رواية هي ملتزمة هو منحرف الفصل الحادي عشر 11 - بقلم عبير شوقي

سعاد: إيه اللي أنتِ لابساه ده؟ أفنان (بتبص للبسها) : هدوم. سعاد (بنفاذ صبر) : هدوم إيه؟ أفنان: خروج. سعاد: الله ينور عليكي! في واحدة يوم خطوبتها تلبس إدناء أزرق وخمار أبيض، لا وكوتش كمان؟ أفنان: آه أنا. سعاد: ناوية تنقطيني صح؟ أفنان (بهدوء) : يا أمي يا حبيبتي يا أغلى الأمهات، دي خطوبة يعني ليها ضوابط وأحكام. عايزاني أروح ألبس فستان بيلمع وأبين شعري، ولا ألبس حجاب قصير شفاف؟

أنتم عارفين إني مش بحب كدة، زائد إني مختمرة ولولاكم كان زماني منتقبة، وعدنان عارف كذالك وهيتجوزني كدة. أوعدك بعد كتب الكتاب هلبس اللي تختاريه سيادتك، بس بعد ما أبقى مكتوبة على اسمه ومفيش أي حواجز بينا. تمام يا حبيبتي الغالية؟ سعاد (باقتناع) : طيب ماشي أما نشوف آخرتها، مع إن اللي بيمشي ورا العيال.. أفنان (مقاطعة) : يبقى جدع وابن ناس زينة. سعاد: مع إن بنات خالاتك هيتريقوا علينا.

أفنان: يا ستي سيبك منهم بقى عشان دنيتي أبيع آخرتي ترضيها لي أنتِ؟ سعاد: أبدًا! أفنان (بسعادة) : بس كدة! يبارك لي فيكي يا ست الكل، زائد الحرام قبل العادات. سعاد: طيب تعالي يا ستنا الشيخة، الضيوف على وصول. أفنان: ألا أجئ فين؟ سعاد: مش تفطري! أفنان: حبيبي يا أمي يا اللي بتهتمي بصحتي. ـــــــــــــــــــــــــــــــــــ أحمد: ماما ماما، خالي وعريس الغفلة جه. سعاد (مسكته من ودنه) : عيب يا ولد، ده ابن خالك وهيبقى جوز أختك.

أحمد: الله يعينه. أفنان: احترم نفسك يا ولد، سامعاك. سعاد: أنتم هتتخانقوا ولا إيه؟ أفنان: لا أبدًا. سعاد: طيب أنا رايحة أرحب بأهل العريس، أومال مناديا لك تيجي ومعاكي الشربات. تمام؟ خرجت سعاد واستقبلت هي وعاصم الضيوف، سلموا واتكلموا، وحانت لحظة الحقيقة، أحم.. أقصد جه وقت الخطوبة. (القراء: لو لو لوووولي أخيرًا! ده إحنا اتفرهدنا) نرجع بقى ده أنتم رغايين. أفنان خرجت بالشربات. سلمى (بنت خالة أفنان)

: إيه اللي لابساه ده يا حبيبتي؟ أنتم ما قلتولهاش إن دي خطوبتها؟ أفنان: ده إدناء مش عارفاه إزاي ده؟ كل الجميلات العفيفات بتلبسه. سلمى: آه عارفااه، بس هو يعني إحنا عارفين إنك عاملة نفسك شيخة وده حرام وده حلال، بس دي يوم خطوبتك ولا أنتِ مش راضية عن الجوازة وبتعملي كدة قصد؟

أفنان: والله يا سلمى يا حبيبتي أنا ولا عاملة فيها شيخة ولا حاجة، أنا بس بعمل اللي أمرنا بيه ديننا ورسولنا عليه أفضل الصلاة والسلام، وعشان رضا ربنا، مش أكتر. وبعدين يوم خطوبتي ده أنا معرضة إني أموت فيه وأنا ما أرضاش لنفسي أموت على معصية. زائد إن عدنان هيتجوزني أنا مش اللبس، يبقى ما تفرقش بالنسبة له فستان أو إدناء. عدنان: أنتِ جميلة في كل ما ترتدين. أفنان (لنفسها) : أنت جاي تخرجني يا جدع؟ خربت الموقف.

