عمرو برفعة حاجب: أخوكي كاتب كتاب يا ليان. سيبك منه. ليان: لا. كنت بتكلم مع البنات. كلهم قرروا إنهم هيبتدوا يتخطبوا لما نطمن على أسر.

عمرو بتنهيدة: مفيش مشكلة. المهم إنك بقيتي عارفة إني بحبك. وإنتي بتحبيني. ربنا يخلصنا منك بالسلامة يا أسر يا ابن مراد. ليان بضحك: يارب. يلا باي. عمرو بحب: هبقى أكلمك. ليان: ماشي ياروحي. *** في أوضة مراد. مراد خرج من الحمام. وكان بينشف شعره. وابتدي يلبس. عشق بتوتر: حبيبي. مراد: اممم. عشق بتوتر: ممكن طلب؟ مراد بحدة: لو موضوع أيلين. اقفلي أحسن. عشق بحزن: ليه يا مراد؟

مراد بحدة: عشان أنا مش هجوز بنتي لابن طارق بسهولة. مش هأمنله. عشق باستغراب: بسهولة؟ !!! معني كده إنك تعتبر موافق. مراد بتنهيدة: بصي يا عشق. الواد لما كلمني. أنا شفت في عينيه تحدي وحب واضح لبنتك. بس مش هأمن بسهولة. صحيح نظرتي مخيبتش أبداً قبل كده. بس اللي مريت بيه من طارق مش سهل. فأنا هحط مصطفى ده تحت عيني. وهشوف فعلاً إذا كان بيحبها ويستاهلها ولا لأ. عشق حضنته.

وأكملت: كنت عارفة إنك هتحس ببنتك. طارق الله يرحمه. ومصطفى وأيلين ملهمش ذنب. فعلاً يا حبيبي. أنا معاكم. مراد بحب: انتي عارفة إني بقدر الحب جداً يا عشق. بس مش بسهولة هرمي بنتي. الأيام هتبين. والكلام ده بينا. قدام أي حد. أنا رافض تماماً. حتى أيلين لازم توصلها فكرة إني مش عايزاه خالص. عشق: حاضر يا حبيبي.

مراد: وأسر بردو لازم يوافق. مهما كان ده أخوها الكبير. وهو ليه الكلمة من بعدي. فـ رأيه مهم. أنا صح ليا الكلمة الأولى والأخيرة. بس مينفعش أصغره قدام أخته. وأقول آه وهو رافض. عشق بضحك: لو على أسر. فا اطمن. مراد بضحك: أثيل؟ صح؟ عشق بضحك: أيوه. مراد رجع ضهره لورا. راكمل بضحك: لا أنا كده اطمنت. صحيح إن كيدهن عظيم. *** عند هايدي.

هايدي بدموع: عشان خاطري أهدي يا ابني. من الزن. هيوافق. مراد طيب وبيفهم في الحب وبيقدره. متقلقش. أنت بس متستسلمش. مصطفى بوجع: وأما هو طيب. جوزك قتل ابنه ليه؟ وعمل فيه كل ده؟ هايدي بوجع حطت راسها في الأرض. وأكملت: كان غبي والـ انتقام عماه. سامحه يا ابني. ده دلوقتي بين إيدين ربنا. مصطفى بعصبية: أساااامحه؟ آه. أساااامحه على إيه؟ ولا إيه؟ ولا إيه؟ أسامحه على أخو حبيبتي اللي موته؟ ولا على ابن عمه اللي ظلمه وقهره؟ على ابنه؟

ولا إنه عيشني حياتي كلها في هروب وخوف أنا وانتوا؟ ولا على جاسر اللي حالف يدمر مراد؟ وأكمل بضحك: ده لسه جاسر ميعرفش إن البنت اللي أنا بحبها دي بنت مراد. أكتر حد هو بيكرهه في الدنيا. ياااه. هي الدنيا ضيقة أوي كده؟ البنت اللي أحبها تطلع هي هي بنت مراد. قريبنا. واللي أخويا حالف يموت أخويا. أبويا يقتلها. أخوها. وأخويا يقتل أبوها. وكسر إزاز الشباك بإيده بعصبية.

