رواية هي وكبريائه الفصل الثالث 3 - بقلم أماني السيد

اه ماتقلقيش، خليته يركز معاها ووافق إنه يقرب منها بحجة إنه يغيظ هلا عشان ترجعله. بقولك اعرف هلا دلوقتي. المجهول: لا استنى شوية، لو عرفت دلوقتي ورجعتله يبقى إحنا كده معملناش حاجة. اصبر عليه وأنت ماتعملش حاجة، سيب هلا هي اللي هتدور وراه من غير مانقولها حاجة، بس أهم حاجة ماتعرفش دلوقتي. تمام تمام، بس أنا قلقان على تبارك لو الموضوع ده خلص مشاعرها هتنجرح أوي. ماهي كده كده مشاعرها مجروحة، سيب الموضوع ده للنصيب. عندك حق.

مر بعض الوقت وانتهت تبارك من العمل، وأتى موعد الاجتماع خارج الشركة. خرجت تبارك من الشركة برفقة داوود، وعلى غير العادة لم يكن السائق بانتظاره. فتح داوود باب السيارة لتبارك حتى تصعد، لكنها وقفت أمامه لم تتحرك. في ايه يا تبارك مش هتركبي ليه؟ امال فين عم جمال؟ عنده مشوار، وبعدين ماتقلقيش أنا بعرف أسوق. هتركبي ولا هفضل واقف كتير كده؟ صعدت تبارك السيارة وجلست بجانب داوود، وكان داوود يجلس خلف طارة القيادة.

حل الصمت داخل السيارة، فأراد داوود أن يتعرف عليها أكثر ويكسر ذلك الصمت. وحدووووه. لا إله إلا الله. بقولك ايه أنا هجيب حاجة أشربها، اجيبلك معايا ايه؟ لأ ميرسي مش عايزة. ماتتكسفيش يا تبارك، هتقوليلي ولا اجيبلك على ذوقي ومايعجبكيش؟ خلاص عايزة نسكافيه بلاك سادة. نظر إليها داوود بابتسامة جانبية. ده نفس اللي أنا بشربها.

حست تبارك بإحراج لأنها كانت تجرب جميع الأشياء التي يحبها، حتى القهوة أحبتها كما يحبها، كان مثلها الأعلى وحبها الوحيد. عادي يعني، في ناس كتير بتشربها كده. واضح يا تبارك إن في بينا أشياء مشتركة كتير ماكنتش اعرفها، بس ملحوقة. نظرت له تبارك بإندهاش، ماذا يقصد بحديثه ولماذا يريد التعرف عليها، لما أسلوبه معاها أصبح مختلف؟ هي تحبه دون أن يراها، ماذا سيفعل بقلبها بقربه منها؟

ذهب داوود واشترى الطلبات، وأراد أن يتأكد أكثر من حبها له وأنها تفضل ما يفضله هو. قام بشراء تشيز كيك بالتوت بجانب النسكافيه. غلفهم له البائع كل طلب بمفرده، فذهب إلى السيارة وأعطى تبارك الحقيبة وبها النسكافيه والتشيز كيك، وأراد مراقبة تعابير وجهها. اتفضلي يا تبارك، جبتلك تشيز على ذوقي، يارب يعجبك وتكوني بتحبيه. فتحت تبارك الحقيبة وابتسمت بتلقائية لأنها تحب ذلك النوع، هي تحب أي شيء يحبه.

ميرسي أوي، أنا فعلاً بحبها، شكراً. العفو، كنت خايف ماتعجبكيش. جلسوا في السيارة يحتسوا المشروب ويتناولون الكيك، وكان داوود شارداً في تبارك وداخله غرور يزداد بأن فتاة جميلة مثل تبارك تحبه وتفضله على الجميع وترفض الارتباط من أي شخص آخر لأجله. شرد في حياته مع تبارك، ماذا لو تزوجها بدلاً من هلا؟ ولن يعود إلى هلا؟ هل هو يحبها؟ هل سيستطيع تقبلها؟

هو أحس براحة مع هلا ويراها زوجة مناسبة، لولا خلافها مع والدته لكان تزوجها منذ فترة. ياترى ماذا سيكون رد فعلها عندما تعلم إنها كانت مجرد وسيلة لرجوع خطيبته؟ هل ستستمر تحبه؟ أم لم يريد أن يكمل التفكير، هو أعجبه حبها له، زاد من غروره كرجل تتمنى الفتيات نظرة منه. تحدث داوود كاسراً الصمت. مبسوطة معانا في الشركة يا تبارك؟ اه، مرتاحة في الشغل، لو مكنتش مرتاحة كنت مشيت من بدري.

تعرفي قبل ما تيجي انتي مكنش فيه واحدة بتكمل معايا شهرين ورا بعض. أول ما جيت كانوا بيخوفوني منك، ومكنوش حابين يصاحبوني لحسن أمشي بعد ما يتعودوا عليّ. وانتي مخوفتيش مني؟ لأ، ليه؟ عشان حضرتك بتحب الشغل يكون تمام ومظبوط، وده حقك. حضرتك بتدور على حد يكون جاي يشتغل وحابب الشغل. واللي بييجوا مكنوش بتوع شغل، بيجوا عشان صاحب الشغل، صح؟ حست بالاحراج من تسرعها في الحديث معه، لما هو اليوم يركز على كل كلمة تخرج من فمها.