ما كانتش عارفة ترد تقول إيه، بس بصت لسعاد اللي كانت بترمقها بنظرات مخيفة لتردف: شكرًا، ده من ذوق حضرتك. سلمى: هي وصلت لحضرتك؟ هههههه. عاصم: إيه يا أولاد مش هتلبسوا الدبل؟ عدنان: ماما، ممكن تلبسي أنتِ أفنان الدبلة؟ هند: ماشي بس أنت العريس. عدنان: هفهمك بعدين. هند: حاضر. وأخذت الدبلة لبستها لأفنان. جه دور أفنان، مسكت الدبلة وحطتها على صباع عدنان بحيث ما لمستوش، حطتها على مقدمة الإصبع وعدنان كمل.

راشد: خد أفنان يا عدنان وشم هواء في الجنينة. أفنان: يعني هنا ما فيش هواء؟ عدنان: في بس هواء الجنينة أجمل. أفنان: تمام. في الجنينة. أفنان (بجدية) : شوف بقى يا أستاذ عدنان، سلام بالإيد نوووو ما باسلمش. كلام في الفون وحوارات ما باتكلمش إلا للضرورة ودي ما فيش. تقول لي عين محن وهداية وبتنجان، أقول لك هما ما فيش غيرهم عيدين في الإسلام؟ عيد الفطر وعيد الأضحى. غير كدة بدعة وكل بدعة ضلالة وكل ضلالة في النار. تمام؟

عدنان: إييي راديو عطلان ما بتفصليش. أفنان: مش عاجبك طلقني. عدنان: أطلقك إزاي؟ ده إحنا لسه بنقول بسم الله في الخطوبة. أفنان: ما أنا عارفة. أصلًا أنا سمعت إن الست ما ينفعش تقولها لجوزها، لأن ممكن في لحظة غضب يطلق فعلًا وتبقى هي السبب في خراب بيتها. عدنان: كلامك مضبوط. أفنان: تمام، أنت عندك حاجة عايز تقولها لي؟ عدنان: إحنا ما اتعرفناش على بعضنا كويس. تيجي نتغدى مع بعض؟

أفنان: آسفة بس إحنا مخطوبين مش متجوزين عشان نبقى في مكان لوحدنا. وبعدين أنا اتأخرت ولازم أمشي. عدنان: استني تمشي على فين؟ أفنان: عندي درس قرآن للأطفال في الكتاب وما ينفعش أغيب. عدنان: طيب ممكن أجي معاكي؟ سجدة: هييي وأنا عايزة أجي. أفنان (بتفكير) : أنتم الاثنين؟ تمام ماشي هتصل بأحمد عشان يوصلنا. عدنان: أنا هوصلك. أفنان: تمام. عدنان: طيب مش هتقولي لعمي لغاية ما أجيب العربية؟ أفنان: بابا وماما عارفين.

عدنان: طيب أنا هجيب العربية وأتصل على سجدة تطلعوا لي. سجدة: توووماام. خرج عدنان، ركب عربيته واتصل بسجدة، وانطلقوا بالعربية. في حوالي ربع ساعة كانوا وصلوا. أفنان: نزلني هنا عشان هأشتري الشوكولاتة للأطفال. أفنان كانت داخلة تشتري. عدنان: استني خدي الكريديت كارد اشتري منه اللي عايزاه. أفنان: عدنان بجد شكرًا ليك، متفهمة إنك حابب تساعدني، بس أنا لما هأحتاج هأطلب منك.

دخلت السوبر ماركت وبعد ما خلصت المشتريات كانت هتحاسب بس هي نسيت الشنطة في العربية! لتردف للبائع: ممكن لحظة خلي الحاجات هنا أجيب الفلوس وأجي. البائع: تمام حضرتك. عدنان: كاش ولا الكريديت كارد شغالة؟ البائع: شغالة يا فندم. عدنان: طيب اتفضل حاسب على كل مشتريات الآنسة. أفنان تتفادى النظر لعدنان. عدنان: محتاجة حاجة ثاني؟ أفنان: أحم لا وشكرًا جدًا على اللي عملته معي. عدنان: شكر إيه أنتِ هبلة؟ ده واجبي. دخلت للكُتاب اللي

بتحفظ فيه القرآن الكريم: السلام عليكم ورحمة الله وبركاته يا غاليين، النهاردة علينا إيه؟ بنت من الطلاب: سورة الممتحنة يا معلمة. أفنان: أحسنتِ يا جميلتي. سورة الممتحنة هي سورة من الجزء الثامن والعشرين. أنتم عارفين إن بعض السور توقيفية؟ توقيفية: يعني لازم نقف عند اسم السورة ونعرف سبب تسميتها. برضو من هي الممتحنة؟ الممتحنة: هي أم كلثوم بنت عقبة بن أبي المعيط. أحد الطلاب: أم كلثوم دي اللي بتغني يا معلمة؟ أفنان (بابتسامة)