وأكمل: ماعندهوش حق. إحنا عيلة زبااااالة. وأنا لو مكانه مش هدي بنتي لواحد من العيلة دي. هايدي خدته في حضنها. وأكملت بعياط: أهدي عشان خاطري يا ابني. أهدي. أبوس إيدك. ووعد مني هتتجوز أيلين. بس أنت صمم. مصطفى بوجع: أنا مش هسيبها مهما يحصل. بس وأخويا اللي مصمم يقتل أبوها ده. هايدي بوجع وعياط: مش هينفع يعمل كده. مش هسمحله أبداً. مصطفى بدموع: ده حب أيلين. وساعدها من يومين. تخيلي لو كان يعرف إنها بنت مراد. كان قتلها هي كمان.

هايدي باستغراب وخوف: ليه؟ شافها فين؟ وبعدين صح. اياك أخوك يعرف حاجة. اياك يعرف إن أيلين بنت مراد. أو إن طارق قتل أخوها. اياك. هو ميعرفش كل ده. مصطفى بدموع: أما ميعرفش الحكاية كلها أصلاً. وإن أبوه شخص زبالة عايز يقتل مراد وينتقم منه. ليه أصلاً. وعلي إيه؟

هايدي بعياط: ربنا يسامحه. طارق قاله اللي يخليه شبهه في كل حاجة. حتي كرهه وحقده على مراد. حاجات صح. بس بطريقته هو. وحاجات مش صح خالص. وطلع نفسه بريء. يعني جاسر غصب عنه يا مصطفى. بردو. بس هو شاف حبيبتك فين. مصطفى بدموع: لما جالي الكلية. كان حد بيضايقها. وهو أنقذها. وقال إنه أخوها عشان شبهه في بعض تفاصيل الوش. زي عينيهم كده. فا الواد صدق وخاف. وقولت لمعيد الكلية عليه.

هايدي بوجع أكملت في سرها: هي اختك فعلاً يا حبيبي. أيلين اختك. آه. يا طارق. أنت مت. وسبتني أشيل هم كل حاجة. أنت خربتها. وعذاب الضمير اللي أنا عايشة فيه. وبسبب تربيتك لآدم ابنك. مصطفى حياته بتتدمر. ولو فكر يأذي مراد. هيبقي قتل أبوه. ودمر حياة أخوه اللي اتربى معاه. أعمل إيه بس يارب. ساعدني. مصطفى بوجع: ماما. أنتِ معايا؟

هايدي: آه يا حبيبي. قوم ارتاح. وزي ما قولتلَك. متجبش سيرة لجاسر. ووعد مني هتتجوز أيلين. أنت بس صمم. ووري مراد إنك غير أبوك. وإنك فعلاً بتحبها. وأخوك سيبهولي أنا. إياك تنطق معاه. ولا كأننا روحنا أصلاً. مصطفى بدموع: ماشي. وقام بص على صورة باباه بعتاب وحزن شديد. ودخل أوضته. هايدي بصت للصورة. وأكملت بدموع: ربنا يسامحك يا طارق. مش هقول غير كده. *** في أوضة مك.

مك: بإعجاب. أيوه طبعاً. يابني عجبني جداً ذوقك في الورد. قمر يا يونس. تسلملي. دخلت مريم. وسابت الباب مفتوح. مك: طب سلام. أكلمك شوية كده. مريم بحدة: الورد ده مين جابهولك؟ مك: بلا مبالاة. وهي ماسكة فونها. أكملت: يونس. مريم بحدة: هو انتي مش بتخافي من حد خالص؟ طيب يا بابا. مك قامت بسرعة. ودخلتها لجوه. وأكملت بخوف: بس يا مريم. انتي اتجننتي؟ عايزة تقولي لبابا؟ مريم بحدة: اه. عشان انتي زودتيه. مك: في إيه؟