معرفش، بس اللي أنا متأكده منه لو كانوا بتوع شغل مكنوش مشيوا. فعلاً يا تبارك، عندك حق. تبارك، هو ممكن يجي يوم وتمشي من الشركة وتسبيني؟ قصدي تسيبى الشغل؟ مش عارفة. يعني إيه؟ محدش عارف بكرة في إيه ولا الأيام مخبية إيه. طيب، التليفون بيرن، عن إذنك هرد وارجعلك. خرج داوود من السيارة وتحدث مع منير. الو منير، عايزك بكرة تجهز العقد لتبارك وتمضي عليه من غير ما تاخد بالها، سامع. ليه؟ حصل حاجة؟

اسمع وخلاص، مش لازم كل حاجة أفسرهالك. أنت اقترحت اقتراح وأنا بنفذه، أكتر من كده مش عايز كلام ومتسألنيش في حاجة، أنت تنفذ على طول. حاضر يا داوود، حاضر. أغلق داوود الهاتف وعاد لتبارك التي مازالت تأكل الكيك. حصلت مشكلة يا تبارك، والمعاد اتأجل. خير، في إيه حاجة تخصنا؟ لأ، حصلت عنده هو، ظروف واتأجلت. طيب تمام، هنزل أنا هنا وهاخد عربية توصلني البيت. لأ طبعاً، أنا هوصلك. لأ طبعاً مستحيل، الناس تقول عليّ إيه؟ يقولوا أوبر.

هو فيه أوبر بيركب مرسيدس بنز ٢٠٢٤؟ خلاص استنى، هطلبلك أوبر يوصلك لحد البيت وأنا همشي وراكي بالعربية لحد ما توصلي. مافيش داعي حضرتك، اطلب العربية وهي هتوصلني. اسمعي الكلام بس، هاتي اللوكيشن. بالفعل قام داوود بطلب سيارة لتبارك، وعندما أتى سائق الأوبر خرجت تبارك من سيارة داوود وركبت برفقة السائق وجلست في المقعد الخلفي. تحرك السائق وهو ينظر لتبارك نظرات خبيثة. هو انتي متعودة دايماً على كده؟ على إيه حضرتك؟ حضرتك إيه بقى؟

بتنزلي من عربية واحد تركبي عربية واحد تاني؟ طيب يا ستي أنا هدفعلك زيهم وأحسن كمان، بس تحبي في البيت ولا في مكان فاضي؟ انت واحد قليل الأدب، نزلني هنا. انتِ هتعملي لهم عليّ؟ يابت انتي اشحال إن مكنتش جايبك من عربية تاني. أحست تبارك بالذعر خاصة إنه غير مسار السيارة. انت رايح فين؟ نزلني بقولك نزلني. أرادت تبارك الاتصال بأي شخص تستنجد به، لكن السائق كان أسرع وأخذ الهاتف من يدها وأغلق لوك السيارة.

أحس داوود بشيء غريب يحدث، حاول الاتصال أكثر من مرة بهاتف تبارك لكن وجده مغلق، أسرع في القيادة محاولاً اللحاق بالسائق، لكن زادت شكوكه بسبب سرعة السائق في القيادة. بدأ يسير السائق في مناطق مهجورة كان على علم بها جيداً، وكان داوود يلاحقه إلى أن توقف في مكان زراعي مهجور وأوقف السيارة.

حاولت تبارك الفرار منه لكنه كبلها جيداً، ظلت تبارك تصرخ بأعلى صوت حتى يستطيع أحد إنقاذها، لكنها لم تستطع، ضربها السائق برأسها في السيارة من الخلف مما أدى إلى تشويش الرؤية لديها. وصل داوود وذهب مسرعاً لتلك السيارة، وكان يسمع صوت تبارك وهي تستغيث مما أدى لفزعه الشديد عليها. ذهب عند السيارة وقام بجذب الرجل من الخلف، ونظر لتبارك وجدها تقاوم كي لا تفقد وعيها وعلى وجهها آثار صوابعه.

ظل داوود يضرب ذلك الرجل ثم كسر له أصابع يديه كاملة، وكلما نظر لتبارك زاد من ضرب ذلك الرجل إلى أن فقد الوعي، ثم ذهب للسيارة وحمل تبارك وأخرجها من تلك السيارة ووضعها في سيارته، ثم ذهب لسيارة الرجل مرة أخرى وقام بتصويرها وتصوير أرقامها حتى يتعامل معه فيما بعد، أما الآن فعليه إنقاذها أولاً. ذهب بها لأقرب مشفى حاملاً إياها، وعندما رأوه العاملين ذهبوا له مسرعين ومعهم الترولي وقام بوضعها عليه.

ثم ذهب للاستقبال لملء بياناتها. ممكن الاسم والسن؟ أعطاه داوود بياناتها الموجودة في بطاقتها. طيب ممكن أعرف صلة القرابة؟ تبقى.... نخمن بقى.