: لا يا قلب المعلمة، أم كلثوم بنت عقبة دي كانت في عصر الرسول صلى الله عليه وسلم. أنا هأحكي لكم القصة. الممتحنة هي: أم كلثوم بنت عقبة بن أبي معيط! وعقبة بن أبي معيط الذي لقب (بأشقى القوم) الذي أتى بسلا جزور (سلا جزور يعني أمعاء الشاة والقاذورات اللي في بطن الشاة) مصارين وكرشه ووضعها على ظهر النبي (صلى الله عليه وسلم) وهو ساجد، وهو نفس الشخص اللي لف رداءه وخنق به النبي (صلى الله عليه وسلم)

وهو يصلي فنقص الأكسجين عنه وأغمي على النبي عليه الصلاة والسلام، وهو نفس الشخص الذي بصق في وجه النبي عليه الصلاة والسلام. وبالرغم من ضلال عقبة ابن أبي معيط، ربنا أخرج من صلبه من يوحد الله وهي ابنته أم كلثوم. أم كلثوم كانت ذكية جدًا وكانت تحب العلم وكانت من قلائل النساء الذين يهتمون في العلم بمكة.

ويدخل الإيمان في قلب أم كلثوم ولكن تكتم إيمانها عن أبوها عقبة بن أبي معيط وعن إخوتها عمارة والوليد، ويأتي موعد الهجرة ويهاجر النبي عليه الصلاة والسلام، وأم كلثوم تريد أن تهاجر مع النبي صلى الله عليه وسلم ولكنها تخاف من بطش أبوها وإخوتها فتصبر أم كلثوم. وتأتي غزوة بدر ويقتل أبوها عقبة بن أبي معيط ويموت على الكفر. وتكبر أم كلثوم وعندها (16 أو 17)

سنة، وهي في سن الزواج ويتقدم لخطبتها أشرف شبان مكة وترفض أم كلثوم وتصبر وحلمها دين محمد وأن تهاجر إلى النبي صلى الله عليه وسلم في المدينة ويحصل حدث يغير حياة أم كلثوم ويأتي بعدها صلح الحديبية ويكون من شروط صلح الحديبية أن لو أحد ذهب للنبي صلى الله عليه وسلم إلى المدينة حتى يسلم فالنبي عليه الصلاة والسلام يرد الشخص ويرجعه إلى مكة. وتسمع أم كلثوم بشروط صلح الحديبية فتعلم أنها من المستحيل أن تهاجر للنبي صلى الله عليه وسلم إلى المدينة ولو هاجرت النبي سيرجعها إلى مكة من أجل شروط الصلح. ويشتد الخناق على أم كلثوم وتقرر أن تهاجر حتى لو أرجعها النبي صلى الله عليه وسلم إلى مكة.

شابة عمرها يقارب 16 سنة تهاجر لوحدها إلى المدينة المنورة في الليل والطرقات بين مكة والمدينة وعرة والمسافة طويلة، ومن الممكن أن النبي صلى الله عليه وسلم يرجعها إلى مكة وسيعلم الجميع أنها مسلمة وتتأذى من إخوتها!!! إنه ثبات كالجبال الراسية. ويشاء الله وتهاجر أم كلثوم وتصل المدينة المنورة وتذهب للنبي (صلى الله عليه وسلم) والنبي في حيرة من أمره والصحابة يقولون: كيف نرجعها إلى مكة يا رسول الله؟

والنبي عليه الصلاة والسلام صامت ينتظر أمرًا من الوحي (وما ينطق عن الهوى، إن هو إلا وحي يوحى) (يا أيها الذين آمنوا إذا جاءكم المؤمنات مهاجرات فامتحنوهن الله أعلم بإيمانهن فإن علمتموهن مؤمنات فلا ترجعوهن إلى الكفار) وينزل أمر الله من فوق سبع سموات بأن أم كلثوم لا ترجع إلى مكة ويقبلها الله سبحانه وتعالى. والله يجزيها على صبرها فتتزوج ليس

من أشراف مكة فقط بل من: عبد الرحمن بن عوف، أحد العشرة المبشرين بالجنة وأغنى أغنياء المدينة المنورة وأشرفهم. تلك كانت قصة اسم سورة الممتحنة. قصة أم كلثوم بنت عقبة بن أبي معيط الصابرة المحتسبة. أفنان: إيه ده أنتِ بتعيطي؟