إحنا صحاب عادي. يا مريم. بطلي طريقتك دي. وإنك تعملي فيها أختي الكبيرة. في إيه؟ أنا مبعملش حاجة غلط. مريم بخبث: خلاص بلاها بابا. أنا هتصل بسيادة الرائد. وناخد رأيه. سيبك من بابا. خلينا شباب مع بعض. مك بخوف شدت فونها. وأكملت: انتي اتجننتي؟ لا طبعاً. مش هسمحلك تحكي لإسر. ده يموتني. مريم بحدة: وأما انتي عارفة إنه يموتك. يبقي عشان عارفة إنك بتعملي حاجة غلط. فخايفة. أنا مش هسكتلك كتير.

مك بحدة: يونس بقي كويس يا مريم. متظلميش حد. مريم: يابت ده بيضحك عليكي. بطلي عبط بقى وعقلي. مك بتحدي: اثبتيلي كده. وأنا أوعدك هبطل أكلمه. مريم بتحدي أكبر: هثبتلك. بس هتسمعي كلامي. مك: اه. بس لو اتثبت إنه كويس. أنا هقوله ييجي يقابل بابي وإسر. مريم بصدمة: وسليم؟ يا مك. مك بوجع: سليم مقاليش إنه بيحبني. مش هفضل استناه. أنا قربت أتخرج. فهشوف حياتي. مريم بصدمة: مش لازم يقول. انتي مش بتحسي خالص؟ مفيش مشاعر؟ مش شايفة عنيه؟

مك: أحياناً بنعوز نسمعها. عشان نتأكد يا مريم. وطبعاً ربنا يحميكي انتي وزين. فمحستيش بكده. كانت ندي معدية. فسمعتها. ابتسمت ودخلت. ندي: ممكن أقعد شوية؟ مريم بحب: اقعدي يا حماتي. ندي باستها. وأكملت: حبيبت حماتك. المهم يا مك. أنا مش جايه أديكي مواعظ. وأقولك بطلي غباء أو تصرفك غلط. لا. أنا جايه أقولك حاجة واحدة. أنا حاسة بيكي. مك بحزن: إزاي يا خالتو ندي؟

ندي بتنهيدة: من سنين كتير. كنت قدك بالظبط. وكنت قاعدة مع عشق في كافيه الجامعة. وكانت هي نسخة عن مريم. دايماً تقولي: بطلي غباء. أدهم بيحبك. بلاش تخسريه. يابت عينه باينة. أصل انتي مش مدياه ريئ. وكلام من ده. وأنا قولتلها نفس الجملة: أحياناً بنعوز نسمعها عشان نتأكد. مك بحزن: بالظبط. طب انتي اتصرفتي إزاي؟ ندي: بصي ياستي. أنا صممت فعلاً إني أنا اللي صح.

وقولت لعشق: هو مش عيل صغير عشان ميقولش إنه بيحبني. أو لسه بيكون نفسه. ده كبير وواعي ومتخرج. ودكتور جامعي. فا إيه مانعه يقولي إنه بيحبني. مك: بالظبط. أنا بقول كده والله. ندي: اسمعي بس. المهم. أدهم كان عنيد أوي. وأنا أعند منه. وبقينا قط وفار. زيك انتي وسليم بالظبط. لدرجة إن مراد وعشق حبوا بعض بعدنا بكتير. واتخطبوا قبلنا. بس تعرفي ليه؟

عشان هما الاتنين كانوا مبينين مشاعر بعض لبعض. فمراد اتجرأ وقال إنه بيحبها. وهو مش خايف. أنما أنا يا مك. كنت مش برضي أبين. وهو بيعمل زيي. فمحدش فينا اتكلم. لحد مااا جيه أسوأ يوم في حياتي. وده سر بينا. مش كتير يعرفوا بيه. مريم ومك: أكيد. ندي بتنهيدة: كنا في خطوبة أبوكي وأمك هنا في الجنينة. وكان سوري إني بفتح في القديم. بس خلاص. ها. اللي فات مات. هشام كان ميعرفش إن عشق أخته. فا كان عايز يأذي أبوكي. وكانوا أعداء.

مريم: آه. عارفين. ندي بتنهيدة: بس اللي متعرفوش. اللي جاي. المهم. اليوم ده. أدهم اتخانق معايا على لبسي. عشان أنا مكنتش محجبة. وكنت لابسة فستان حمالة. فهزقني. طلعت أوضة عمتك إسراء. جبت طرحة. ونزلت. لقيت مراد عاجن هشام ضرب عشان ضايقه. وقاله إن عشق عيونها رمادي زيه. ومعاكسات. فا في الأثناء دي. عزة مرات خالك. كانت بتساعد هشام. وأكملت بضحك: سوري على فضايح العيلة يابنات. مريم بضحك: لا عادي. كملي.

ندي بحزن: المهم. عزة حطت حاجة في عصير مراد وعشق. وهما كانوا مضايقين. فمشربوش. والحاجة دي. سوري يعني. تخليهم يتخدروا. بس مشاعرهم لا. فيغلطوا. وهشام يفضح مراد. مك بضحك: يا اتش. يا اللي مش سالك. ندي: لا. أنا قولت ده سر. مريم: عيب عليكي يا حماتي. في بير محدش هيعرف. بجد. إحنا كنا عارفين شوية. كده كده. بس متقلقيش. كملي. ندي بحزن: المهم. أنا وأدهم شربنا العصير. مك ومريم بصدمة: إيه؟

ندي بحزن: آه. وهو صمم يروحني. ومش فاكرة أي حاجة تاني. غير إني صحيت. لقيت لبسي لبسي اللي تحت الهدوم بس. وفستاني على الأرض. وأدهم جنبي. قالع قميصه. وبيحاول يهديني. مك بدموع: يعني. يعني انتي حصلك كده؟

ندي بضحك: لا. منا بكملك. المهم. أنا انهرت. ورفضت يتجوزني. إحساساً مني إنه بيعمل كده شفقة. عشان غلطتوا. بس هو لا. اعترف إنه فعلاً كان بيحبني من زمان. وأنا قولتله إني بحبه بردو من زمان. بس كان وقت قاسي أوي. جيه خطبني زي ما تمنيت من زمان. بس مكنتش مبسوطة. كنت حاسة نفسي ناقصني حاجة. فين وفين بقى. أدهم قدر يخرجني شوية من المود ده. وعشق كانت عملالنا تحاليل. تعرفنا حصل إيه. نسيتها. وشفتها بعدين خالص. يوم خطوبة حسام وياسمين.

وقالتلي إنها شاكة إني بنت. كشفت عليا. لقيتني بنت. والتحليل قال إن المخدر 3 ساعات. وأنا وعمك فضلنا فترة طويلة في الخطوبة بعد العصير. فلما روحنا نمنا. وملحقش يلمسني. طبعاً فرحتي كانت مش سايعاني. حضنت أدهم. وهو كمان عيط من الفرح. بعدين اتجوزنا. ودخلت فعلاً زي أي عروسة. وجبت زين.

مريم بحب وهيام: أحلى حاجة عملتوها أصلاً. يا ندوش. ندي بضحك: ماشي يا واطيين. مك بدموع: الله. بجد يا ندوش. حكياتكم قمر أوووي. ندي: حضنتها. وأكملت: أنا قولتلَك كل ده عشان حاجة معينة يا مك. تستفيديها. وهي إنك تبيني مشاعرك. قبل فوات الأوان. متعمليش زيي يا مك. يمكن ميبقاش في بعد كده وقت خلاص. وتخسري. ربنا يفرح قلبك يا حبيبتي.

وسابتها حيرانة وزعلانة على حالها. وطلعت. بس كانت فاهمة قصد ندي كويس أوي. وفهمت من قصتها مع أدهم كتير. *** في أوضة أيلين. بتتكلم في الفون. أيلين بفرح: شوفت يا باشا؟ قولتلك هخليها تقولك بحبك. يسس يسس. عمرو بضحك: مش خسارة فيكي الشيكولاتة. أيلين بحب: تسلم يا كبير. يلا شدوا حيلكم بقى. عمرو: بعد ما أخوكي يتجوز. مصر كلها واقفة عليه. ابن مراد. أيلين بضحك: طبعاً. هو أي حد ولا إيه. ودخلت ليان. وهي بصلها بغيظ. عمرو بيضحك.

فأكملت أيلين بخوف: ادعيلي بالرحمة يا دكتور. سلام دلوقتي. عمرو باستغراب: في إيه يا بطة؟ أيلين بخوف: عزرائيل دخل عليا. عمرو بضحك: حبيبتي. صحيتي. أيلين بضحك: عليك نور. عمرو بضحك: دي ناويالك. سلام. متخافيش. هبقى أوزع قرص كل جمعة عند قبرك. كنتي طيبة أوي. سلام يا إيليا. أيلين بضحك: كده. سلام يا ندل. ليان بحدة: بتكلمي مين؟ أيلين بضحك: حبيبك. مبروك يا روحي. كده يا لولي؟ مش تقوليلي. ليان بغيظ: أقولك إيه؟ ده أنا هموتك.

وبتجري وراها في الأوضة. وبيضربوا بعض بالمخدات. أيلين بتهج: خلاص. خلاص. تعبت. مكانتش كدبة بيضا يعني. ليان بحزن: تعملي فيا كده وتوجعي قلبي يا إيلينا. أيلين حضنتها. وأكملت: قصدك عايز اكي تتحركي وتخفي غباء. متبقيش زي أختي. يا ليان. عايزة أفرح بيكي. وحقك عليا يا حبيبتي. ألف سلامة عليكي من وجع القلب. ليان حضنتها بحب. وأكملت: ربنا يخليكي ليا يارب. أيلين: ويخليكي ليا يا عمري. ***

بعد شوية. جيه أسر وزين. واتعشوا. وكل واحد طلع أوضته. في أوضة أسر. الباب خبط. أسر وهو خارج من الحمام. ولافف فوطة على وسطه. وبينشف شعره بفوطة تانية. أكمل: ادخل. أسيل دخلت. وأكملت: حبيبي. بعدين شافته. فا لفت ضهرها بسرعة. وقالت: يا نهاااارك أسود. إيه ده؟ مش تعرفني. وبتقول ادخل؟ ده انت ليلتك سودا. أي حد يشوفك كده عادي. أسر بضحك: جيه. وقف قدامها. وأكمل: عشان مفيش حد غريب يا حبيبتي. كلكم أهلي.

أسيل وهي مغمضة عينيها: لااا. طبعاً. محدش يشوفك كده غيري أنا. مراتك. عادي. أسر بضحك: أما مراتي نفسها. أهي مغمضة عينيها. وشدها وسطها ليه. وأكمل: فتحي يا أسيل. أسيل بإحراج: بس يا أسر. أنا متربتش إني قولت كده أساساً. البس. بعدين. أسر بخبث: لا مش هلبس. براحتك بقى. أسيل بإحراج: يوووه عليك يا أسر. أسر بضحك: لو بتحبيني. فتحي. أسيل فتحت عينيها. وفضلت باصة في عينيه. مش عايزة تبص عليه وتتكسف.

أسر بضحك: ليه محسساني إني مش لابس خالص كده؟ أسيل: متعصبنيش يعني؟ هي الفوطة لبس؟ أسر: ولا تزعلي. ودخل الحمام. لبس بنطلون. وطلع. أسيل: انت كده لبست؟ أسر نام على السرير. وسند ضهره. وأكمل: آه. أنا بنام كده. عايزة إيه بقى؟ عشان كده جيتي؟ أسيل قعدت نامت في حضنه. وأكملت: عايزة أطلب منك طلب يا حبيبي. أسر باستغراب: جاية تنامي في حضني. وحبيبي؟ بصراحة أنا مش مطمن. خير يا أسيل؟ ده كده مصيبة.

أسيل بضحك: اخص عليك وعلي تربيتك. هو عشان أنا حاضنه جوزي. يبقي مصيبة؟ أسر باستغراب وضحك: أسيل. انتي واعية؟ هو بصراحة. أنا مش مصدق. ليه الرومانسية اللي نزلت عليكي فجأة دي؟ بس عايزة الصراحة. أسيل بحب وهي باصة في عينيه: أكيد. أسر بضحك: عجباني. أسيل نامت على صدره. وحضنته. وأكملت: هفضل كده يا نور عيني. بس متكسفنيش في الطلب. عشان خاطري. أسر: خير يا أسيل. استر يارب. أسيل بخوف: إيلين. أسر بحدة: اتعدل.

وأكمل: أيوه. منا بقول مش طبيعي اللي بيحصل. مالها إيلين بقى؟ أسيل بحزن: بليز يا أسر. متجيش عليها. هي بتحبك. وبتحب خالي أوي. افهموها. أسر بحدة: قام وقف. وأكمل: أسيل. انتي اتجننتي؟ انتي عايزاني أدي أختي لابن اللي قتل أخويا؟ انتي بتستعبطي شكلك؟ أسيل بحزن: لا مش قصدي والله. بس مصطفى باين عليه كويس أوي يا أسر. ومش زي عمو طارق الله يرحمه. وحرام. مكنش يعرف بأي حاجة تخص آدم الله يرحمه.

أسر بحدة: مضمنش بردو. طارق قال لبابا. وعد. هو هيوجعك في حاجة غالية أوي. تقدري تقوليلي. بابا عنده إيه أغلى مننا؟ وبعدين تمر السنين. ابنه يحب أختي. هل ده طبيعي؟ أسيل بحزن: عارفة حقكم. متثقوش فيه بسهولة. بس جربوا.

أسر بتفكير لثواني: طارق لما قال كده لبابا. كان مصطفى وأيلين مجوش الدنيا أصلاً. كانوا في بطن أهلهم. وطارق أصلاً مكنش يعرف إن مراته حامل ساعتها. لأنه هرب لما عرف إنها رجعت مصر وحامل. يعني هدد بابا بالحاجة الغالية عليه دي. قبل مايعرف بحمل مراته. يعني مش أذي مصطفى. لايلين. + إنه مكنش يعرف إن أمي حامل بردو. ولو عرف. أي عرف. إنها هتجيب بنت. وإن مراته هتحمل في ولد. فكده... أسيل بفرح: أيوه بقى يا حبيبي. إيه الجمال ده؟

دماغ الرائد بتشتغل أهي. وحضنته. وأكملت: وحياة أسيل عندك. مترفضش مصطفى. وفكر فيها. هو فعلاً بيحبها. ومالوش ذنب. أسر بتنهيدة: حاضر يا أسيل. هفكر في الموضوع ده. بس بردو طارق هدد بابا. يعني في تهديد صريح. فمش هأمنله على أختي بسهولة. هو عايزها. يثبت بقى حبه ليها. أسيل بفرح: يعني موافق؟ أسر بحب: باسها. وأكمل: موافق يا أسيل. هديه فرصة. وهحط عيني عليها. أسيل باست خده. وأكملت: والله انت أحلى أسر في الدنيا. بحبك.

أسر بحب: وأنا أكتر يا نور عيني. *** تاني يوم. قاعدين على الفطار. ومراد قام. لأن عنده شغل مهم في الشركة. وهما كملوا فطار. عشق بحب: خلي بالك من نفسك. مراد بحب: باس راسها. وأكمل: ماشي يا حبيبتي. وخرج. وركب عربيته. وأثناء سيره في الطريق. أدم عدى من قدام العربية. فمراد داس فرامل بسرعة. بس خبطه خبطة خفيفة. وقع على راسه.